sadiyon se manushya grahon aur nakshatron ki sahayta se jivan men hone vali achchi-buri ghatnaen aur unke kram ka anuman lagate ae hain. yani jo log purnataya jyotish ko manne se katrate hain ve bhi kahin n kahin akash ya brahmand men banne vali sthitiyon ke prabhav ko nahin jhuthla pate aur jab yah siddh hai ki yahi sthitiyan kairiyar, lav laif, jivan men ane vali kathinaiyon, achche avsron par prabhav dalti hain to kahin n kahin in taron ke samuh yani rashiyan hamare jivan ke sabhi pahluon ko darshati hain.
aj ham inka prabhav stri ki sanvednshil tvacha par janenge. prayah sabhi stri apni tvacha aur uske rakh-rakhav ko lekar kafi chintit rahti hain, kabhi paik lagati hanai, to kabhi gharelu nuskhe, koi elovera malti hain to koi parlar men feshiyal jarur karati hain par sabhi ki tvacha alag prakar ki hoti hai aur islie kisi ko jyada dhyan rakhna parta hai to kisi ko bina kuch kie bhi damkta chehra kudrti rup se vardan svarup milta hai. aie jante hain
vibhinn rashiyon ki mahilaon ki tvacha ke vishesh lakshana:
mesh: ap mahatvakankshi, drirh aur garam mijaj ki stri hain aur agni tatva lagna/rashi hone ke karan apki tvacha kuch tailiya hoti hai aur apki tvacha ko garmi jyada bardasht nahin hoti. bahut jaldi kharonch, lal chakatte par jate hain. adhik pasina ane ke karan tvacha par pimpal ityadi bhi adhik niklte hain. apko apne chehre ko thanda rakhne ki koshish karni chahie jaise elovera mal sakti hain, ais masaj le sakti hain.
khire ke slais ya jus bhi istemal karna chahie. garmi aur barish ke mausam men feshiyal tonar jarur istemal karen.
vrish: apki lagna/rashi prithvi tatva hai aur svabhav se ap dhairyapurn, thori jiddi hoti hain aur apko jivan men badlav bahut kam pasand hote hain. apki tvacha kuch sukhi aur najuk pravritti ki hoti hai jiski vajah se ap iriteshan aur khujli bhi mahsus karti hain. iske lie apko elovera istemal karna chahie aur hamesha achchi gunavatta ki krim se chehre ko maeishcharaijd rakhna chahie taki vah fate nahin.
mithun: apki lagna/rashi vayu tatva hai. ap jigyasu svabhav ki mahila hain aur nirnay lene men kafi vakt lagati hain. apko badlav behad pasand hote hain jiske karan bahut bar yojna banakar ap us par nahin tik patin. apko sans sanbandhi elarji ki sanbhavna jyada hoti hai. apki tvacha thori rukhi hoti hai aur bina dekhbhal ke fatne lagti hai. islie apko apni adat se hatakar nae-nae byuti utpad nahin istemal karne chahie aur ek hi byuti rejim ko tik kar faelo karna chahie. apko gulab jal ka istemal adhik karna chahie.
karka: ap jal tatva lagna/rashi vali mahila hain. apka svabhav sanvednshil, bhavuk aur har tarah se tivra hota hai. apka andar ai eriya kafi sensitiv hota hai aur jyada sochne ya der tak kam karne ke karan kuch suja sa pratit hota hai islie apko khire ka slais ya thande pani men ti baig dip karke ankhon ko thandak pradan karni chahie aur san eksapojar se pahle hamesha apni mulayam tvacha par sanaskrin aplai karni chahie. sinh: agni tatva lagna/rashi hone ke karan apka vyaktitva prabhavshali hota hai aur tvacha samanya se tailiya ki taraf hoti hai.
hamesha akarshan ka kendra bane rahne ke lie ap apne luks aur tvacha ka khas khyal rakhti hain. regular keyar karti hain aur glo paiks bhi khub istemal karti hain. apko bhi tvacha ko kul karna chahie. gulab jal ka prayog apke lie kafi labhkari hai.
kanya: ap vyavharikta aur buddhimatta se paripurn stri hain. apki tvacha kuch rukhi hoti hai islie apko adhik se adhik iski narmi banaye rakhne ke lie khub krim lagana chahie. apko regular fes masaj bhi leni chahie taki lanbe samay men rinkals jaldi n pare. gulab aur chandan ke telon ka prayog achcha hai. apke lagna/rashi ke lie feshiyal stims bhi labhdayak hai.
tula: shukra ki lagna/rashi hone ke karan kudrti achchi tvacha ka tohfa apko mila hota hai aur achche se achche byuti prodakts aur regular parlar vijits se ap ise khub mentenn bhi karti hain. ap jo padarth istemal karti hain uski khushbu aur brand apke lie kafi mahatvapurn hoti hai.
vrishchik: jal tatva lagna/rashi aur mangal ki pradhanta hone ke karan apko adhik se adhik jal ka sevan karna chahie. apki tvacha bhi thori dray se naermal hoti hai parantu garmiyon men ti-jon par pimpal ya blaik heds hone ki shikayat rahti hai jiske lie apko khas khyal rakhna chahie. ap karibi logon ki salah se byuti prodakt ka chunav karti hain.
dhanu: apki lagna/rashi agni tatva hai aur iska svami guru hai. tvacha ki bat karen to ap hamesha pimpals aur danon se pareshan rahti hain kyonki apki tvacha tailiya hoti hai. ise thanda rakhne ke lie apko chandan aur multani mitti ke paik chehre par lagane chahie aur regular chehre ko achche fes vash se dhona chahie. apko achchi kanpni ka tonar bhi avashya istemal karna chahie.
makr: shani ka lagna/rashi hone ke karan apki skin thori hard aur raf hoti hai. atyadhik kam men vyast rahne ke karan ap tvacha ka khas khyal nahin rakhtin jabki apko iski keyar ke lie vakt nikalna chahie. tvacha ko stresaut rakhna chahie kyonki apki tvacha kuch thaki-thaki pratit hoti hai. apko ninbu ke ras, anar ka prayog karna chahie aur tvacha par flavar eksatraikt vale prodakt istemal karne chahie. achchi khushbu apke man aur tvacha donon ko tarotaja rakhegi.
kunbh: apki lagna/rashi vayu tatva hai aur apki tvacha kafi mulayam hoti hai jise regular keyar ki avashyakta hoti hai. apko subah uthte hi thande pani se 2-3 bar chehre ko dhona chahie aur koi lait krim lagana chahie. apko parlar vagairah jana jyada pasand nahin hota islie apko roj tvacha ka khyal rakhna chahie. apke lie badam yukt prodakt achche hain.
mi: apki jal tatva lagna/rashi hai aur tvacha guru pradhan hone ke karan adhikatam tailiya hoti hai aur tvacha ke chidra bhi khule hote hain. apko kafi pimpals ki shikayat rahti hai. sensitiv tvacha hone ke karan apko achche daektar ki sahayta leni chahie.
apko adhik se adhik pani ka sevan karna chahie. bajar men milne vale byuti praedakt se behatar ap ghar ki kichen men prayog hone vali chijon ka prayog karna pasand karti hain jaise dahi-besan, nim ki patti ka jhala ityadi. ap chehre ko khubsurat rakhne ke lie karvi chijen pine se bhi nahin katratin.