ham kis tarah aksharon aur shabdon ko likhte hain vah hamare charitra ko jhalkata hai. aise anek vidvanon ka manna hai ki sirf haindraiting dekhakar vyakti ke bare men kafi kuch bataya ja sakta hai, isi ko yadi rashi ke anusar likhakar dekhen to paenge ki har rashi ka likhai par kafi yogdan rahta hai aur hamari haindraiting dekh kar batayi ja sakti hai hamari rashi.
♣ mesh
ap ekadam saf aur sidhe akshar banati hain aur in aksharon ka saij bhi bara rahta hai jo ki apke sidhe aur spashtavadi hone ka sanket hai. apka joshila vyaktitva apke jaldi-jaldi likhne ke dhang se jhalkta hai jiski vajah se kabhi-kabhi kuch akshar bich men chut jate hain.
♣ vrishbh
ap chote-chote aksharon se shabdon ka nirman kar dhire-dhire likhti hain. apki likhai saf hoti hai jo apki spashtavadita aur sahjta ko ingit karti hai. sath hi chote akshar yah batate hain ki ap apna paisa aur samay soch samajhakar kharch karti hain.
♣ mithun
ap akshar banane ke lie kafi patli lainon ka prayog karti hain. apki likhavat kai bar parhi nahin ja pati hai jo ki apke vicharon ki vividhta ko darshata hai. ek hi samay men kai vichar ane ke karan ek vakya likhte samay kuch bich men rukavat a jati hai athva kai bar vakya pure nahin hote.
♣ kark
man ke sath bahte hue ek bahav men aksharon ki mala pirokar shabdon ko pas-pas likhti hain. multah aksharon ko golai men banate hue sundar likhavat ka prayog karti hain. apke vichar spasht aur kalpanik hone ke karan apki khubsurat lipi auron ko akarshit karti haiai. sabhi rashiyon men haidraiting kvin ap hi hain.
♣ sinh
is rashi ki mahilaen saf likhavat ke sath-sath madhya akar ke shabdon ka prayog karti hain. apki likhai men ek dabav aur gahrai jhalkti hai jo apke atm vishvas ka pratik hai. bich-bich men sochne ke karan vakyon ke bich men rukavat ati hai. ap apne shabdon ko katakar behatar shabdon ka prayog karne ke lie kai bar kat kar badlav karti hain jo ki apke uchch koti ke vakya nirman karne ki chahat ko darshata hai.
♣ kanya
kanya lagn ki jatikaen mukhyatya ghumavdar aksharon ka prayog kar shabdon ka nirman karti hain. inhen bold ya kaipital letar men likhna bilkul pasand nahin ata. isi karanavash inhen faerm bharne men behad boriyat aur dikkat hoti hai. pahla akshar kaipital men start kar inke shabdon ka mukhyatya jhukav sidhi taraf rahta hai. apki haindraiting apki sadgi ko jhalkata hai. ek bhi shabd uncha nicha n hokar, sare aksharon ka adbhut talmel, kanpyutar se likha gaya pratit hota hai.
♣ tula
bare-bare aksharon ko stail men likhna, ek alag tarah ke ghumav ke sath shabdon ka nirman karna apki likhavat ko behad akarshak banata hai. ap khula-khula likhti hain jo apke khule dil aur kharchilepan ko darshata hai. ap likhne men kanjus hoti hain atah ap bahut sari baton ko kuch vakyon men hi likhna pasand karti hain.
♣ vrishchik
chote akar ke aksharon ka prayog kar shabdon ko pas-pas likhakar saf aur spasht vakyon ka nirman karti hain. chote akshar apke arthik samanvayta ko darshate hain evan pas-pas likhe shabd apki antarmukhi aur spasht soch ka aina hain. aksar apki bindu/ bindi gol . n hokar 0 hoti hai.
♣ dhanu
apki likhavat bahut jyada saf nahin hoti parantu parhne men ane vali aisi likhavat hoti hai jise dekhakar lage mano kafi jaldi men likha gaya hai. madhyam akar ke aksharon ka prayog kar samjhne men asan shabdavli ka prayog karti hain. jaldi-jaldi men likhna apke dimag ki tej raftar ko batata hai. purn vakyon ka nirman apki vak spashtata ko darshata hai.
♣ makar
saf banavat aur madhya akar vale shabdon ka prayog karti hain jo ki shighra hi koi bhi parh aur samajh sakta hai. isse spasht hota hai ki ap bahut jaldi aur achche nirnay lene men saksham hain. madhya akaron ki shabdavli ka prayog apke achche vitt niyantran ko ingit karta hai. shabdon men rukavat kie bina shabdon aur vicharon ka achcha talmel banakar furti se likhne men nipun heati hain jo ki apki karmanishthata aur santulit soch ka pratik hai.
♣ kunbh
apki haindraiting ke chote aksharon/shabd ek dusre se jure hue hote hain. aisi haindraiting dekhne men kafi khubsurat hoti hai kintu parhne men jara si mushkil hoti hai. kabhi-kabhi apko apni hi haindraiting parhne men bhi dikkat hoti hai. ap apne haindraiting men kathin shabdavli ka prayog karti hain jo apke gyan ke unche star ko darshata hai. dabal . ka prayog apke vicharon ki paripakvata ko darshata hai. ap pure pej apne vicharon evan shabdon se bhar deti hain jisse pata chalta hai ki ap likhne ki shaukin hain. raiting men kating aur rukavat kam hoti hai jisse apke bhav aur karm men santulan bana rahta hai.
♣ min
chote-chote gol, ghumavdar midiyam akar ke akshara/shabdon ka prayog karti hain. apki likhavat ekadam eksar bani rahti hai. khub khuli- khuli likhavat apki spashtavadita aur shaukpurn jivan shaili ki or ingit karta hai. apko ghumne-firne evan khane-pine ka bahut shauk hota hai islie likhte samay kuch vichar a jane ke karan ap kinaron men dijain banana shuru kar deti hain.