rashiyon dvara vastu bhavishya pan. mahesh chandra bhatt nakshatron ki bhanti pratyek rashi ke bhi 4 charan nirdharit kiye gaye hain. kahin-kahin in charnon ko pad ya varg kahakar pukara gaya hai. pratyek rashi ke charnon men vastu ka vichar evan vastu ke bhavishya ka falakathan nimnalikhit rup se kiya gaya hai.
mesh :
pratham charan : makan gali men hoga. gali dakshin se uttar disha vali hogi. makan ka khula bhag (brahm sthan) ghar men pashchim disha ki or hoga. makan ke dakshin disha ki or mandir (puja sthala) hoga, parantu vahan niyamit puja nahin hogi. gali men ganesh ji ki murti unche sthan ya khule maidan men hogi, jahan aspas kuan ya jal sangrah ka sthan hoga.
dvitiya charan : makan ki gali pashchim se purva ki or hoti hui uttar disha ko jaegi. gali ke dakshin-pashchim (rnaitya) men ek mandir ya talab hoga. uttari disha ki or bara jal sangrah hoga jis karan makan jald hi khandahar men parivartit ho jaega.
tritiya charan : makan gali men hoga jo uttar se dakshin ki or ja rahi hogi. makan ka khula bhag (brahm sthan) pashchim disha ki or hoga. makan ke donon or khuli jagah hogi. makan ke pas hi shiv mandir hoga. sinh evan vrishchik rashi ki disha men aisa mandir hoga, jahan chote devtaon ki puja hoti hogi. vahin par ek kuan (jal sangrah sthan) hona bhi sanbhav hai.
chaturth charan : makan aisa hoga, jiski gali purva se pashchim ki or hogi tatha makan dakshinonmukhi hoga. makan ke dakshin men talab hoga. makan ke sinh aur makar rashi ke sthan men ek mandir ka bagicha hoga. tula evan mesh ke sthan par puja ka chota sa sthal hoga, jahan shiv ke ganon ki puja hogi.
vrish :
pratham charan : makan purvonmukhi hega tatha makan ke samne dakshin men uttar ki or gali hogi. jatak ke makan se tisra makan tuta-futa evan trutipurn hoga. us sthan men jagh-jagah se pani tapkta hoga. makan ke agney men jal sangrah hoga. vrish evan vrishchik rashi ke sthan men devi ka mandir (puja sthala) hoga.
dvitiya charan : makan dakshinonmukhi hoga evan makan ke samne pashchim se purva ki or marg hoga. makan ke pashchim bhag men ganesh ji ka mandir hoga. tula, mithun evan kunbh ke sthan men mo durga ka mandir hoga, jahan deviyon ki puja hogi. makan ke pichle hisse men grihdevta (pitrishvaron) ka vas hoga, jo ghar ki raksha karte rahenge.
tritiya charan : makan pashchimonmukhi hoga tatha makan ke samne dakshin se uttar ki taraf marg hoga. makan ke marg men ganpti ka mandir hoga.
chaturth charan : maka uttaromunkhi hoga tatha makan ke samne ka marg pashchim se purva ki or hoga. makan men do parivaron ka nivas hoga. uttar disha men mandir hoga, jahan kali evan shakti ki upasna hogai. purvi bhag men ganpti ka mandir hoga.
mithun :
pratham charan : makan ke samne ka marg dakshin se uttar ki or hoga. makan ka khali bhag (brahmasthan) purva ki or hoga. marg men ganpti ka mandir hoga. makan ke bahar kar rakhne ka sthan (parkig) hoga. makan men purush pradhan devta ka puja hoga.
dvitiya charan : makan aisa hoga jiske samne purva se pashchim ki or marg hoga. dakshin men koi favvara ya jharna hoga. yahin par ishan men mo durga ka mandir hoga. makan men shakti ke rup men devi ki puja hogi.
tritiya charan : makan ke samne dakshin se uttar ki or rajmarg hoga. makan men khuli jagah (brahm sthan) pashchim men hogi. jatak aise makan men rahega jo uske pita ya dada dvara banvaya gaya hoga. vrish rashi ke sthan men shiv mandir tatha agney men devi ka mandir hoga. dakshin men chota-sa jharna ya favvara hoga.
chaturth charan : makan ke samne ka marg purva se pashchim ki or hoga. jatak jis makan men rah raha hoga, vah uske dada ka hoga. jatak ke janm ke bad parivar ke kharch men asadharan vriddhi hogi. makan men anek prakar ke chote devtaon ka pujan hoga.
kark :
pratham charan : makan aisi gali men hoga jo dakshin se uttar ki or ja rahi hogi. makan ka khula sthan pashchim ki or hoga. makan ke pas sundar bagicha, pul tatha hariyali hogi. makan ke marg men ganpti ka mandir hoga. tula, kunbh aur mesh ke sthan men jal-sthan athva man durga ka mandir hoga.
dvitiya charan : makan ki gali purva se pashchim ki or hogi. makan ki khuli jamin dakshin disha men hogi, jahan mor hoga. makan ke samne koi anya makan nahin hoga. makan men ek anya parivar bhi rah raha hoga. mesh evan tula ke sthan men mandir hoga. kunbh rashi ke sthan men mandir tatha makan ke marg men pratishthit sadhu-santon ka sthan hoga.
tritiya charan : makan aisi gali men hoga jo dakshin se uttar ki or hogi. makan ka khula bhag purva disha men hoga. makan men mesh, tula evan min sthan men mandir hoga. makan ke kark evan vrishchik sthan ki or bajar hoga. parivar men chote devta ityadi ki puja hogi.
chaturth charan : purva se pashchim gali vala makan hoga. makan ka khula angan uttar disha men hoga. makan ke rnaitya (dakshin-pashchim) men vishnu ka mandir, purva men shiv ka mandir, uttar men durga ka mandir ya talab hoga.
sinh :
pratham charan : makan purva se pashchim gali vala hoga. makan ka khula bhag (prangn) dakshin ki or hoga. makan men tin parivaron ka avas hoga. makan ke donon or mor hoga. is makan men rahne vala vyakti sukh-sampann evan kirtivan hoga.
dvitiya charan : makan aisi jagah hoga, jahan ka marg dakshin se uttar ki or hoga. khula angan purva men hoga. vrish, kanya makar ke sthan men shiv mandir hoga. grihasvami ke panch bhai-bahan honge. uske pita ke do bhai honge.
tritiya charan : makan purva se pashchim disha ki or vali gali men hogi. makan ke agrim bhag men uttar ki or khula prangan hoga. is makan ke pas vala makan dhvast ho jaega. makan ke mesh, dhanu, makar evan min ke sthan men devi ka mandir hoga grihasvami man kali ka upasak hoga.
chaturth charan : makan aisi gali men hoga jo dakshin se uttar ki or hogi. makan ka khuala sthan pashchim men hoga makan do bhagon men vibhakt hoga. makan ke mesh, tula evan makar sthan men pani ka talav, kuna ya mandir hoga. grihasvami shiv bhakt hoga.
kanya :
pratham charan : makan dakshin se uttar rajmarg par hoga. makan ka khula angan uttar men hoga. pashchim ki or gahra talab hoga. dakshin ki or sundar park tatha purva disha ki or khula talab hoga. makan ke khule bhag men vriksh v gamle honge. uttar disha ki or shiv ji ka mandir hoga.
dvitiya charan : makan aisa hoga jiska rajmarg dakshin se uttar ki taraf hoga. makan ka khula bhag purva ki or hoga. makan ke donon aur sundar makan honge. makan ke pashchim ki or talab hoga. makan ke mesh, kark evan dhanu rashi vale hisse men devi ka mandir hoga. grihasvami purush devta ka upasak hoga.
tritiya charan : makan purva aur pashchim ki or gali men hoga. khuli jamin athva angan dakshin men hoga. vahan vriksh, paudhe v gamlon ka sangrah hoga. makan men vrishchik, min evan mithun rashi ke sthan men shiv mandir hoga. mesh, tula aur makar rashi ke sthan men talab ya kuan hoga. jatak grih devta ke rup men man kali ki upasna karega.
chaturth charan : makan dakshin se uttar jane vale marg par hoga. khuli jamin pashchim men hogi. makan ke purvi bhag men bagicha ya kuan hoga. ghar ke pas bahar ek mor hoga. gali men sapt kanya pith ka ek mandir hoga. grih devta ke rup men vyakti purush pradhan devta ka pujan karega.
tula :
pratham charan : jatak ka makan aisi gali men hoga jo purva se pashchim ki or ja rahi hogi. makan ka khula angan uttar men hoga. pashchim ki or gahra talab hoga. dakshin ki or sundar park tatha purva disha ki or khula talab hoga. makan ke khule bhag men vriksh v gamle honge. uttar disha ki or shivji ka mandir hoga.
dvitiya charan : makan aisa hoga jiska rajmarg dakshin se uttar ki taraf hoga. makan ka khula bhag purva ki or hoga. makan ke donon or sundar makan honge. makan ke pashchim ki or talav hoga. makan ke mesh, kark evan dhanu rashi vale hisse men devi ka mandir hoga. grihasvami purush devta ka upasak hoga.
tritiya charan : makan purva aur pashchim ki or gali men hoga khuli jamin athva angan dakshin men hoga. vahan vriksh, paudhe v gamlon ka sangrah hoga. makan men vrishchik, min evan mithun rashi ke sthan men shiv mandir hoga. mesh, tula aur makar rashi ke sthan men talav kuan hoga. jatak grihdevta ke rup men man kali ki upasna karega.
chaturth charan : makan dakshin se uttar jane vale marg par hoga. khuli jamin pashchim men hogi. makan ke purvi bhag men bagicha ya kuan hoga. ghar ke pas bahar ek mor hoga. gali men sapt devta ka pujan hoga.
vrishchik :
pratham charan : ghar ke samne rajmarg purva se pashchik ki or vala hoga. ghar ka khula bhag dakshin disha men hoga. purva men jharna ya favvara hoga.uttar disha ki or mandir athva rashtriya rajmarg hoga.
dvitiya charan : ghar ke samne ki gali dakshin se uttar disha vali hogi. khuli jagah pashchim men hogi. ghar ke piche vale bhag men grih devta ka sthan hoga. kark, vrishchik evan min rashi vale sthanon men pushp, guchch, jhariyan athva mandir hoga. mesh aur kanya rashi vale sthanon men chote devtaon ka pujan hoga tatha pas hi koi talab hoga.
tritiya charan : makan gali men hoga. yah gali purva se pashchim ki or disha vali hogi. khuli jamin ghar ke uttar men hogi. makan gali ke mor par hoga. mesh evan kanya rashi vale sthan par jharna ya mandir hoga ghar ke pichvare grihdevta ka sthan hoga.
chaturth charan : makan ke samne ka marg uttar se dakshin disha vala hoga ghar men khuli jamin purva ki or hogi. makan men do parivaron ka nivas hoga. mesh evan dhanu rashi ke sthan men jalasrot hoga. kark aur kunbh rashi vale sthan par shiv athva man durga ka mandir hoga. grihasvami purush pradhan devta ka upasak hoga.
dhanu :
pratham charan evan dvitiya charan : khuli jamin pashchim disha men hogi. ghar ke samne ka marg uttar se dakshin ki or hoga. purva disha ki or shiv mandir hoga. mithun v dhanu rashi ke sthal par jharna ya favvara hoga. grihasvami shiv evan shakti ka upasak hoga.
tritiya charan : makan aisi gali men hoga jiski disha pashchim se purva ki or hogi. makan ka khula bhag uttar disha men hoga. ghar ke donon or marg hoga. mesh, kanya v dhanu rashi ke sthal men vividh devi devtaon ki puja hogi. ghar men grihdevta ka pujan hoga.
chaturth charan : makan purvonmukhi hoga. makan ke samne ki gali uttar se dakshin disha vali hogi. makan ke samne vala makan sunshan rahega. makan ke mesh, kanya, tula v min rashi ke sthalon men mandir favvara, talav aur jal sangrah hoga. grihasvami purush devta ka upas hoga.
makar :
pratham charan : makan dakshinonmukhi hoga tatha samne ki gali purva se purva pashchim ki or jaegi. ghar ke samne jal sthan ya mandir hoga. makan ke bahri kshetra men vriksh honge. grih pravesh ke bad grihasvami ke sale bahnoi ki mrityu ho jaegi.
dvitiya charan : makan aise marg par hoga jo dakshin se uttar ki taraf gatishil hoga. makan purvonmukhi hoga. makan men tin parivaron ka parav hoga. mesh, kark, tula aur makar rashi ke sthal par agni ka vas hoga. ghar ka svami purush devta ka upas hoga.
tritiya charan : makan uttaronmukhi hoga. makan ke samne ki gali purva se pashchim disha ki or gatishil hogi. makan ke pas bagicha evan sundar jhariyan hongi. sasural paksh men do sal ho sakti hain.
chaturth charan : makan kali men aur darbaja pashchim ki or hokar pravesh purvonmukhi hoga. makan ke samne gali uttar se dakshin ki or gatishil hogi. grihasvami ke do chacha evan mama honge parantu uske koi sala nahin hoga. makan ke ishan athva agney men shiv mandir ya jal sangrah sthal hoga. grihasvami purush devta ka upasak hoga. sambhavatah jatak ka makan paitrik hoga.
kunbh :
pratham charan : makan uttaronmukhi hoga. makan ke samne ki gali purva se pashchimi ki or hogi. pashchim men ganpti ki murti hogi. dakshin disha men vishnu mandir hoga. grihasvami ke panch chacha-chachiyan evan tin mama-mamiyan hongi.
dvitiya charan : makan dakshin se uttar ki or gali men sthit hoga.mkan ki khuli jagah pashchim men hogi. makan ki gali men ek mor hoga, jahan kuch dukanen hongi. makan ke uttar disha ki or jhil, nadi ya nala hoga. pashchim men mandir hoga.
tritiya charan : makan dakshinonmukhi hoga jismen ek or mor hoga. dakshin disha ki or mandir ya devasthan hoga jo makan ki raksha ke lie sahayak hoga.
chaturth charan : makan purvonmukhi hoga jiske samne ki gali dakshin se uttar ki or gatishil hogi. makan ke uttar aur dakshin donon taraf talab ya kuen talab ya kuen honge. pashchim ki or jharna ya favvara hoga. makan ke vayavya disha men ek mandir hoga.
min :
pratham charan : makan uttaronmukhi hoga. gali pashchim se purva ki or gatishil hogi. makan ke pas talab ya nala hoga. makan ke pashchim aur purva disha ki or sundar makan honge. uttar ki or jhari, bagicha evan mandir hoga.
dvitiya charan : makan ka nirman am makanon se hatakar vichitra rup ka hoga. makan ke dakshin-pashchim ya rnaitya ki or mandir hoga. makan men shiv ki upasna hogi. makan men malik ki jagah sambhavatah dusre ka nam hoga.
tritiya charan : makan gali men hoga. gali pashchim se purva ki or gatishil hogi. makan dakshinonmukhi hoga. kark, tula v makar rashi ke sthanon par jhari, kuan ya favvara hoga. mesh, sinh evan min rashi ke sthal par mandir hoga. makan ke pas hi ek mor hoga. grihasvami purush devta ka upasak hoga.
chaturth charan : makan pashchim men hoga. makan ki gali dakshin se uttar disha ki or hogi, makan ke purva, pashchim rnaitya ya agney men mandir athva talab hoga.
jivan men jarurat hai jyotishiya margadarshan ki? abhi bat karen fyuchar point jyotishiyon se!