ankshastra ki upyogita jivan ke pratyek kshetra men lakshit hoti hai. jatak ka svabhav, vahan, makan v lotri ke nanbar, kanpni ka chayan, melapak, sheyar bajar adi sabhi men ankon ki upyogita sarvopri hoti hai. apke mulank men hi ve sabhi yogyataen, prabhav aur svasthya sannihit hai jo apka margadarshan karte hain. yadi ap svasth hain to asha hai ki ap is sansar men kuch kar paenge aur yadi sada bimar hi rahte hain
to davaiyan khane ya pare-pare karahte rahne ke atirikt aur kya karenge? (ek arbi kahavt) yahan ham sarvapratham svasthya ko islie le rahe hain ki svasthya manushya ki sabse amulya v mahatvapurn dharohar hai. jindgi ki hajaron saugaten bhi svasthya ki barabri nahin kar sakti. apki janm tarikh to apko malum hi hai. usi ko mul ank men parivartit karen aur dekhen ki apko kya-kya bimari ho sakti hai aur apko unse kis prakar bachna hai. apke mulank men ve sabhi gupt yogyataain prabhav aur svasthya sannihit hai, jinka yadi ap dhyan rakhenge to asvasthya hone par bhi nimnalikhit sujhavon ki sahayta se ap apna bachav kar sakte hain.
buy detail numerology report
mulank gyat karne ka tarika yah hai ki jaise apka janm kisi bhi mah ki 1, 10, 19, 28 tarikh ko hua hai to apka mulank 1 hai. 2, 11, 20, 29 tarikh ka mulank 2 hai. 3, 12, 21, 30 tarikh ka mulank 3 hai. 4, 13, 22, 31 tarikh ka mulank 4 hai. 5, 14, 23 tarikh ka mulank 5 hai. 6, 15, 24 tarikh ka mulank 6 hai. 7, 16, 25 tarikh ka mulank 7 hai. 8, 17, 26 tarikh ka mulank 8 hai. 9, 18, 27 tarikh ka mulank 9 hai.
mulank 1: jin vyaktiyon ka mulank 1 hota hai ve kisi n kisi hriday rog se pirit rahne ki pravritti hoti hai.
hriday rog prayah mutra rog adi se sanbandhit rogon dvara utpann ho jata hai. dharakan tej hona, rakt ka thik tarah se sanchar n hona aur budhape men raktachap. unko ankh ki pareshani ho sakti hai, atah samy-samay par najar ka parikshan karate rahna chahie. adhunik hriday rog chikitsa men rog grast vyakti ko aram karne ki salah di jati hai,
parantu yah rog adhikanshtah unhin vyaktiyon ko hota hai jo aranbh se hi shramhin karya karte hain aur anek karnon se apne sharir ko sthul bana lete hain. aise vyaktiyon ko nimn nirdeshon ka palan avashya karen. inse ve log hriday rogon se bache rahenge.
vyayam: surya namaskar asnon ka kram se ek chakra nimn prakar karen. lekin hriday rog ho chuka hai to n karen.
vrat: inhen ravivar ka vrat rakhna chahie. bhojan ek samay karna chahie aur namak nahin khana chahie. hriday rogiyon ke lie namak vaise bhi thik nahin hota. yadi ve namak ka tyag kar den to aur bhi achcha hai.
upasna: in logon ka isht surya hai. inhen purva disha men ugte hue surya ke darshan karne chahie aur usi ki upasna bhi karna chahie.
jari, buti v khadya padartha: kesar, laung, santra, nibu, khajur, adarak, jau, shahad adi. inhen shahad ka adhikadhik prayog karna chahie.
anukul rang: inke lie sabse upyukt aur anukul rang sunhri pila ya pilapan lie hue bhura hota hai. anek jyotishiyon rangon ka vidhan to kar diya parantu ve yah bhul gaye ki har vyakti samaj ke anukul hi kapre pahnega aur pahnne bhi chahie. pile ya sunhre rang ke kapre pahanakar koi bhi vyakti bajar men ghumna pasand nahi kar sakta. apko apni poshak ya paridhan usi prakar ke banane honge jo samaj men bhadde athva ashobhniya n samjhe jaen. iske lie sabse achcha upay yah hai ki ap apne gharon ki divaron ka rang apne anurup rakhen aur vastron men apne saman ko hamesha usi rang ka rakhen. yadi ap tai pahnte hain
to usmen sunhri dhariyan hon. isse apki poshak ka mukhya ang apke anukul ho jaenge. 1 mulank vali mahilaain sunhre pallu vali sari pahne to vah apke anukul rahegi. blauj bhi sunhri dhari vala ya bhure pile rang ka pahne to achcha rahega.
ratn v dhatu: manikya apka mukhya ratn hai. ise angreji men rubi kaha jata hai. dhatuon men svarn ko prathmikta deni chahie. anguthi adi bhi svarn men hi banvakar pahnni chahie. sone ki anguthi men ratn is prakar jarvayen ki vah apki tvacha se sparsh karta rahe.
mahatvapurna: jivan ke 19ven, 28ven, 37ven, 55ven, 64ven varsh men unke svasthya men achcha ya bura koi mahatvapurn parivartan aega. aktubar, disanbar tatha janvri men unhen svasthya ki or se savdhan rahna chahie aur adhik parishram se bachna chahie. pareshani ke samay nimn yantron ko apne ghar ki divar par ya kagaj par apni arthik sthiti ke anusar svarn, chandi, tanbe ke upar ankit karakar hamesha apne pas rakhen. apki pareshani dur hogi. ankit karne ke pashchat yantra ki panchopchar puja avashya karen.
mulank 2: jin vyaktiyon ka mulank 2 hota hai vah
prayah pet se sanbandhit rogon se pirit rahte hain.
inhen prayah apach, gais, afra, mandagni ya atisar ityadi rog grasit kar sakte hain. inhen chahie ki ve aranbh se hi bhale hi inhen koi bhi rog n ho apne khan-pan par niyantran rakhna chahie. niyamit bhojan karen aur sadaiv bhukh se kam bhojan karen.
vyayam: is mulank vale vyaktiyon ko yogsnon men mayurasan, sarvangasan, uttanpadasan aur pavnmuktasan ka niyamit vyayam karna chahie. bhale hi das minat ke lie karen. inhen chahie ki rat ka khana din talne ke sath hi kar lena chaihae, jisse achchi nind aegi aur bhojan se ras banne men madad milegi. surya namaskar bhi ati uttam asan hai. rat ko aise padarthon ka sevan karen jinse gais banti ho.
vrat: aise vyaktiyon ko somvar ka vrat karna chahie. sath hi purnima evan pradoshat vrat bhi rakhen.
upasna: apke aradhyadev shri shankar ji hai. pratidin ghar men ya mandir shivji ka pujan karen tatha shiv stotra, shiv chalisa ka path karna chahie.
jari buti v khadya padartha: apke lie pramukh khadya padarth hai gobhi, shalajam, khira, khabuja, alsi ityadi.
anukul rang: halka hara rang apke lie upyukt hai. kale aur atyadhik gahre rangon se bachna chahie tatha halke hare rang ka rumal sada apni jeb men rakhna chahie. ghar ke parde, sofe, adi hare rang ke hi rakhen. ghar men char-chah gamle bhi rakhen jinmen hare paudhe lahlhate rahen.
ratn v dhatu: apke lie sarvadhik labhkari ratn moti hai. dhatu ke rup men chandi avashyak hai. purush chandi men moti jarvakar pahnen v mahilaen nak men chote-chote moti jarvakar pahne to apratyashit labh hoga.
mahatvapurna: apke jivan ke 20,25,29,43,47,52ven tatha 65ven varsh men svasthya men mahatvapurn parivartan hoga. janvri, farvri tatha julai men apko rogon tatha adhak parishram se bachakar rahna chahie. mulank 1 men batai gai vidhi ke anusar pareshani ke samay nimn yantron ka upyog avashya karen.
mulank 3: is ank ke vyaktiyon ko snayu-sansthan nirbal hone se haddiyon men dard aur thakan ki shikayat rahegi. charm rog ki bhi sanbhavna hai.
vyayam: in vyaktiyon ko shirshasan, dhanurasan evan surya namaskar ityadi yogasnon ka abhyas karna chahie. yadi yogasnon se athva vaise hi adhik thakan mahsus kare to shavasan bhi karen. yadi ap shavasan ya usi prakar ke anya yogasnon adi ki sahi prakriya jan lenge to apko thakan ki shikayat se sada ke lie chutkara prapt ho jaega.
vrat: apko purnima ka vrat karna chahie. yadi bimar ho to guruvar ko bhojan n karen.
upasna: apko shri vishnu ki upasna karna chahie. vishnusahasranam stotra ka jap karen tatha shrisatyanarayan ji ki katha karen ya karaven.
jari-buti v khadya padarthah chukandar, chairi ber, straberi, seb, shahtut, nashpati, jaitun, anar, ananas, angur, kesar, laung, badam, anjir v gehun ityadi padarth apko anukul rahenge.
anukul rang: apko pila rang sarvatha anukul hai. ratn v dhatu: pukhraj apke lie sarvashreshth ratn hai. dhatu svarn hai. savarn mudrika men pukhraj jarvakar tarjani ungli men pahnen.
mahatvapurna: 12, 21, 39, 48 tatha 57ven varn svasthya men parivartan ki drishti se mahatvapurn honge. disanbar, farvri, jun tatha sitanbar men svasthya ke prati vishesh savdhan rahna chahie tatha adhik parishram se bachna chahie. varnit vidhi ke anusar nimn yantra dharan karen v pareshaniyon se chutkara payen.
mulank 4ah is mulank ke vyakti
prayah rakt ki kami se pirit rahte hain, jise angreji men enimiya kahte hain tatha rahasyamay rogon se grast hone ki sanbhavna hai jinka nidan kathin hoga. ve nyunadhik udasipan, raktalpata tatha sir evan kamar dard rahenge. inhen vidyut chikitsa tatha sammehan vidya se labh hoga. thora sa hi bimar hone par rakt ki bhi kasht rahega. islie in logon ko bhojan men aise tatvon ka samavesh rakhna chahie jinmen lauh tatva pradhan ho.
vyayam: yah vyakti aranbh se hi kuch yogasan karte rahenge to unhen raktalpata ka kasht hi nahin hoga. surya namaskar, shirshasan, sarvangasan tatha shvasasan karna chahie. yadi koi se bhi do asan karne ke pashchat ve log shirshasan ko sahi dhang se pratidin niyampurvak panch minat bhi kar lenge to inhen kabhi bhi rakt ki kami athva uske ashuddh hone ki shikayat nahin hogi.
vrat: inhen somvar aur ganesh chaturthi ka vrat karna chahie. ganesh chaturthi ka vrat samast prakar se shubh rahega.
upasna: inhen shrignesh bhagvan ki upasna karna chahie. ghar men unki pratima ya chitra bhi rakh sakte hain. shrignesh ji ka upasna se dhan-dhanya ki kami nahin rahega. nardpuranokt sankashtanashak shri ganesh stotra ka niyamit path karen.
jari-buti v khadya padarthah hari sabjiyon ka prayog atyadhik karen jaise palak, lauki, torai methi, ityadi. nashile padarth v atyadhik masaledar padarthon ka sevan se bachna chahie.
anukul rang: chamkdar nila rang inke lie anukul hai. tai bhi isi rang ki pahnen ya nile rang ka rumal to avashya hamesha apne pas rakhna chahie.
ratn v dhatu: apke lie saubhagyavardhak ratn nilam hai. nilam anukul n ho to gomed dharan karen to dhan dhanya ki kami kabhi nahin rahegi. nilam ya gomed panch dhatu ki anguthi men madhyama ungli men dharan karen.
mahatvapurna: 13, 22, 31, 40, 49 aur 58van varsh svasthya men parivartan ki drishti se mahatvapurn rahenge. janvri, farvri, julai, agast v sitanbar mah men svasthya ke prati sajag rahen v atyadhik parishram se bachen. varnit vidhi anusar nimn yantron ka prayog karen.
mulank 5ah is ank vale vyakti
prayah sardi jukam v flu ityadi se pirit rahte hain. inhen narvas brek daun ka bhi bhay bana rahta hai. thaka lene vali pravriti heti hai. ve man se bahut adhik sochtehain aur snayvik rogon tatha anidra se grast ho jate hain. nidra, vishram aur shanti inke lie sarvottam aushdhiyan hai.
vyayam: inke lie shavasan thik rahega. yadi najla jukam rahta hai to jalneti adi hathyog ki kriyaain karni chahie. navars tenshan rahta hai to shavasan karen.
vrat: in logon ko purnima ka vrat karna chahie. iske sath shri satyanarayan katha karen ya karaven.
upasna: inke pradhan devta shri lakshminarayan bhagvan hai. inki puja karna chahie aur unhin se sanbandhit shriyantra ka path karna chahie.
jari-buti v khadya padarthah gajar, jau v sukhe meve ityadi hai. mahatvapurna: 14, 23, 41 tatha 50van varsh svasthya parivartan ki drishti se mahatvapurn honge. jun, sitanbar tatha disanbar se svasthya ke prati sajag rahte hue kathin parishram se bachna chahie.
anukul rang: iske lie hara bahut hi anukul aur saubhagyavardhak hai. vaise pestal kalar bhi anukul rahenge.
ratn v dhatu: panna dharan karna shreshth hai. panna hamesha svarn dhatu men hi dharan karen.
mulank 6ah is ank vale ko gale, nak aur fefde ke upri hisse ke rogon se grast hone ki sanbhavna rahti hai.
sadharntah inka sharir gathila hota hai. visheshakar khul vatavaran men ya dehat ke rahne valon ka. yun to ajakal fefron se sanbandhit tapedik rogon ka ilaj sadharan bat ho gayi hai. parantu kuch anya rogon ka sanbandh bhi fefron se hai.
multah yah kamvasna ka pradhan ank hai. inhen is prakar ke rogon ke hone ka bhi bhay bana rahta hai. e
vyayam: in vyaktiyon ko prayah svachch evan shuddh vayu men dirgh shvans lena chahie. yadi yah pranayam ki saral prakriya sikh len to inka svasthya hamesha thik rahega. pranayam ke sath shalbhasan karna bhi adhik upyogi rahega. vrat: inhen shukravar ka vrat karna chaihae. mahilaain man santoshi ka vrat karen.
upasna: inke pradhan devta shri kativiryajun hain. atah in vyaktiyon ko inki puja-archana karni chahie. jari-buti v khadya padarthah inke lie sarvottam khadya padarth hai dalen, muli, kharbuja, anar, seb, nashpati, badam, anjir v akhrot ityadi hai.
anukul rang: sabhi prakar ke halke nile rang inke lie anukul hai. gulabi rang bhi achcha hai. parantu gahre rang kabhi bhi nahin pahnna chahie.
ratn v dhatu: inka ratn hira v dhatu chandi ya plaitinam men hi dharan karna chahie. mahatvapurna: 15, 24, 42, 51 tatha 60ven varsh svasthya parivartan ke lie mahatvapurn hai. mai, aktubar, navanbar men svasthya ke prati sajag rahte hue kathin parishram se bachna chahie.
mulank 7ah is ank vale ko prayah fore-funsi ya anya prakar ke charm rog honeki sanbhavna rahti hai. is rog se sanbandhit shikayat bani hi rahegi. anyon ke apeksha yah chinta tatha chirhan se adhik shighra prabhavi hote hain. jab tak sab kuch thik-thak chalta rahe ve kitna bhi karya kar sakte hain. kintu paristhitiyon ki tatha vyaktiyon ki chintaai unhen gher lene par ve aisi-aisi baten sochne lagte hain jo vastu sthiti se kahin badatar hai.
ve shighra nirash tatha udas ho jate hain. ve apne vatavaran ke prati ati sanvednshil hote hain. apne prashanskon ke lie koi bhi dayitva prasannata se apne upar le lete hain. apni ruchi ka karya karne men asamanya rup se chetan rahte hain kintu ve bhautik ke bajay mansik rup se adhik sabal hote hain. inka sharir dubla-patla hota hai aur ve apni samathrya se kahin adhik karya karne ka prayas karte hain.
inki tvacha vishesh komal hoti hai. jara si bhi kharonch inhen pareshan kar deti hai. athva pasine ke sanbandh men unhen koi vichitra bat ho sakti hai.
vyayam: charm rogon se bachav hetu inhen hath yog ki shankh prakshalan vidhi ka abhyas karna chahie aur yada-kada iski prakriya karte rahne chahie. surya namaskar bhi is prakar ke rogon se bachne ki saral prakriya hai.
vrat: in logon ko manglvar ke vrat rakhna chahie aur hanuman ji ke darshan karna chahie.
upasna: shrinrisinh bhagvan ki puja-archana karna chahie. inki upasna se is mulank valon ke sare kasht dur honge tatha dhan dhanya ki vriddhi hogi.
jari-buti v khadya padarthah gobhi, khira, alsi, mashrum, seb, angur v falon ka ras ityadi inhen sevan karna labhkari rahega.
anukul rang: safed, halka hara, halka pila rang anukul v shubh hai. ratn v dhatu: inhen lahsuniya saubhagyavardhak rahta hai. jise svarn men jarvakar pahnen.
mahatvapurna: 7, 16, 25, 34, 43, 52 tatha 61ven varsh svasthya parivartan ke lie mahatvapurn hai. janvri, farvri, julai v agast men svasthya ke prati sachet rahen.
mulank 8ah is mulank ke vyakti jigar se sanbandhit rog lage rahte hain. vitt tatha anton ki pareshaniyon se grast ho sakte hain. inhen siradard tatha gathiya rog ki bhi pravritti hot hai. livar kharab hone se anya bimariyan bhi ho sakti hai. islie yathasanbhav in rogon se bachne ka prayatn karna chahie.
vyayam: inhen surya namaskar, bhujangasan, dhanurasan, halasan aur shirshasan bahut upyukt hain in asnon ki yah visheshta hai ki inse jahan livar se sanbandhit rog dur honge sath hi sharir bhi sudridh hokar rog pratirodhak shakti se bharpur hoga.
vrat: shanivar ka vrat upyogi rahega. bhojan ek samay karen v khatai v namak ka sevan n karen.
upasna: shri shanidev ki upasna karen. tel kapra tatha kale tilon ka dan karen.
jari-buti v khadya padarthah mans v ghi se bach kar rahen. yathasanbhav taje fal sag sabjiyon ka sevan karna chahie.
anukul rang: kala. kale rang ki paint ityadi to prayah pahni jati hai. tai bhi kali dhariyon ki pahnenge to achcha rahega. ghar se sofe ke kushan adi bhi kali dhari vale ho sakte hain.
ratn v dhatu: ratn nilam hai. ise lauh ki anguthi men jarvakar pahnen.
mahatvapurna: 17, 26, 35, 44, 53 tatha 62ven varsh svasthya ki drishti se mahatvapurn rahenge. disanbar, janvri, farvri tatha julai men svasthya ke prati sajag rahen. mulank 9ah in ank valon ko nyunadhik sabhi prakar ke jvar, khasra, chechak, charm rog tatha nasarandhra se sanbandhit jukam adi rogon se pirit ho sakte hain. inhen chahie ki ve in rogon se bachav rakhne ka bharpur prayatn karen.
vyayam: yadi jukam adi nasarandhra se sanbandhit rog ho to inhen jalneti adi hathyog ki kriyaain karni chahie. isse jahan inke jukam ki shikayat hamesha ke lie dur hogi vahin jukam ke prabhav se hone vale rog samay se purva balon ka safed hona ya netra jyoti kshin hona bhi nahin honge. inhen pranayam dirgh shvasochchavas ka bhi abhyas karna chahie. isse chehre par abha utpann hogi. surya namaskar ki kriya bhi labhdayi hai.
vrat: in logon ko manglvar ka upvas karna chahie v bhojan se purva shrihnuman ji mahraj ke darshan karna chahie.
upasna: inhen shri hanuman ji ko isht manakar inki aradhna karne ke sath hanumanashtak hanuman chalisa v bajrang ban ka pratidin path karna chahie.
jari-buti v khadya padarthah garishth bhojan tatha madirapan se hamesha bach kar rahen. pyaj, lahsun, sarson, adarak, mirch ityadi ka sevan uchit rahega.
anukul rang: lal. lal rang ka rumal hamesha apne pas rakhen tatha isi rag ka adhikadhik prayog karen. ratn v dhatu: munga. svarn ya tanbe ki anguthi men jarvakar pahnen. mahatvapurna: 9, 18, 27, 36, 45 tatha 63ven varsh svasthya ki parivartan ki drishti se mahatvapurn hai. aprail, mai, aktubar v navanbar men svasthya ke prati sajag rahen.