aie jante hain ki kis lagna/rashi ki mahila ko kis tarah ki kapre pahnna pasand karti hain
♣ mesh
utsahi aur jindadil svabhav ki mahila hone ke karan brait rang ke prayah red ke sabhi tons apko kafi akarshit karte hain. karya-kushal pravritti vali hone se aise rangon v stail ke garam kapre apko khub rijhate hain jinmen ap kafi aramdayak mahsus karen aur ye apke ektiv svabhav aur kriyashilta men badha n dalane. apko kaprane se maiching rang men vajan men halke kardigan pahnna kafi pasand hota hai. prayah ap shael jaisi sanbhalne vali garam vastu sirf partiyon tak hi simit rakhti hain.
♣ vrishbh
shukra prerit svabhav aur uttam kvaliti men ruchi apko aise garam kapron ki taraf akarshit karti hai jo prayah achche brand ke, aramdayak aur saeft vul se bane hane. rangon men apko halke rang jaise safed, halka gulabi aur krim kalar kafi lubhate hain. apke garam kapdon ki ek khas bat yah bhi hai ki ve thore bhari hote hain. apke pas sankhya men garam kapre auron ke mukable kam hote hain kintu apki khas selekshan aur uttam kvaliti ko saf jhalkate hain.
♣ mithun
tarh-tarah ke garam kapre kharidna aur unhen ek bari si almari men sajana ek mithun lagna/rashi ki stri ki pahchan hai. apko ek garam kapre par dusra ya ek se jyada pahnna kafi pasand ata hai jise ham maltileyring bhi kahte hain. apko prayah sabhi vaibrent kalar pasand aenge. milnsar aur dostana svabhav hone ke karan ap apne mitron ki pasand se bhi kafi prabhavit hoti hain. apka faishan stail nechural hota hai aur apko sporti luk vale garam kapre kafi lubhate hain. mafalar aur skarf ka bhi stailish istemal kar pati hain.
♣ kark
saumya vyaktitva aur bhavuk svabhav hone se ap apni hi duniya men simti rahna pasand karti hain aur apne lie simaen nirdharit karti hain jiske karan ap garam hed skarf aur tarh-tarah ke khubsurat shalon men khud ko surakshit aur sahaj mahsus karti hain. apka stail hai saeft rangon ke tait fiting vale svetars parantu ap shael se use puri tarah se dhank leti hain. apko bhura, kala aur gulabi rang kafi pasand hai.
♣ sinh
apne prabhavshali vyaktitva aur sthir vichardhara ke karan apka stail aur pasand garam kapron ke mamle men bhi kuch bandha sa lagta hai yani ap apne lie samay ke sath ek stail viksit kar leti hain aur fir usi brand v taip ke kapre pahnti hanai. mukhyatah apko halke rang aur gulabi, vain, chairi aur braun rang ke ovrkot kafi pasand ate hain. ap thora faermal luk pasand karti hain jo apki pratishtha ko shobha de.
♣ kanya
ap ek aisi mahila hanai jise har tarah ke kapre kharidne ka behad shauk to hota hi hai kintu jivan ke prati vyavharik najriya hone se jyada mahange kapre nahin kharidtin . indradhnush ke prayah sare hi rang apko pasand hote hain. apko svetars aur kardigans ka behad shauk hota hai. ap men aisi kabiliyat hoti hai ki kam paison men hi achche se achcha evan manapasand kapra kharid leti hain. apko paeket vale chatkdar evan rang birange vulan kapre adhik lubhate hain.
♣ tula
shaukin mijaji aur nai se nai chij ko trai karna apko behad pasand hai. faishan ko sath lekar hi garam kapron ka chunav karti hain. ap branded vintar viyar hi kharidti hain. rangane men kala apka sabse priya rang hai aur ap samay ke sath badlte faishan ke anusar hi apne kot, svetar aur kardigan ka stail chunti hain. jins ke upar ap safed kamij tatha uske upar se kala svetar pahnna adhik pasand karti hain. gre, pink athva pairat kalar ki sari par apke upar safed kalar ka kardigan kafi achcha lagta hai.
♣ vrishchik
apko fit svetar pahnna pasand hota hai. khoji svabhav aur mehnti vyaktitva apko faishan aur naye vintar stail se dur hi rakhta hai. ap sabhi rang jaise red, blaik, braun adi pahnna bahut pasand karti hanai. ap jo bhi pahan len, sab apke upar achcha lagta hai. svetar aur maiching kapron men apka vyaktitva aisa khilta hai ki log dur se hi apko pahchan lete hain.
♣ dhanu
ap thore saefistiketed uni vastra hi pahnna pasand karengi jo achchi brand ke hone ke sath-sath disent aur sobar bhi honge. isilie apko pestal kalars kafi lubhate hain. far vali kaip aur kot apke pasandida kapron men se hote hain. dabal brested bune hue kardigan apke pasandida vulan paridhan hain. khariddari karne men ap kafi chuzi hain. ap tab tak svetar tatha kardigan dekhti rahengi jab tak ki koi pis dur se hi ek nazar men n bha jae. apko bas pasand ana chahie, saste- mahange ki apko parvah nahin.
♣ makar
vakpatuta aur vyavharik buddhi hoene ke karan ap vahi pahnna pasand karengi jaisa apke vyavsay ko sabse jyada sut kare. apke lie garam kapre ka khas evan sanjida hona bahut jaruri hai jaise ap shael pahnna kam pasand karti hanai, gre blaik ap khub pasand karti hanai. samanyatah svetar ke upar kot pahnna apko achcha lagta hai. partiyon men khas-taur par ap gre kalar ke kardigan sath men maiching sut athva sari evan saindal pahanakar jana pasand karti hain.
♣ kunbh
apko halke se halka svetar pahnna pasand hai kyonki apko bhari kapra jara bhi achcha nahin lagta. gre, blaik ya vaylet rang ki hai nek svetar ya faermal mafalar lena ap hi ka ek stail hai. ap buddhijivi mahila hoti hain isilie faishan trend par khas samay nahin laga saktin. lekin apne lie ap jo bhi pasand karti hain log uski tarif karte nahin thakte.
♣ min
machli ke saman chanchal apko har tarah ke garam kapre kharidna pasand hai. ap vaibrent kalar pasand karti hain. ap par lang kot kafi fabta hai. ap jarsi, jaiket aur alg-alag tarah ke kapron men najar ati hain. dhule hue nile paridhan men ap kafi janchti hain. apko alg-alag tarah se mafalar ko stail men bandhna behad pasand hota hai. har bar ek naya andaj ek naya luk rakhti hanai. ap bhi bhinn rangon ki leyring pasand karti hanai jaise blaik inar ke upar maltikalard straip vali saeft vulan viyar apko vishesh priya hai.
uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.