aie jante hain vibhinn rashi /lagn ke anusar unka samajik mel-jol aur vyavhar
mesh: mesh lagn ki mahilaen vyavhar kushal hoti hain tatha dusron ke karyon ko anjam tak pahunchane ki purn koshish karti hain. lekin inka kisi se bhi koi vishesh lagav nahin hota. jab inka man kare to ye apni samajik gatividhiyon men bhag leti hain.
rishtedar, sanbandhi aur mitron se mil leeti hain lekin jab inka man nahin hota hai to ye apne men hi khoi rahti hain aur jyada logon se mel milap nahin rakhtin. jab inke pas samay hota hai to ye adhikansh samay samajik gatividhiyon men hi bitati hain. aise samajik ayojnon men ye avashya bhag leti hain jisse inki man-pratishtha barhti ho.
vrish: ap vyavhar kushal aur spasht vakta hoti hain. ap sneh tatha prem bhav se bhari hoti hain.
islie apne sanbandhiyon, mitron ya rishtedaron se milakar ap bhavuk ho jati hain aur apne sabhi rishton ki ahmiyat ko samjhte hue jitna mahatva dena chahie utna avashya deti hain. yadi ap parivar men bari hanai to bachchon aur apne se kam umra ke logon ke sath bahut achcha vyavhar karti hain. jab koi musibat men hota hai to use vishesh saport deti hain. parti, utsav ya anya kisi bhi samajik ayojan men ap apne madhur aur milnsar svabhav ke karan shighra hi akarshan ka kendra ban jati hain.
mithun: batuni svabhav ki hone ke karan milna-julna, bat karna apko achcha lagta hai. apne vinodi svabhav se ap sabka manoranjan karti hain tatha samne vale ko boriyat nahin mahsus hone detin. prabhavshali logon se sanbandh banane ki purn koshish karti hain. apke mitron ki sankhya bahut adhik hoti hai. kisi salah ke lie puche jane par jhat se apni ray dene ke lie taiyar ho jati hain. ap vishleshnatmak bauddhik kshamata vali hone ke karan samajik ayojnon ke prabandhan men kushal mainejar ki tarah karya sanpadan karti hain.
karka: inke vyaktitva men kuch aisa akarshan hota hai ki sab log inki or khinche chale ate hain islie ghar, parivar, sanbandhi, bandhu, jati, samaj men ye vishesh pratishthit hoti hain. aisa lagta hai jaise bahut se log inke sath khare hain. inka samajik rutba dekhte hi banta hai. shayad apne isi gun ke karan ye mahilaen samajik v rajnaitik kshetra men sarvashreshth padon par asin hoti dekhi gai hanai. samajik v rajnaitik ayojnon par is prakar ki mahilaon ko vishesh rup se amantrit kiya jata hai kyonki inke sammilit hone se is prakar ke utsavon ki shobha barh jati hai.
sinh: ap rajsik svabhav ki hoti hain. apko svayan ki prashansa sunna achcha lagta hai islie ap apne mitron, sanbandhiyon ka chunav soch samajhakar karti hain kyonki apko suljhe hue tatha santulit vicharon vale logon ki sangti men rahna achcha lagta hai. islie aisa dekha gaya hai ki inki artist taip ke logon se achchi mitrata nibh pati hai kyonki yahan inhen pratishtha, samman v yash adi ki prapti hoti hai. samajik utsavon men inka vishesh samman islie hota hai kyonki ye sabhi ka khyal rakhti hain, sabko samman v adar to deti hi hain sath hi amaryadit vyavhar bilkul nahin kartin.
kanya: kanya lagn ki stri bhi bahut vinodi svabhav ki hoti hain. islie bat-bat par majak karti hain, sabhachtur hoti hain aur dviarthi batane karti hain. yadyapi samajik ayojnon men barh-charhakar bhag leti hain. jab kabhi inhane mitron ke sath parti men jane ka avasar milta hai to apni vakpatuta aur kaeman sens adi gunon ke karan prasiddh ho jati hain. inke pas har samasya ka samadhan hone ke karan mitra adhik hote hain tatha ye mitron men lokapriya hoti hain. in mahilaon men bhi vishesh prabandhan yogyata rahti hai tatha parti, utsav, samajik utsav ke prabandhan ki barikiyon ki inhen achchi samajh hoti hai.
tula: tula lagn ki mahilaen kamuk, bhavuk kism ki hoeti hain. ap kisi bhi parti ki jan hoti hain. apki muskan par sabhi fida ho jate hain aur islie sabhi apko sabse jyada mahatva dete hain. aisa lagta hai ki apke bina koi parti hi nahin ho sakti. lekin svayan ye santulit aur suljhi hui tatha paranpravadi svabhav ki hoti hain. islie ye sabhi logon se nahin milti-jultin. bahut adhik adhyatmik, dharmik, saf dil, urjavan aur udar hriday hoti hain tatha apne kism ke logon se inki vishesh banti hai.
vrishchik: ap aise logon ko behad pasand karti hain jinka jivan men nishchit uddeshya hota hai. islie kisi samajik ayojan, mitra mandli, parti men jab bhi jati hain to vahan par tabhi sahaj dikhai deti hain agar ap atmik rup se santusht hane. ap men atithya bhav hone ke karan mitron aur sanbandhiyane ki khub khatir karti hain. atithi devo bhav apka mul mantra hai. islie atithiyon ki seva aur unhen har prakar se sahaj mahsus karvane men koi kami nahin rakhtin.
dhanu: ap sabse adhik tejasvi hoti hain aur kisi bhi parti aur samajik ayojan men jan funkne men saksham, behad jindadil, umangon tarangon se bhari tatha sarvadhik akarshan se purn hoti hain isilie lokapriya tatha prasiddh hoti hain. ap kisi ka bhi hausla girne nahin deti hain tatha svayan bhi unnati karti hain aur dusron ki unnati ki bhavna bhi apke dil men rahti hai. ap bahut se logon ka hausla barhati hain aur isi karan log apko apna adarsh manne lagte hain. ap vishesh urjavan tatha samajik v rajnaitik utsavon, parti tatha milne-julne vale karyakramon men vishesh urjavan hone ke karan shighrata se karya sanpadan karne ke lie jani jati hain.
makr: ap parti karna, samajik utsavon men bhag lena pasand karti hain. apko mitron, sanbandhiyon se milne men anand ata hai. mukhya uddeshya yah hota hai ki aise kisi mitra athva sanbandhi se sanpark ho jae jo apke kam a sake. ap sada sarvada apna hit sadhne men lagi rahti hain. ap sarvadhik vyavhar kushal hoti hain. apka vyavhar kaushal hi apko samajik ayojnon men prasiddhi dilata hai. ap sabhi ke prati prem ka bhav rakhti hain.
kunbh: ghar men bhale hi apka vyavhar kaisa bhi ho kintu samaj men mitron, sanbandhiyon ke bich tatha samajik utsavon men apki sabhyata, shalinta v manvta adi vichardhara ke chalte apko vishesh pasand kiya jata hai. apko samaj men samman ki drishti se dekha jata hai chahe apke adarsh khokhle hi kyon n hon. samaj men apko siddhantvadi, imandar tatha usulon ki pakki parantu kuch mamlon men ariyal ravaiya rakhne vali mahila ke rup men jana jata hai.
min: ap mastamaula, chanchal aur imoshanal kism ki hoti hain. jis par daya a jae, jisne apko khush kar diya usi se mitrata ho gai, jaldi logon ke jhanse men bhi ati hain, lekin achche mitron ki chah bani rahti hai. aisi mahilaen sabhi se sahanubhuti rakhne vali, komal svabhav ki v ati sanvednshil hone se sabhi ke duahkh ko samjhti hain v sabko sahara bhi deti hain. mehanatakash, sahnshil aur shaktishali, urjavan log apko behad pasand hote hain. in mahilaon ke vichar v inka drishtikon inki ayu ke anupat men adhik paripakva dekha gaya hai. in mahilaon ki bauddhik v adhyatmik paripakvata hi inki chavi ko samaj men sahnshil prani ke rup men sthapit karti hai.