aie janen ki rashi/lagn dvara ap kaisi chijen pasand karti hain
♣ mesh
apko nai-nai chijen trai karna behad pasand hota hai. urja aur utsah se paripurn ap pratiyogi svabhav ki mahila hain jinhen apne dost, mitra aur rishtedaron se jyada barhiya aur market men chalne vali har letest chij pane ki chah rahti hai. apke jaldabaji ke svabhav ke karan ap shaeping bhi fatafat karna pasand karti hain aur ek bar men kai chijen kharid leti hain. diskaunt mangne se bhi piche nahin hattin. ap pahli hi najar men achchi aur stailish vastu ka chunav karne men saksham hoti hain.
♣ vrishbh
shukra pradhan hone ke karan ap glaimar ki taraf akarshit hoti hain aur shaeping ki shaukin hoti hain. maigjin aur intrnet par kapre aur samanon ke letest stail dhunrhti hain aur kuch alag hatke uttam kvaliti ki vastu vajib dam men kharidna pasand karti hain. ap ek aisi grahak ki shreni men ati hanai jo sel lagne ka intjar karke achchi se achchi brand ka saman lena pasand karengi, iska karan apka sahaj aur praiktikal svabhav hai.
♣ mithun
svabhav se khushmijaj aur ghumne firne ki shaukin ap aisi stri hain jise doston ke sath bajar jane ka bara shauk hota hai. saman lete samay jyada min-mekh nahin nikaltin aur doston aur priyajnon ki ray bhi leti hain. buddhimatta ke karan apki bargening pavar achchi hoti hai aur ap adhikatar maich karke jore men saman lena adhik pasand karti hain. kai bar ap kisi vyakti vishesh ke pasandanusar bhi shaeping karti hain.
♣ kark
bhavuk svabhav aur apni chijon se behad lagav kark mahila ki pahchan hai. yun to ap shaeping aur kharcha kam hi karti hain kintu hathi svabhav hone ke karan yadi mud ban jay aur koi chij behad lubha jay to use kharidne se piche nahin hattin kyonki ap us vastu se jurav sa mahsus karne lagti hain. ap apne sath-sath apne priyajnon ke lie bhi soch samajhakar unki pasandanusar tohfe kharidti hain.
♣ sinh
shaeping men apka raeyal test hota hai arthat ap kisi bhi vastu ko kharidte samay apne ohde, rutbe aur maryada ka behad khayal rakhti hain. apki chvais kafi selekted hone ke karan ap khariddari bhi kuch kam karti hain. supiriyar kvaliti ki chij hi apko lubhati hai jo apko ‘klas aparta’ dikha sake. ap diskaunt aur tol-mol par kam dhyan deti hain. apki pasand eksaklusiv hone ke karan apko ek bar men ek do chijon se jyada pure bajar men kuch khas pasand nahin ata.
♣ kanya
ap kharchili shreni ki striyon men ati hain jo apne sath-sath apne priyajnon ke lie bhi khub shaeping karti hain. ap vastu ko bariki se parkhti hain aur sahi mayne men shaeping ki behad shaukin hoti hain. kahin sel lagi ho to apka bina jae ruk pana behad mushkil hota hai. apke bare men ek khas bat yah hai ki kabhi to ap bina soche samjhe yun hi chij kharid leti hain to kabhi kisi chij ke chunav men char panch dukanen dekhe bina khush nahin hotin.
♣ tula
ap khule dil ki, donon hathon se behad kharch karne vali stri hain aur adhik matra men shaeping karti hain. shukra ki pradhanta apko khubsurat aur saundaryapurn vastuon ki taraf ek vishesh rujhan pradan karti hai. ap adhikatar branded aur dijainar viyar saman hi kharidti hain aur apko dusron ka laya hua saman kam hi pasand ata hai. ap adhikatar maels aur bare bajaron se hi shaeping karti hain.
♣ vrishchik
pratiyogi pravritti aur apne karya ke prati junun hone ke karan apmen ek alag prakar ki buddhi aur khoji v jigyasu svabhav hota hai jiske karan ap koi vastu kharidne se pahle sabhi ritel autlet aur intaranet ki chanbin karne ke bad hi apna faisla leti hain. ap ek aisi smart bayar hain jo thok baja kar garanti ke sath vastu ke gun dosh parakhakar hi kharidari karti hain. dhyanpurnata aur aklamandi ke karan yadyapi ap kharidari men jarurat se jyada vakt lagati hain fir bhi apki ki gai kharidari aur shaeping skils se sabhi prabhavit rahte hain.
♣ dhanu
apka svabhimani vyaktitva hota hai aur ap planing ke sath hi shaeping karti hain. apka ek vishesh gun yah hai ki ap sahi samay par sahi vastu kharidne men saksham hoti hain. apko yah achcha andaja rahta hai ki apko kaun si vastu kis dukan se kharidni chahie. vastuon men gold kharidne ka atyadhik shauk hota hai. apki bargening pavar achchi hoti hai aur mesh rashi ki mahila ki tarah ap bhi apni pasandida vastu ko pahli hi najar men parakh leti hain.
♣ makar
ap ek praiktikal aur jagruk grahak hain. apki nigoshieting paevar aur bijnes skils sabse achchi hoti hai. ap buddhimatta se vastuon ka chunav karte hue apne bhale-bure ka purn dhyan rakhti hain. fokasd grahak hone ke karan ap jitni jarurat ho utni hi saman kharidti hain. samanyatah shaeping karna apko taim vestej lagta hai par kai bar apni pasandida vastu ko dhundhne men kafi vakt laga deti hain.
♣ kunbh
ap dusron se jaldi prabhavit ho jati hanai aur apne pahnave ka khas khyal rakhti hain. ap kushal aur daksh grahak hain jiski kai dukandaron se jan pahchan bani hoti hai kyonki ap jane pahchane dukan se kharidari karna adhik pasand karti hain. shaukinmijaji ke karan ap kai bar kafi saman kharid leti hain islie kvaliti se dhyan bhatak jane ki sanbhavna bani rahti hai.
♣ min
adhikatar min mahilaen chanchal hoti hain aur avesh men akar shaeping karti hain. apko kharidari karna aur dusron ko gift karna bhi behad pasand hota hai. manchahi chij jaldi hi apki ankhon men sama jati hai kintu ap kharidne se pahle uski achchi janch kar leti hain. vaise ap kafi selektiv hoti hain aur uttam aur anokhi egjibishan se kharidi chijen ikattha karna apko behad pasand hota hai. ap vindo shaeping ka bhi khasa shauk rakhti hain.
uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.