prachin kal se hi manushya kisi n kisi rup men parmeshvar ki aradhna karte ae hain. alg-alag samay aur kathinaiyon ke anusar alg-alag rupon men bhagvan ki puja ki jati hai jaise paryapt matra men varsha ya adhik varsha se nivaran ke lie indra dev ki puja. isi anusar ham jab ye mante hain ki jyotish men kundliyon ko lagna/rashiyon ke anusar 12 prakaron men vibhajit kiya gaya hai, tab yah bhi janne ki ichcha hoti hai ki hamen prayah kis devi devta ka niyamit rup se bhajan pujan karna chahie. aj ki is shrinkhla men ham janenge ki apki kundli ke anusar apke ishtadev kaun hain atah apko kinki sadhna karni chahie.
mesh:
apko surya bhagvan ko niyamit rup se jal pradan karna chahie, isse apki tarakki aur urja donon pragti karegi. apke bhagyesh brihaspati bhagvan hai islie bhagya ki vriddhi aur vitt sanbandhi vishay ke lie bhagvan vishnu ki aradhna karni chahie. atm vishvas aur sanpurn prakar ke kashton se nivaran ke lie bajrangbli maharaj arthat hanuman ji ko naman karna chahie.
mantra: un han hanumte namah.
vrish:
apke lagna/rashi ke svami shukra bhagvan hain. apko dhan-paise ki vriddhi aur kam-kaj, naukri ityadi ke lie devi man ki aradhna karni chahie. inhen ap parvati ji aur santoshi mata donon hi rupon men puj sakte hain. kashton ke nivaran ke lie shani maharaj ka naman karen or sanktmochan hanumanji ko yad karte rahen.
sarvopyogi mantra: sarvabadhavinirmukto dhandhanyasutanvitah. manushyo matprasaden bhavishyati n sanshyah..
mithun:
apke lagna/rashi ke svami bhagvan budh hain. dhan, paise aur svasthya sanbandhit samasyaon ke lie ganesh ji ki aradhna karen. karya, vyavsay, naukri sanbandhi samasya nivaran hetu vishnu bhagvan ki puja-aradhna karen aur parivarik sukh shanti aur anya kasht nivaran hetu shani maharaj ko naman karen.
mantra: un gan ganptye namah. ganesh gayatri mantra: un ekdantay vidmahe vakratunday dhimhi tanno danti prachodyat.
karka:
apke lagna/rashi ke svami chandrama hanai aur islie apko mukhya rup se bhagvan shiv ki aradhna karni chahie. mansik shanti ke lie rudraksh ki mala par un namah shivay ka mantra jap karna chahie. mangal apke yogkarak grah hain islie dhan-dhanya ki sanpannata ke lie apko hanuman ji ki puja karni chahie. bhagya vriddhi ke lie shri ram ki aradhna karen.
mantra: un namah shivay.
sinh:
surya bhagvan apke lagna/rashi ke svami hanai islie apko niyamit rup se surya bhagvan ka mantra jap, aditya hriday stotra ka path karna chahie. isse n keval apka sehat aur svasthya barhiya rahega balki ap urjavan aur vishvast bhi mahsus karenge. bhagya ki vriddhi aur gharelu sukh-shanti ke lie hanumanji ki aradhna karni chahie. apko vyavsayik saflta aur achche kariyar ke lie durga mata ki puja karni chahie.
sarvopyogi mantra: un ghrini suryay namah.
kanya:
apke lagna/rashi ke svami bhagvan budh hain. apko vyavsay, vitt aur bhagya ki vriddhi ke lie devi man ke kisi bhi ek rup ki aradhna karni chahie. achche svasthya aur saflta ke lie ganesh ji ki puja aur mantra jap uttam hai. isse n keval apko rogon se mukti milegi balki ap vishvast aur atmashanti ka abhas karenge. gharelu sukh-shanti ke lie bhagvan ram ki stuti karen.
sarvopyogi mantra: ya devi sarvabhuteshu mahalakshmirupen sansthita. namastasyai namastasyai namastasyai namo namah..
tula:
apke lagna/rashi ke svami shukra maharaj hain atah apko visheshakar devi ji ki aradhna karni chahie. apke yogkarak grah shani hain isilie unka mantra jap karne se parivarik sukh-shanti aur santan paksh ki or se nishchintta ka abhas hoga. jivnsathi ke sath samanjasya ke lie sundrkand ka path karen. vyavsay, svasthya aur atmavishvas ke lie gauri devi ka mantra jap ati uttam hai.
sarvopyogi mantra: sarvamangal mangalye shive sarvarth sadhike. sharanye tryambake gauri, narayni namo'stute..
vrishchik:
apke lagna/rashi ke svami mangal bhagvan hain islie svasthya, mansik shanti aur pragti ke lie apko hanumanji ki puja karni chahie. iske lie jitna ho sake hanuman chalisa, sundrkand, bajrang ban aur sanktmochak hanumanashtak, hanuman arti aur hanumanji ka mantrajap karen. bhagya ki vriddhi ke lie shivji ki aradhna karen. dhan-paise ki vriddhi ke lie guruvar ko vishnu ji ko kele charhaen.
mantra: hanuman gayatri mantra - un anjneyay vidmahe vayu putray dhimhi tanno hanumat prachodyat.
dhanu:
guru apke lagna/rashi ke svami hain, apke svasthya, atmavishvas, rog pratirodhak kshamata aur parivarik sukh shanti evan sanpatti ke karak bhi yahi hain, islie apko bhagvan vishnuji/krishnaji ki aradhna karni chahie. yah apke lie sarvashreshth rahega. bhagya ki vriddhi ke lie niyamit rup se surya ko jal den. vyavsay men vriddhi aur jivnsathi ke sath samanjasya ke lie ganesh ji ka budhvar ko dhyan karen.
krishn gayatri mantra -un devki nandanay vidmahe vasudevay dhimhi, tanno krishnah prachodyat.
makr:
apke lagna/rashi ke svami bhagvan shani hain islie svasthya, rog pratirodhak kshamata, atmavishvas, dhan, paise ki vriddhi aur bhavnatmak santulan ke lie apko shani bhagvan ka mantra jap karna chahie aur koshish karke jitna ho sake shani bhagvan ka darshan shanivar ko karna chahie. mangal apke yogkarak grah hain. pragti, kasht nivaran aur gharelu sukh shanti ke lie hanuman ji ki aradhna uttam hai. vyavsay men pragti aur sthayitva ke lie devi ji ki stuti karni chahie. pauranik shani mantra nilanjan samabhasan raviputran yamagrajam. chayamartandasambhutan tan namami shanaishcharam..
kunbh:
apke bhi lagn rashi ke svami shani dev hain. inki aradhna karne se apko vishvas, arogya aur antrik shakti prapt hogi. bhagya ki vriddhi aur gharelu sukh shanti ke lie devi ji ki aradhna karni chahie. vyavsay men pragti aur achchi vak kshamata ke lie hanuman ji ka mantra jap sarvopyogi hai. multah apko shani bhagvan ki hi aradhna karni chahie.
mantra: shani vaidik mantra shan no devirbhishtay apo bhavantu pritye. shan yorbhi savantu nah.
min:
guru apke lagna/rashi ke svami hanai, islie shriram ki niyamit aradhna se apko achcha svasthya, rog pratirodhak kshamata, atmavishvas aur vyavsay men vriddhi ka ashirvad jarur prapt hoga. apke bhagyesh mangal hain islie dhan, paise ki vriddhi aur bhagya ki vriddhi ke lie hanuman ji ki puja karen. apke lie mukhyatya shriram ka mantra jap aur ramastuti har prakar ke kasht nivaran ke lie ati uttam hai.
sarvopyogi mantra: nilambujashyamlkomlangan sitasmaropitvambhagam panau mahasaykcharupan namami raman raghuvanshnatham.