madhur sangit prayah har dil ko chune ki kshamata rakhta hai. ye bat to ham sabhi jante hain ki mahilaen purushon ki tulna men adhik bhavuk hoti hain aur shayad isilie sangit jaise saumya vishay men inki ruchi aur jurav adhik hota hai. kisi n kisi prakar ka sangit har stri jatak ko priya hota hai, koi 2-4 git sabhi ko itne pasand hote hain ki inke sunai parte hi bas dhyan unhin ki taraf chala jata hai aur man us git ki dhun men aisa dub sa jata hai ki kuch palon ke lie mano ham ek alag hi duniya men pahunch jate hain.
sangit bhi kai prakar ke hote hain - klasikal, lok git, ilektraenik drams end insatrumental, traidishanal saeft, naya hip haep, fast myujik ya fir melodiyas purane git. vaise to myujik jagah aur samay ke hisab se hi achcha lagta hai fir bhi apne ko khush karne ke lie sabhi alg-alag tarah ka myujik sunna pasand karti hanai. koi fast ganon ki dhun par thirkti hain to kisi stri ko purane gane hi lubhate hain. aie janen sabhi lagna/rashi ke hisab se unka pasandida sangit.
mesh: mangal ki prabhavshali rashi/lagn hone ke karan apko prerak myujik pasand ate hain. apko tivra avaj aur khub bits aur dhunon se paripurn laiv myujik hi pasand ata hai, nae se nae gane aur sangit sunne ka shauk rakhti hain aur yuvavastha men in par khub thirkti bhi hanai. paep, raek, jaiz jaise myujik apko lubhate hain. kintu ek umra ke bad ya fir shant samay men apko purane madhur git sunne ka bhi ek alag krej hota hai.
vrish: shukra pradhanta ke karan sangit men apki khasa ruchi hoti hai. apko prayah kai tarah ke myujik aur gane pasand ate hain. lok giton men khasi dilachaspi hoti hai. apko suding myujik pasand ata hai. purane romantik gane ap kafi pasand karti hain. jab bhi ap rediyo par apna pasandida gana sunti hain to gungunane se rukna mushkil ho jata hai. drams, shahnai, gitar par bajne vale sangit apko tarotaja kar dete hain.
mithun: apko ghumne-firne aur samajik jivan ki adat si hoti hai. prayah sabhi prakar ka myujik aur dansing ap pasand karti hain. hip haep, lokal bainds ke ivent, shoj aur partij men bajne vala myujik pasand karti hain. doston ke sath mil-julakar myujik injvaey karti hain. kamre men baithakar saeft myujik sunna apka stail nahin hai. apka intaraiktiv taip ka myujik test hota hai.
karka: apke lie ek partikular myujik test nirdharit karna kafi mushkil hai. samay ke sath ek do singars ya baind apke fevrit ho jate hain aur fir unhin ke gane sunna pasand karti hain. apko bhavuk aur hriday ko chunevale bol pasand ate hain. apka svabhav romantik hota hai islie apko saeft aur maild imoshanal thim aur tyun ke gane hi pasand ate hain.
sinh: agni tatva rashi aur surya ka shahi svabhav hone ke karan ap har daur ke femas git sunti hain. akarshan ka kendra banne ki chahat aur atmavishvas se paripurn vyaktitva hone ke karan, kabhi-kabhar jor die jane par apne milne-julne valon ke bich gungunane se bhi piche nahin hattin. apko dramaitikal aur klasikal myujik pasand ata hai. jyadatar ap nami-girami singars ya baind sunti hain aur apne pasandida sangitkar ki laeyal fain list men shamil hoti hain.
kanya: apko shantipurn aur suding sangit hi pasand aega. apko aise gane atyadhik pasand ate hain jinmen baikagraund men saeft myujikal instrument baj raha ho. gitar, vaylin, bansuri jaise myujikal insatrument sikhne, bajane aur sunne ka apko shauk hota hai. apko raek aur hard myujik kam hi lubhata hai. ap melodiyas vaeyas ki prashansak hoti hain.
tula: tula shukra ki mul trikon rashi hai jo ki prem ka grah hai. atah apko romantik tyuns, myujik aur gane atyadhik pasand hote hain. kisi bhi yug ke letest gane ko sunne men bhi apko anand prapt hota hai. hriday se bhavuk aur svabhav se milnsar apko iji going myujik pasand ata hai jismen kuch soshl/rileshnship maisej ho. myujikal ivents aur naits atend karne ka shauk rakhti hain.
vrishchik: svabhav se khoji aur har chij ki tah tak jane ki ichcha ke karan ap intens myujik pasand karti hain. kampleks aur rich insatrumental myujik pasand karengi jismen kai prakar ke ilektraenik insatrument ka upyog kiya gaya ho. ap achchi avaj ke sath-sath uski kampojishan ki bhi sachchi sarahna karne vali hain. aerkestra myujik apke lie ek achchi chvais hai.
dhanu: traidishanal end klasikal myujik ki sachchi aradhak ap hi hain. sangit kala kendra men vibhinn prakar ke myujikal insatruments aur myujik se jure itihas janne ki ichcha rahti hai. apko filmi ganon ke sath-sath lok git aur lokal traidishanal git sunna pasand ata hai. kuch klasikal dhunen bhi apki fevrit hoti hain jinhen ap apne aediyo pleyar men redi rakhti hain.
makr: apko myujik ka bahut jyada shauk nahin hota ya kahen to fevrit myujik batana apke lie thora mushkil hi sabit hota hai. makar lagn vali stri purane gane aur sangit chalne par achcha mahsus karti hain. kabhi-kabhar jaiz myujik bhi sunna pasand karti hain par is vishay men khas ruchi n hone ke karan jankari bhi nyunatam hi rahti hai.
kunbh: apko bhi teknikal myujik jyada lubhata hai jismen ap uski bits ko mahsus kar paen. saeft sangs, sadabhar femas saeng apko pasand ate hain lekin sath hi aise ganon men bhi apki dilachaspi rahti hai jinmen dram, stik, old ya inovetiv insatrument upyog kie gae hon. ap nayapan aise talashti hain jaisa riyaliti shoj aur tailent sho men dekhne ko milta hai aur is prakar ke program bahut injvaey karti hain.
min: chanchal svabhav aur mastamaula vyaktitva hone ke karan apko fast traik pasand ate hain. old saeng ki bajae ap gari men baithte hi nae aur letest gane ko efaem par sunakar gungunana shuru kar deti hain. apko laivli aur apbit myujik hi pasand ata hai. ap vatar saund ya jharnon ki avajen bhi injvaey karti hain. prastut lekh men apne bare men janne ke lie apne lagn anusar parhen.
yadi lagn n malum ho to chandra rashi anusar padhen. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karta hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ko darshati hai.