bhojan jivan ka adhar hai. adhar hamesha majbut hona chahie n ki majburi, laprvahi, agyantavash grahan kiya gaya. bhojan ko prasad ki bhanti khana chahie. svayan ki arogya shakti ko barhane, nirogi bane rahne ke lie santulit, paushtik aur apne sharir ke anusar hi bhojan karna chahie. bhojan vyakti ko jivan ke sath- sath urja, vichardhara aur shakti deta hai. ham jante hain ki hamari janmarashi hamare svabhav, vyaktitva aur hamare gunon ko vyakt karti hai.
islie apne jivan ko sumarg par agrasar karne ke lie aur dirghakal ke lie nirogi bane rahne ke lie yadi ham apni janmarashi ke anusar dainik jivan men khanpan nirdharit karte hain to nishchit rup se ham svasth, safal aur sakaratmak bane rahenge. aiye janen apki lagna/rashi ke anusar apke lie uttam ahar
mesh: ap jivan ki nai urja se bhari hui rahti hain. svabhav se ap avegi, tvarit aur atmakendrit hoti hain. pratyek karya men ap bari utavli rahti hain.
agni aur pitt prakriti ka prabhav hone ke karan apko garmi ke mausam men tajgi, urja aur sfurti prapti ke lie tarbuj, kharbuj jaise rasile fal aur am ka sevan karna chahie. pey padarthon men ap thande dudh ki lassi aur shikanji ka sevan kar sakti hain. svayan ko svasth rakhne ke lie ap gulab se bane khadya padarth jaise gulkand ka anand le sakti hain.
apke lie pratidin ek seb khana labhkari rahega. sath hi ap chaval ke pani, dudh aur tamatar ke sup ko bhi niyamit rup se apne ahar men shamil kar sakti hain.
vrish: ap vyavharik, sthayi aur vishvasniya hanai. apki takat apka sthayitva, imandari aur kara sankalp hota hai. apko paranprik aur shaktiprad khana adhik pasand hota hai.
is chilchilati garmi se svayan ko bachane ke lie apko khire ke jus aur angur ke ras ka sevan karna chahie. apne bhojan men ap palak, matar, kaddu, fulgobhi aur sem ki faliyon ka sevan karen. falon ke rup men ap safed kharbuj, amrud, seb, kale jamun aur naspati ka prayog kar sakti hain. mithe men chaval ki khir apke lie ati shubh hai.
iske sath hi bhojan men ayodaijd namak, salad men kakri jarur shamil karen.
mithun: ap vyaktitva se hajir javab aur furtile hain. sath hi ap akarshak aur dostana hote hain. apko thora-thora karke khana pasand hota hai.
ap apni kshamata se adhik parishram aur chinta karte hanain isilie dimag ko sfurti pradan karne ke lie mausmi, rasbhri, nashpati, amrud aur hare angur ka sevan karen. ankurit hari mung ki dal nashte men ati uttam hai. khire aur kakri ko ap apni salad men sthan de sakti hain.
hari sabjiyon men ghiya, tori, brokli, shimla mirch, labhaprad hain. pudina aur dhaniye ka adhik se adhik prayog karna svasthyaprad rahega.
karka: ap sabse sahanubhuti rakhne vale vyakti hain tatha ap sanvednshil aur bhavnatmak bhi hain. apka pachan tantra aur pet apki pareshaniyon ka karan banta hai. islie ap gini-chuni chijen khate hanain.
apke lie dudh aur dudh se bani vastuon ka sevan svasthya sukh ko banae rakhne men mahatvapurn bhumika nibha sakta hai. ap dalon men safed dhuli mung ka prayog jarur karen. garmi se bachne ke lie anar v tarbuj ka jus aur chukandar evan alubukhare ka sevan karna bhi uttam rahega. panir, ghiya, gajar, shalajam aur mashrum ki sabjiyon ko taral rup men khana svasthyadayak rahega. din men ek gilas dudh v ek katori dahi avashya len.
sinh: apka vyaktitva mukhar, majbut, atm vishvas aur sahsi gunon se yukt hota hai aur ap apne akarshan se prabhav dalne men safal rahte hain. apko garishth bhojan ka sevan nahin karna chahie. ap lal gajar, tamatar, chukandar, lal shimla mirch niyamit rup se apne ahar men shamil karen. iske atirikt apke lie pani men bhige hue badam, anjir aur akhrot len. pey padarth men ap ninbu pani aur nariyal pani len. tarbuj, lal cheri, straeberi, adu, anar aur seb apke lie ati uttam fal hain. pratahkal men shahad lena apko svasth rakhega.
kanya: ap bahut mehnti aur vyavasthit svabhav ke hain. santulit aur nishpaksh hone ke karan ap anavashyak rup se bhavnaon men nahin bahte hain. ap apne svasthya ke prati satark rahte hain. kakri, kaddu, patta gobhi, salad ke patte, bhindi, hari bins, methi aur sag jaisi hari sabjiyan ati uttam hain. pratidin 5 badam ka sevan karen. kale jaitun ke tel ka istemal karen. jamun, kela, nashpati lena labhdayak rahega. khire v ninbu ko salad men jarur len. ganne ka jus aur ananas ka jus saptah men ek bar avashya len.
tula: ap uchit v jaldi nirnay lena jante hain. apka rujhan nyay evan anushasan ke prati adhik hota hai. apne vajan ke prati sadaiv satark rahte hain. mithe ke rup men chini ki jagah khand ka prayog karen. prayah sabhi hari sabjiyan, panir aur panir se bani chijon ka sevan adhik se adhik karen sath hi jau ka ata prayog men len. niyamit rup se 5 kishmish aur 2 munakka khaen. apni rashi ki purn shubhta prapt karne ke lie ap muli ko apni salad men shamil karen. saptah men ek bar ap karele ki sabji ya jus grahan karen.
vrishchik: ap dayalu aur dostana sanbandh rakhne vale vyakti hain. ap shant aur apne andar junun chipaye rahte hain sath hi ap sahsi aur kutnitik karya karna pasand karte hain. apke lie anjir, safed chane ke ankurit dane, panir, pyaj, mashrum adi lena arogya pradan karega. pey padarth men ap gajar v anar ka jus aur shikanji len. falon men am, alubukhara, papita aur seb ati uttam hai.
dhanu: ap mahatvakankshi, sahishnu aur vidvan hote hain. udarta, navinta ki chah aur logon ko sath lekar chalne men ap kushal hote hain. pey padarthon men ap leman ti, ninbu pani, mausmi ka jus aur am ras ka sevan karen. sup lene ka man kare to ap bebi korn aur tamatar ka sup le sakti hain. papita, am, kela aur ras bhari jaise pile fal grahan karen. bahudhanya ata prayog men len. prayah sabhi prakar ki sabjiyan apke lie uttam hain. inmen kaddu ko jarur sammilit karen. iske atirikt ap din ke samay men dahi ya dahi se bani lassi bhi len. yah apko rashi ki shubhta prapt karne men sahyog karega.
makr: ap atyant vyavharik hote hain aur apne lakshyon ko pane ke lie pratibaddh bhi hote hanai. iske atirikt mehnti, imandar, mahatvakankshi, aur vishvasniya hote hain. hari sabjiyan aur khatte fal jaise karaunda, kali cheri, kale angur aur jamun apke lie shubh hain. iske sath hi apke lie vishesh rup se singhare aur shahtut grahan karna uttam rahega. protin ke lie saptahik rup se apko soyabin lena chahie. dalon men kali urad ka sevan avashya karen. sath hi lauki ko kam mirch ke sath banakar khayen. ap svasth rahenge.
kunbh: ap svatantra jivan jina pasand karti hain. apne jivnsathi par pura vishvas rakhte hain. ap buddhijivi hain tatha karyon men mansik urja adhik vyay karte hain. pey padarthon men ap grin ti, blaik ti ya kam dudh men bani chay/kaefi ka prayog karen. jamun athva kale angur ka jus apke svasthya ke lie anukul rahega. sath hi nashte men ap hari dalon ko ankurit rup men grahan karen. 2 se 3 akhrot ratabhar pani men bhigokar grahan karen. nashpati, adu aur angur jaise fal apko sfurti ke sath-sath arogya bhi denge. hari sarson, hare baingan aur bins lene se svasthya uttam bana rahega.
min: ap svabhav se ati bhavuk hoti hain tatha ap sangitapriya, charitravan, santoshi, sadachari, shantchitt, milnsar aur karyakushal hain. apke khan-pan ki adten badlti rahti hain. badam aur kishmish apke lie uttam hai. pey padarthon men ninbu pani, nariyal pani aur mausmi ya santre ka jus len. braun chaval aur safed chane apke lie labhdayi hain. santra, bel, papita aur mausmi apke lie shubh fal hain. salad men ap chukandar, hari salad evan mishrit falon ki chat sammilit kar sakti hain. pili shimla mirch, sitafal, bebikaern aur tamatar apke lie labhkari hain. falon men vishesh rup se apke lie sunhri seb, kela, santra aur papita shubh hai.