kaise nikalen yatra muhurt  

kaise nikalen yatra muhurta? vinay garg yatra to sabhi karte hain, kabhi saflta to kabhi asflta hath lagti hai. yatra kabhi itni sukhad hoti hai ki daur-dhup bhari jindgi ki sabhi thakan dur ho jati hai. kabhi yatriyon ko durghatana ke karan jan bhi ganvani par jati hai. akhir kya hai iska rahasya? shayad sahi muhurt ka chunav. samay ka abhav hone ke karan log prayah muhurt ke mahatva ko bhul jate hain. muhurt ki tab yad ati hai jab yatra nirarthak, nishfal evan nuksan dayak sabit hoti hai. tab vyakti is bat ko sochne ko majbur ho jata hai ki kash mainne apni yatra shubh muhurt men praranbh ki hoti to hone vali hani, mansik ya sharirik kasht yatra men n sahne parte. yadi ham yatra praranbh karne se purva muhurt ka vichar karte hue apni yojna ko banaen to bahut mumkin hai ki yatra evan pravas ke dauran mansik tatha sharirik kasht se mukti mil jae tatha hamari yatra ke uddeshya men saflta prapt ho. yatra muhurt ke lie dishashul, nakshatrashul, yogini, bhadra, chandrabal, tarabal, nakshatrashuddhi adi ka vichar kiya jata hai. kisi bhi yatra muhurt ko nikalne ke lie sarvapratham tithishuddhi ka vichar kiya jata hai. tithishuddhi: yatra ke lie nimn tithiyan shubh mani jati hain. kisi bhi paksh ki dvitiya, tritiya, panchmi, saptami, dashmi, ekadshi, trayodshi evan keval krishnapaksh ki pratipda tithiyan. yahan yah bat dhyan rakhne yogya hai ki in tithiyon men bhadradosh nahin hona chahie. arthat in tithiyon men yadi vishti karan hoga to vah samay yatra ke lie shubh nahin hoga. nakshatra shuddhi: tithi shuddhi karne ke pashchat li gai tithiyon ka nakshatra vichar kiya jata hai. yatra ke lie shubh nakshatra nimnalikhit hain: ashvini, mrigshira, punarvasu, pushya, hast, anuradha, shravan, dhanishtha evan revti nakshatra uttam mane gae hain. inke atirikt kuch nakshatron men sabhi dishaon men yatra ki jati hai. arthat sabhi dishaon men yatra karna jin nakshatron men shubh hota hai, ve nimnalikhit hain - ashvini, pushya, anuradha aur hast. ant men kuch nakshatra aise hain jo yatra ke lie madhyam shreni ke mane jate hain. ve nimnalikhit hain: rohini, purva falguni, uttara falguni, purvasharha, uttarasharha, purva bhadrapad, uttara bhadrapad, jyeshtha, mul evan shatbhisha. chaighriya vichar: nakshatra shuddhi karne ke uprant shuddh tithiyon ke din chaighriya vichar kiya jata hai. ek chaighriya ka samay char ghati hota hai arthat derh ghante ka samay hota hai. is shubh chaighriya ke dauran yatra karna shubh faldayak evan yatra sukhad hoti hai. kul ath chaighriyon men se char chaighriyan shubh hoti hain jinke nam hain- amrit, char, labh evan shubh. hora vichar: shubh chaighriya ke uprant shubh grah ki hora ka vichar bhi kiya jata hai. jaisa ki ham jante hain, shubh grah char hote hain- chandra, budh, guru aur shukra. in grahon ki hora men yatra karna shreshth mana jata hai. chandrabal vichar: yatra ke din chandrama ka shubh rashi men hona bhi avashyak hai. arthat jis vyakti ko yatra karni hai uski janm rashi gyat honi chahie. jatak ki janm rashi se yatra karne vale din chandrama ki rashi 4, 8, 12 nahin honi chahie. dusre shabdon men gochar ka chandrama jatak ki janm rashi se chaithe, athven, barhven bhav men nahin hona chahie. tarabal vichar: uparyukt prakar se shuddh tithi ke din ke nakshatra ki sankhya jatak ke janm nakshatra se ginen . is sankhya ko 9 se bhag den tatha shesh sankhya yadi 3, 5, 7 ho to vah din yatra ke lie ashubh mana jata hai, kyonki in dinon jatak ke lie tarabal kshin hoga. lagn vichar: uprokt shuddhiyon ke pashchat jabki yatra ka din nishchit kiya ja chuka hai, uske uprant kis shubh lagn men yatra karni chahie yah janna atyant avashyak ho jata hai. iske lie hamen yah bat hamesha dhyan rakhni chahie ki kabhi bhi kunbh lagn men ya kunbh ke navansh men yatra nahin karni hai. lagn shuddhi is prakar karni chahie ki 1, 4, 5, 7, 10ven bhavon men shubh grah hon tatha lagn se 3, 6, 10 evan 11ven bhav men pap grah sthit hon. yadi chandrama lagn se 1, 6, 8 ya 12ven bhav men sthit hoga to vah lagn ashubh hoga. yah chandrama papagrah se yukt hoga to bhi ashubh mana jaega. lagn shuddhi is prakar karni chahie ki shani 10ven, shukra 7ven, guru 8ven, aur budh 12ven bhav men sthit ho saken. dakisi vishesh var ko vishesh disha men yatra karne se mana jata hai. var evan disha ke anusar dishashul sanlagn sarni se dekha ja sakta hai. rahukal ka vas vichar: disha shul ke saman rahu kal ke vas ka vichar kiya jata hai. vishesh var ko vishesh disha men rahu kal ka vas mana jata hai. yah nimn prakar hai: jis disha men rahukal ka vas hota hai, us disha men yatra karna ashubh mana jata hai arthat yatra ke samay rahukal sammukh nahin hona chahie. nakshatrashul vichar: dishashul ke saman nakshatrashul ka bhi vichar kiya jata hai. dishashul men vishesh disha ke lie vishesh var ka hona ashubh mana jata hai jabki nakshatrashul men vishesh disha ke lie vishisht nakshatron ka hona ashubh mana jata hai. nakshatra shul ka vichar nimn sarni se jana ja sakta hai. jis disha men yatra karni ho us disha men nakshatrashul vichar bhi kar lena avashyak hai. yogini vas ka vichar: yatra karte samay yogini ka vas kis disha men hai, uska gyan hona bhi avashyak hai. yatra ke samay yogini ka sammukh ya dahine hona ashubh mana jata hai. yoginivas ka vichar tithi evan disha ke anusar nirdharit kiya jata hai, jisko ham nimn sarni ke anusar gyat kar sakte hain. chandradisha vichar: dilli se chennai yatra karte samay sammukh dakshin disha hoti hai evan dahine pashchim disha hoti hai. chandra disha vichar ke anusar yatra ke samay chandrama sammukh ya dahine hona chahie. atah uprokt tarikhon men se ham un tarikhon ko hi grahan karenge jab chandrama dakshin ya pashchim men hoga. dakshin disha men chandrama tab hota hai jab vah vrish, kanya ya makar rashi men aur pashchim men chandrama tab hota hai jab vah mithun, tula aur kunbh rashi men ho. is prakar chandra disha vichar ke anusar ham dekhenge ki yatra ke samay chandrama uprokt rashiyon men sthit ho. panchang dekhne par gyat hota hai dinank ke anusar chandrama ki rashiyan nimnalikhit hain: 9 navanbar (karka), 18 navanbar (vrishchik), 21 navanbar (makar, 20.32 ke bad), 24 navanbar (makar, 9.32 pratah tak), 27 navanbar (min), 28 navanbar (min). chandra disha vichar vishleshan ke uprant shuddh tarikhen nimn hongi- 21 navanbar (makar, 20.32 ke bad), 24 navanbar (makar, 9.32 pratah tak). shubh chandra vichar: jatak ki janm rashi kark hai, atah kark rashi se chaithe, athven evan barhven bhav men kramshah tula, dhanu evan mithun rashi hongi. atah yatra ke din chandrama in rashiyon men nahin hona chahie. uprokt vivaran dekhne se gyat hota hai ki shuddh tithiyane ke din in rashiyon men chandrama sthit nahin hai. is prakar 21 navanbar ko 20ah32 ke bad evan 24 navanbar ko pratah 9.32 baje tak shuddh yatra muhurt hoga.