srishti utpatti ke kram men sabse pahle and-pind siddhant ke adhar par jal men pare huye ek vishal ande se narayan ki utpatti hui. fir narayan ke nabhi kamal se brahma ji ki utpatti hui. n kashchidvedakarta ch ved smarta chaturmukhah.. is adhar par jo vedon ke mantra the ve isse pahle svatantra rup se brahmand men vyapt the. unka n koi rishi, n koi chand, n koi devta tha tab brahma ji ki agya par jis- jis rishi ko jo mantra prapt huye ve us mantra ke rishi huye. is prakar mantron ke rishi, chand, devta nirdharit huye. is nirdharan ko hi viniyog kaha jata hai. jaise mahamrityunjay mantra. is mantra ke kahol aur vasishth rishi hain, rudra devta v anushtup chand hai. kahne ka tatparya yah hai ki mantra ka vishleshan jismen karaya jaye vah viniyog kaha jata hai. bina viniyog ke kiya hua mantra ka jap prabhavkari nahin hota atah bina viniyog ke mantra naganya hai. viniyog ke bad ang nyas, kar nyas ka kram ata hai. ang nyas aur kar nyas ‘‘yajk’’ apne sharir ke vibhinn angon men jis mantra ka jap kar raha hai us mantra ke devta adi ko sthapit karta hai jisse yajak ko mantra jap karne ka adhikar prapt hota hai. devo bhutva devan yajet.. is vakya se siddh hota hai ki devta ke saman hokar hi devta ka yajan (pujn) karna chahiye. sankalpa: yagya ya anushthan men sabse pradhan sankalp hai. sankalp se hi anushthan ki siddhi hoti hai. sankalp ke vishay hain- sthan, gotra-nam, kamna, samay. sthan - yajak kis sthan par karm kar raha hai. gotra - yajak kis gotra aur nam ka hai. kamna - yajak ki kya kamna hai? samay - yajak kis samay (sanvatsar, mas, tithi, paksh, var, nakshatra) par puja kar raha hai. yah sab vishay sankalp ke hain jo yagya-anushthan men bole jate hain. yagya se pavitra evan sarvottam kritya koi nahin hai. atah pratyek sad grihasth ko yagya karna chahiye. is sansar men ve log bare punyashali evan dharmadhvaj kahlate hain jo mahayagyaon ka ayojan karte hain evan unmen bahu vidhi sahyog dete hain. bharat bhumi men yagyaon ka atyadhik samman hai. kahin bhi yagya hota hai to rakshas (ahankar manovritti vale log) usmen vighn dalte hain tatha sajjan log man-vachn-karm se tan-man-dhan se yagya karya ko pura karna apna naitik dayitva samjhte hain. hamara shastra itihas yagya ke anek chamatkaron se bhara para hai. hindu sanatan dharm men janm se lekar mrityuparyant ke sabhi shodsh-sanskar yagya se hi praranbh hote hain evan yagya men hi samapt ho jate hain. ab is bat ko vaigyanik manne lage hain ki yagya karne se vayumandal evan paryavaran men shuddhata ati hai. sankramak rog nasht hote hain tatha samay par varsha hoti hai. prachin bharat men pratyek grihasth ke lie panch mahayagya karne avashyak the. adhyapnan brahmayagyah pitriyagyastu tarpanam. homo devo balirbhuto, nrip yagyao'thiti pujanam.. panch yagya is prakar the- 1. brahm yagya 2. pitri yagya 3. dev yagya 4.bhut yagya 5. nrip yagya. in panch mahayagyaon ko jo grihasth nitya prati karta hai vah sad grihasth kahlata hai uske kiye huye sabhi pap nasht ho jate hain. kisi bhi anushthan yagyadi ka aranbh sankalp se hota hai tatpashchat viniyog, nyas, dhyanadi prakriyaen sanpann karne ke pashchat mala pujan v jap hota hai. jap karya sanpann karne ke uprant mudraen pradarshit ki jati hain aur mantra siddhi hetu prarthanaen stutipath, avrnpuja, kavach, sahastranam adi gopniya kriyaon ka anushthan karya men samavesh kiya jata hai. anushthan karyon men inhen panchang arthat patal (mantra), paddhati (avaran puja), kavach, sahastranam v stuti path ke nam se jana jata hai. panchang se dainik kriyaon ko purnata prapt hoti hai aur anushthan v mantra ka purashcharan pura hone par havan arthat devtaon ko havishya yani bhojan pradan karna avashyak hota hai.
Kya aapko lekh pasand aaya?
Subscribe