kyon nishfal hote hain rajyog sanjay thakur it sh sh a a stra m e n rajyog ka bahut hi adhik mahatvapurn sthan hai. yadyapi rajyog ke abhav men bhi janm lagn ki vishesh avasthaon men janmakundli prablta lie ho sakti hai kintu rajyog ke hone se nishchit hi janmakundli ko vishesh bal prapt ho jata hai. rajyog ka sanbandh matra shasan ya raj se nahin hai.
vastav men rajyog sanpurn shasan ka dyotak hai. janmalagn men rajyog jin grahon ke yog se nirmit hota hai un grahon se sanbandhit sanpurn fal hi rajyog ka pratifal hai. udaharanasvarup ek bahut hi adhik prachlit yog hai gajkesri jo rajyog ki shreni ka yog hai. yah yog surya ya chandra se guru grah ki yuti ya kendrasth sthiti se banta hai. yahan yadi yah yog chandra grah se guru grah ki yuti ya kendrasth sthiti se bana hai to is prakar bane gajkesri yog se chandra aur guru se sanbandhit fal ghatit honge.
jaise chandra dev prakriti ka janm lagn ki vibhinn avasthaon ke anurup saumya aur krur grah hai aur guru dev prakriti ka saumya grah hai. is prakar bane rajyog men jahan chandra aur guru ki prakriti mahatvapurn hai vahin janm lagn men in grahon ki rashisth aur bhavasth sthitiyon ko dekhna bhi avashyak hai. udaharan svarup yadi in grahon men se koi ek ya donon nich ya uchch ke hon to fal bhi usi prakar prapt honge.
isi prakar surya aur guru ke sanbandhon se bane rajyog ka fal surya aur guru ki prakriti tatha rashisth aur bhavasth sthitiyon ke anusar prapt hoga. is prakar kaha ja sakta hai ki rajyog grahon ki prakriti aur unki vibhinn avasthaon par nirbhar karta hai. sadharntya janmakundli men bane rajyog ka sthul rup se vivechan kar hi falit kiya jata hai jo sarvatha anuchit hai. koi bhi yog ek drishti men dekhne par yog pratit ho sakta hai kintu sukshmata se adhyayan karne par vah yog ki kasauti par asatya bhi siddh ho sakta hai.
janm lagn men bane aise yog fal dene ya purn rup se fal dene men saksham nahin hote. bahut se vyaktiyon ke janm lagn men rajyog bane hote hain. kintu unka jivan samanya ya nimn star ka hota hai. aise men jyotish ko sandeh ki drishti se dekha jane lagta hai. janm lagn men bane aise rajyog ka yah sthul rup se kiya gaya falit hai. pahle batai gai grahon ki prakriti tatha rashisth aur bhavasth sthitiyon ke atirikt aur bhi bahut si baton ka adhyayan kar hi rajyog ka falit kiya jana chahie.
sabse pahle yah dekha jana bahut hi avashyak hai ki janm lagn men koi dosh to nahin hai. in doshon men lagnesh ki ashubh sthiti, bhagya bhav ya bhagyesh ke pirit hone, grahan dosh aur kundli ke shapit hone jaisi sthitiyan pramukh hain. inke atirikt yog banane vale grahon ki sthiti ko janna bhi avashyak hai. ast grahon se bane yog prayah nishfal hi hote hain.
isi prakar grahon ki anshatmak sthitiyan bhi yog ko prabhavit karti hain. jis bhav men yog bana ho us bhav ya bhavesh ka kisi bhi rup men pirit hona bhi yog ke purn rup se ghatit hone men badhak hota hai. samanyatya grahon ki vibhinn drishtiyon ke adhar par hi falit kiya jata hai. jaise pratyek grah satven bhav ko purn drishti se dekhta hai. iske atirikt kuch grah vishesh drishti se bhi dekhte hain. kisi bhi grah ki drishti ka sukshm adhyayan kiya jana avashyak hai.
grahon ki anshatmak drishti ke adhar par yah janna avashyak hai ki vastav men grah dekh bhi raha hai ya nahin. sadharntya janm lagn men bane grahan dosh ko adhik mahatva nahin diya jata. isi prakar kundli men bane shapit dosh par bhi dhyan nahin diya jata. grahan dosh aur shapit dosh vyakti vishesh ki pragti ke marg men bahut bare badhak hote hain.
grahan dosh ke prabhav se vyakti jivan men kabhi bhi apne parishram ka yathesht fal nahin pata, use yash ke sthan par apayash milne ki sanbhavnaen bhi adhik rahti hain. aisa vyakti upkar ka fal bhi apkar hi pata hai. aisi avastha men janm lagn men bana rajyog apne nam ke anurup purn fal nahin deta.
is avastha men bana rajyog adhikatar nishfal hi rahta hai. janm lagn men yadi rajyog bahut prabal hai tabhi kuch shubh fal ghatit hone ki sanbhavnaen banti hain, anyatha nahin. aisi avastha men bana kshin rajyog to prayah nishfal hi rahta hai. janmakundli ka shapit hona bhi kundli ke shubh falon men nyunta lata hai. aise men rajyog bhi nishfal ho jate hain. shapit hone par kundli ashubh prabhavon men a jati hai.
is sthiti men kundli men nirmit rajyog bhi nishfal ho jate hain. janmakundli vibhinn prakar se shapit hoti hai. brihatparashar men aise chaidah shapon ka ullekh kiya gaya hai. inmen pitri shap, pret shap, brahman shap, matul shap, patni shap, sahodar shap, sarp shap aur vriksh shap jaise shap ate hain. janmakundli ke kisi bhi shap ke prabhav men ane se vyakti vishesh ki unnati ka marg avruddh ho jata hai.
use uske parishram ka fal nahin mil pata hai. janmakundli ke shapit hone men rahu aur ketu ki vishesh bhumika hai. inmen bhi rahu vibhinn grahon ko kai prakar se pirit karta hai. yah grah guru se yuti kar chandal yog, budh se yuti kar jaratva yog, shukra se yuti kar amotvak yog, mangal se yuti kar angarak yog aur shani se yuti kar nandi yog ka nirman karta hai. in yogon ke atirikt rahu aur ketu surya aur chandra ko bhi pirit kar grahan yog ka nirman karte hain.
vishayavastu ke is sandarbh men vartaman samay men bahucharchit kalasarp yog ka vivechan kiya jana bhi avashyak hai. adhyayan men yah paya gaya hai ki kalasarp yog ek aisa yog hai jo vyakti vishesh ko samanya avastha men nahin rahne deta. is yog ki prablta men vyakti vishesh vilakshan pratibha ka svami hota hai. yadi janmakundli men anya ashubh sthitiyan nahin hain to kalasarp yog vyakti vishesh ko jivan men unchaiyan deta hai.
yahan is bat par vichar karna bhi avashyak hai ki janmakundli men kalasarp shubh sthitiyon ka nirman kar raha hai ya ashubh. sath hi rahu aur ketu ki rashisth aur bhavasth sthitiyon ka adhyayan kiya jana bhi avashyak hai. yahan kalasarp yog ki vyakhya islie avashyak hai ki rahu aur ketu grahon ki vishesh avasthaon se bane is yog ki bhanti hi adhikatar shapit dosh bhi inhin grahon dvara nirdisht hote hain.
grahon ke vibhinn sanbandhon se bane yog purn rup se tabhi ghatit hote hain jab kundli purn rup se dosh rahit aur balvan ho. yadyapi yogon ke fal ki purn rup se prapti ke lie janmakundli ka dosh rahit aur balvan hona avashyak hai tathapi janmakundli men kisi yog ka hona hi ek mahatvapurn sthiti ho jati hai. janmakundli par parne vale vibhinn prabhavon se yogon ki fal prapti men nyunta ya adhikta ho sakti hai. yogon ke falon ki nyunta ya adhikta samyavdhi par bhi nirbhar karti hai.
samanyatya samyavdhi ko vibhinn grahon ki mahadsha, antardasha aur pratyantardasha prabhavit karti hain. yah bat spasht rup se kahi ja sakti hai ki ek kshin yog shubh grahon ki mahadsha, antardasha aur pratyantardasha men bhi vilanb se hi fal dega aur ek prabal yog apekshakrit shighra fal pradan karega.
isi prakar ek kshin yog ashu bh graha e nki mahadsha, an tard sha au rapratyantardasha men prabhavhin hi rahega aur ek prabal yog vilanb se ya kam hi sahi kintu fal avashya dega. janmakundli se vibhinn doshon ko dur kar use shubhta se bhar kar janm lagn ko prablta pradan ki ja sakti hai. janmakundli men yog hone matra se hi koi vyakti raja ya rank nahin ho jata. koi bhi yog tabhi purn fal pradan karta hai jab vah kisi anya grah se pirit, shapit evan ashubh sthitiyon se prabhavit n ho.
jivan men jarurat hai jyotishiya margadarshan ki? abhi bat karen fyuchar point jyotishiyon se!