ap jab bhi koi naya ghar ya makan kharidte hain to usman pravesh se pahle uski vastu shanti karayi jati hai. jane anjane hamare dvara kharide ya banaye gaye makan men koi bhi dosh ho to use vastu shanti karva ke dosh ko dur kiya jata hai. ismen vastu dev ka hi vishesh pujan kiya jata hai jisse hamare ghar men sukh shanti bani rahti hai. vastu ka arth hai manushya aur bhagvan ka rahne ka sthan. vastu shastra prachin vigyan hai jo srishti ke mukhya tatvon ka niahshulk labh prapt karne men madad karta hai. ye mukhya tatva hain- akash, prithvi, jal, agni aur vayu. ham pratyek prakar ke vastu dosh dur karne ke lie vastu shanti karvate hain.
uske karan jamin ya bandh, kam men prakriti athva vatavaran men raha hua vastu dosh dur hota hai. grih pravesh ke purva vastu shanti karana shubh hota hai. iske lie shubh nakshatra, var evan tithi is prakar hain- shubh var- somvar, budhvar, guruvar v shukravar shubh hain. shubh tithi- shuklapaksh ki dvitiya, tritiya, panchmi, saptami, dashmi, ekadshi, dvadshi evan trayodshi. shubh nakshatra- ashvini, punarvasu, pushya, hast, uttafalguni, uttarashadha, uttarabhadrapad, rohini, revti, shravan, dhanishtha, shatbhisha, svati, anuradha evan magha. anya vichar- chandrabal, lagn shuddhi evan bhadradi ka vichar kar lena chahie. kya hai vastu shanti ki vidhi svastivachan, ganpti smaran, sankalp, shri ganpti pujan, kalash sthapan aur pujan, punahvachan, abhishek, shodeshmater ka pujan, vasodhera pujan, ausheya mantrajap, nanndeshrad, acharya ade ka varen, yogne pujan, kshetrapal pujan, agni sthapan, navagrah sthapan aur pujan, vastu mandal pujan aur sthapan, grih havan, vastu devta hom, balidan, purnahuti, trisutrevasten, jaldugdhara aur dhvaja pataka sthapan, gatividhi, vastupurush-prarthana, dakshinasankalp, brahman bhojan, uttar bhojan, abhishek, visarjan. upyukt vastu shanti puja ke hissa hain.
sanketik vastushantiah sanketik vastu shanti puja paddhati bhi hoti hai, is paddhati men ham nondh ke anusar vastu shanti puja men se najrandar n kar sake vaisi vastu shanti puja ka anusaran karte hain. ‘vishnusahasranam stotra’ vidhivat anushthan karne se sabhi grah, nakshatra, vastu doshon ki shanti hoti hai. vidyaprapti, svasthya evan naukri-vyavsay men khub labh hota hai. korta-kachahari tatha anya shatrupida ki samasyaon men bhi khub labh hota hai. is anushthan ko karke garbhadhan karne par ghar men punyatmaen ati hain.
sagarbhavastha ke dauran pati-patni tatha kutumbijnon ko iska path karna chahie. anushthan-vidhi: sarvapratham ek chaiki par safed kapda bichaen. us par thode chaval rakh den. uske upar tanbe ka chota kalash pani bhar ke rakhen. usmen kamal ka ful rakhen. kamal ka ful bilkul hi anupalabdh ho to usmen aduse ka ful rakhen. kalash ke samip ek fal rakhen. tatpashchat tanbe ke kalash par mansik rup se charon vedon ki sthapna kar ‘vishnusahasranam’ stotra ka sat bar path sambhav ho to pratah kal ek hi baithak men karen tatha ek bar uski falaprapti padhen. is prakar sat ya ikkis din tak karen. roj ful evan fal badlen aur pichle din vala ful chaibis ghante tak apni pustakon, daftar, tijori athva anya mahattvapurn jaghon par rakhen v bad men jamin men gad den. chaval ke dane roj ek patra men ekatra karen tatha anushthan ke ant men unhen pakakar gay ko khila den ya prasad rup men bant den. anushthan ke antim din bhagvan ko halve ka bhog lagayen. yah anushthan ho sake to shukla paksh men shuru karen. sanktkal men kabhi bhi shuru kar sakte hain.
striyon ko yadi anushthan ke bich men masik dharm ate hon to un dinon men anushthan band karke bad men fir se shuru karna chahie. jitne din anushthan hua tha, usse age ke din ginen. inka dhyan rakhen apne nae ya purane ghar men ghar ke khidki-darvaje is tarah hone chahie ki suraj ki roshni achchi tarah se ghar ke andar ae. droing rum men fulon ka guladasta lagaen. rasoi ghar men puja ki almari ya mandir nahin rakhna chahie. bedrum men bhagvan ke kailendar, tasviren ya fir dharmik astha se judi vastuen n rakhen. ghar men toylet ke bagal men devasthan nahin hona chahie. dipavli athva anya kisi shubh muhurt men apne ghar men pujasthal men vastudoshnashak kavach ki sthapna karen aur nitya iski puja karen. is kavach ko doshyukt sthan par bhi sthapit karke ap vastudoshon se sarlta se mukti pa sakte hain. apne ghar men ishan kon athva brahmasthal men sfatik shriyantra ki shubh muhurt men sthapna karen. yah yantra lakshmipradayak bhi hota hi hai, sath hi sath ghar men sthit vastudoshon ka bhi nivaran karta hai.
pratahkal ke samay ek kande par thodi agni jalakar us par thodi guggal rakhen aur un naraynay namah mantra ka uchcharan karte hue tin bar ghi ki kuch bunden dalen. ab guggal se jo dhumra utpann ho, use apne ghar ke pratyek kamre men jane den. isse ghar ki nakaratmak urja khatm hogi aur vatudoshon ka nash hoga. pratidin sham ke samay ghar man kapur jalaen isse ghar men maujud nakaratmak urja khatm ho jati hai. vastu pujan ke pashchat bhi kabhi-kabhi mitti men kinhin karnon se kuch dosh rah jate hain jinka nivaran karana avashyak hai. ghar ke sabhi prakar ke vastu dosh dur karne ke lie mukhya dvar par ek or kele ka vriksh dusri or tulsi ka paudha gamle men lagayen. dukan ki shubhta badhane ke lie pravesh dvar ke donon or ganpti ki murti ya stikar lagayen. ek ganpti ki drishti dukan par padegi, dusre ganpti ki bahar ki or. haldi ko jal men gholakar ek pan ke patte ki sahayta se apne sampurn ghar men chidkav karen. isse ghar men lakshmi ka vas tatha shanti bhi bani rahti hai apne ghar ke mandir men ghi ka ek dipak niyamit jalaen tatha shankh ki dhvani tin bar subah aur sham ke samay karne se nakaratmak urja ghar se bahar niklti hai.
ghar men utpann vastudosh ghar ke mukhiya ke lie kashtadayak hote hain. iske nivaran ke liye ghar ke mukhiya ko satmukhi rudraksh dharan karna chahie. yadi apke ghar ka mukhya dvar dakshinmukhi hai, to yah bhi mukhiya ke liye hanikarak hota hai. iske liye mukhya dvar par shvetark ganpti ki sthapna karni chahie. apne ghar ke puja ghar men devtaon ke chitra bhulakar bhi amne-samne nahin rakhne chahie isse bada dosh utpann hota hai. apne ghar ke ishan kon men sthit puja-ghar men apne bahumulya vastuen nahin chipani chahie. pujakaksh ki divaron ka rang safed, halka pila athva halka nila hona chahie. yadi jhadu se bar-bar pair ka sparsh hota hai, to yah dhan-nash ka karan hota hai. jhadu ke upar koi vajndar vastu bhi nahin rakhen. dhyan rakhen ki bahar se ane vale vyakti ki drishti jhadu par n pade. apne ghar men divaron par sundar, hariyali se yukt aur man ko prasann karne vale chitra lagaen. isse ghar ke mukhiya ko hone vali mansik pareshaniyon se nijat milti hai. ghar ke purvottar disha men pani ka kalash rakhen. isse ghar men samriddhi ati hai.
bedrum men bhagvan ke kailendar ya tasviren ya fir dharmik astha se judi vastuen nahin rakhni chahie. bedrum ki divaron par postar ya tasviren nahin lagaen to achghcha hai. han agar apka bahut man hai, to prakritik saundarya darshane vali tasvir lagaen. isse man ko shanti milti hai, pati-patni men jhagde nahin hote. vastu purush ki murti, chandi ka nag, tanba ka vayar, moti aur paula ye sab vastuen lal mitti ke sath lal kapde men rakhakar usko purva disha men rakhen. lal reti, kaju, paula ko lal kapdon men rakh kar manglvar ko pashchim disha men rakhakar uski puja ki jae to ghar men shanti ki vriddhi hoti hai. pravesh ki sidhiyon ki pratidin puja karen, vahan kunkum aur chaval ke sath svastik, mitti ke ghade ka chitra banaen. rakshogya sukt jap, hom, anushthan ityadi bhi karna chahie. om namo bhagvti vastu devtay namah. is mantra ka jap pratidin 108 bar aur kul 12500 jap karen aur ant men dashansh hom karen. vastu purush ki prarthana karen. dakshin-pashchim disha agar kat gai ho athva ghar men ashanti ho to pitrishanti, pinddan, nagbli, narayan bali ityadi karen. pratyek somvar aur amavasya ke din rudri karen.
ghar men ganpti ki murti ya chavi rakhen. pratyek ghar men puja kaksh bahut jaruri hai. navagrah shanti ke bina grih pravesh mat karen. jo makan bahut varshon se rikt ho usko vastushanti ke bad men upyog men lana chahie. vastu shanti ke bad us ghar ko tin mahine se adhik samay tak khali mat rakhen. bhandar ghar kabhi bhi khali mat rakhen. ghar men pani se bhara matka ho vahan par roj sanjh ko dipak jalaen. prati varsh grah shanti karaen kyonki ham apne jivan men bahut se pap karte rahte hain.