prashna: gobar se lep kyon? uttara: prathmtah to gobar shuchi (pavitra) padarth hai. fir vaigyanik use asankramak naen kandaktar mante hain. gobar men vidyut nirodhkarni shakti hai. manushya ke pranvayu niklne ke das dvar mane gaye hain. brahmarandhra (kapal) se pranvayu nikle to vyakti ka punarjanm nahin hota par yah saubhagya yogiyon evan nitya pranayam karne vale ishtabali vyaktiyon ko hi mil pata hai. am vyakti ka virya (oj) prayah nimnagami ho jata hai. manushya ko chitt litane se uske maladvar bhumi se sansarg kar jate hain tatha bhumi ki akarshan shakti pran aon ko chunbak ki tarah khinchakar gupt dvar se nikalti hai.
is durgati se bachne ke lie manav sharir v prithvi ke bich gobar ka lepan kiya jata hai. prashna: vigyan ne gobar men aur kaun se tattva svikar kiye hain? uttara: gobar men ‘faesfors’ namak tattva bahutayat se paya jata hai. yah tattva nanavidh sankramak rogon ke kitanuon ko nasht kar deta hai. vaigyanik anusandhanon se yah pata chalta hai ki gobar se bane gharon men parmanu bam ke ghatak kitanu bhi nishkriya ho jate hain, sarvekshan se yah bhi paya gaya hai ki akash se girne vali bijli gobar ke dher par girte hi vahin sama jati hai. jis prakar syahi sokh, syahi ke dhabbe ko sokhakar, use failne se rokta hai vaise hi gobar vidyut taran ko sokhne (pachane) ki kshamata rakhta hai. mrit sharir men kai prakar ke sankramak rogon ke kitanu hote hain.
mrityu ke samay upasthit kutunbi janon ke svasthya sanrakshan hetu bhi gobar ka chaika hona anivarya mana gaya hai. kushth rog men gay ka gobar labhkari hai. bandar ke kate ghav par gay ka garam gobar lagane se pira tatkal chu-mantar ho jati hai.e prashna: gomay ka prashan kyon? uttara: gomay men jivanu aur vishanu namak vishesh shakti hoti hai. itli ke daektar yahan tak salah dete hain ki ti. vi. senitoriyam men gomay rakha jae, kyonki ti. vi. ke kitanu iski gandh matra se mar jate hain. durgandh dur karne ke mamle men uttama-se-uttam finail bhi gomay ke samne fika par jata hai. gomay banaya gaya rang vikirnon ka rodhak sabit hua. sukhi khujli men gomay jadu-sa asar dikhlata hai.
khun kharabi, virya-dosh evan fore-fanusi men gomay ka prashan shighra prabhav deta hai. prashna: kush kyon bichate hain? uttara: kush shuchi (pavitra) hai tatha asankramak hai. kush (darbha) namak ghas sarvatra upalabdh bhi rahti hai. prashna: uttar disha ko sir kyon? uttara: vaise to jiv ko dakshin disha ki or panv karke evan uttar disha ko sir karke kabhi nahin sona chahiye parantu mrityu ki avastha men viprit acharan kyon? marnkalin sabhi vidhiyon ka mul siddhant yahi hai ki pranon ka utsarg dasham dvar se ho, pran udhrva hota hai. dakshin se uttar disha ki or nirantar chalne vala vidyut pravah kanpas yantra ki sui ki bhanti manushya ke niklte huye pranon ko nimnagami bana deta hai.
dhruvakarshan ki is prakriya ko rokne ke liye uttar ko sir aur dakshin ko panv karne ki pratha ki vyavastha marnkal men ki gai. prashna: antim samay men gangajal aur tulsi dal kyon? u. gangajal aur tulsidal tridoshaghn mahaushdhi hai. tulsi men parad v suvarn tattvon ka samavesh hai. gangodak men sarvarog kitanu-sanharini divya shakti hai. frans adi deshon ke vishisht aspatalon men filtar kiya gangodak anek namon se aushdhiyon ki tarah prayog men laya jata hai. tulsi v gangajal donon hi shuchi evan mokshadayak vastuen hain. antim samay men inse barhakar anya koi kalyan akari mahaushdhi nahin ho sakti.