16vin loksbha ka chunav kai mamlon men mahatvapurn hai tatha desh ki hi nahin pure vishva ki najren chunavon ke parinam par lagi hui hain. ek or jahan yah chunav rajnitik partiyane evan unke netaon ka bhavishya tay karega, vahin dusri taraf yah bhi saf ho jayega ki chunavon ke bad desh rajnitik sthirta evan arthik vikas ki or agrasar hoga athva us par asthirta evan nirasha ke badal chaye rahenge. chunav ayog dvara chunav ki tithiyon ki ghoshna ke sath hi desh men chunavi bigul baj gaya hai.
16vin loksbha ke lie 7 aprail 2014 se lekar 12 mai 2014 tak, nau charnon men matdan honge tatha 16 mai 2014 ko matgnna hogi. tab jakar kahin pata chalega ki janta janardan ne desh ki satta ki bagdor kise saunpi hai. ek taraf jahan kangres ki aguvai vala sanyukt pragtishil gathbandhan (yu. pi. e.) ki sarkar men bhavishya ko lekar nirasha evan hatasha hai vahin dusri or bhartiya janta parti evan uski aguvai vala rashtriya loktantrik gathbandhan (en. di. e.) narendra modi ke netritva men das salon bad satta men vapsi ki koshish kar raha hai. is bar ke chunav men paranprik partiyon yatha kangres, bhartiya janta parti, samajvadi parti, bahujan samaj parti, rashtriya janta dal, janta dal (sanyukta), si. pi. ai, si. pi. em., trinmul kangres, akhil bhartiya annadramuk, dramuk ityadi ke sath hi am admi parti ke rup men ek gair paranprik parti bhi chunav ke maidan men hai.
kuch mahinon pahle tak am admi parti evan uske neta arvind kejrival ko koi bhi ganbhirta se nahin le raha tha. lekin dilli vidhan sabha ke disanbar 2013 ke chunav men jabaradast saflta evan dilli men sarkar banane ke bad sabhi partiyan, isse sahmi kendra men agli sarkar bina unke samarthan ke ban nahin sakti. thik aisa hi dava kshetriya partiyan bhi kar rahi hain tatha unmen se kuch neta to pradhanmantri banne ka sapna bhi dekh rahe hain. chunavon ke samay aise dave karna koi nayi bat nahin hai. lekin in davon men kitni sachchai hai tatha agle ane vale chunav men kaun sa dal ya gathbandhan satta prapt karega ise ham jyotish ke aine se samjhne ka prayatn karenge. sarvapratham, ham svatantra bharat ki kundli ka vishleshan karte hain.
bharat ki kundli men vartaman men surya ki mahadsha chal rahi hai. chunav ke samay surya-budh ki dasha (julai 2013 se aprail 2014), taduprant surya-ketu ki dasha (mai 2014 se agast 2014) chalegi. surya men budh ki antardasha jahan achcha fal dene ka sanket kar rahi hai vahin surya men ketu ka antar ashubh sanket hai. bharat apni svatantrata ke 67 ven varsh men pravesh kar raha hai. ank vigyan ke anusar 67ven varsh (6$7=13 aur 1$3 = 4, jo ki rahu ka ank hai) par rahu ki chaya par rahi hai tatha am chunav 16vin lok sabha ke lie ho rahe hain yani 1$6 = 7 jo ki ketu ka nanbar hai.
atah is am chunav par chaya grahon rahu-ketu ka prabhav avashyanbhavi hai. gochar men chandra kundli ke anusar guru 12ven men, shani evan rahu chaturth men tatha ketu 10ven ghar men sabhi ashubh hain. chaitha evan 10van ghar chaya grahon se pirit hai. faltah 16vin lok sabha bhi vigat loksbha ki bhanti trishanku parinam vali hogi. kisi ek dal ko purn bahumat nahin milne ki ummid hai. chunav men kahin-kahin hinsa ki ghatnayen bhi dekhne ko mil sakti hain. surya-ketu ki dasha men jo chunav honge arthat 07 aur 12 mai 2014 ke chunavon ke dauran vishesh rup se hinsak paristhitiyan dekhne ko mil sakti hain
tatha kisi mahatvapurn neta (vi. ai. pi) par pranaghatak hamla ho sakta hai. atah is avdhi men suraksha balon ko vishesh satark rahne ki jarurat hai. ab ham bhartiya janta parti ki kundli ka vishleshan karenge. bhajpa ki kundli mithun lagn ki hai. ismen surya men rahu ki antardasha (disanbar 13 se aktubar 2014) chal rahi hai. surya tritiya ghar ka svami hokar dasven rajyabhav men majbut hokar baitha hai. surya rajya karak grah bhi hai tatha rahu tisre ghar men upachay sthan men baitha hai jo ki shubh hai. chandra lagn se bhajpa ki kundli bahut sashakt hai. ismen rahu dasven ghar men guru, shani aur mangal ke sath baitha hai. surya 10ven ghar ka malik hokar pancham bhav men baitha hai jo ki ati uttam hai.
gochar men, guru athven men ashubh tatha shani evan rahu 12ven ashubh hai. chathe bhav men ketu shubh hai. dhyan dene yogya vishesh tathya yah hai ki svatantra bharat evan bhartiya janta parti, donon ki kundli men vartaman men surya ki mahadsha chal rahi hai. yah is bat ka sanket karta hai ki bhajpa shasak dal ke rup men matdataon ki pahli pasand hogi. ise apne ap men purn bahumat to prapt nahin hoga lekin ise kangres dvara pichli lok sabha men prapt siton se jyada siten prapt hogi (kangres parti ki 15vin lok sabha men 206 siten thi) tatha apne sahyogi dalon ke sath milakar arthat rashtriya loktantrik gathbandhan (en. di. e.) agla sarkar banane men kamyab hoga.
agli kundli bhajpa ke neta aur pradhanmantri pad ke davedar narendra modi ki hai. modi ki kundli bahut hi sashakt hai. lagn men chandra mangal ki yuti hai. chandrama 9ven ghar ka malik hai tatha mangal lagnesh hai. in donon grahon ki yuti se ‘raj yog’, ‘‘nichbhang rajyog’ tatha mangal ki svarashi vrishchik men ‘upasthiti se ‘ruchak mahapurush yog’ ban raha hai. is vajah se narendra modi sadharan parivar men paida hokar bhi satta ki bulandiyon ko chune men kamyab hue hain. mangal unhen nirbhikta, sahas, parakram tatha akramkta paryapt rup men pradan kar raha hai jiska istemal ve apne virodhiyon se niptne men karte rahe hain jiski jhalak hamen unke bhashnon men dekhne ko milti hai visheshakar tab jab vah kangres parti ko apna nishana banate hain.
lagn evan chandra se chaithe baitha guru ek anya khubsurat yog ‘‘gajkesri yog’’ ka nirman kar raha hai jo vyakti ko sanpannata, prasiddhi evan lokapriyata pradan karta hai. yahi karan hai ki modi aj itne lokapriya, safal evan prasiddh hain. vartaman men inki kundli men, chandra men guru ki antardasha chal rahi hai. chandrama 10ven rajya bhav ka svami hokar dusre ghar men svarashigat mangal k sath baithakar ‘‘nich bhang rajyog’’ bana raha hai tatha guru panchven ghar men baitha hai jo ki shubh hai. narendra modi 64ven varsh men pravesh kar rahe hain.
(6$4= 10 = 1 jo ki surya ka nanbar hai). surya rajya karak evan satta pradan karne vala grah hai. atah bahut jyada sanbhavna hai ki modi is sal hone vale am chunav ke bad pradhanmantri banenge. ab ham kangres parti ki kundli ka adhyayan karte hain. kangres ki dhanu lagn ki kundli hai. vartaman men kundli men rahu men guru ki antardasha chal rahi hai jo jun 2015 tak chalegi. guru lagnesh hokar 11ven labh bhav men iske malik shukra ke sath baitha hai jo ki shubh hai. lekin rahu kundli ke lie shubhkarak grah nahin hai. gochar men, lagn men ketu, tisre men guru tatha shani evan rahu satven ghar men hai. atah ye sare grah ashubhkari prabhav dene vale hain. lagnasth ketu evan saptam men rahu, shani ki yuti bahut jyada ashubh fal dene ka sanket deti hai.
faltah kangres parti ko is bar lok sabha chunavon men munhki khani paregi. iski 16vin lok sabha men siton ki sankhya ab tak pichli sabhi loksbhaon men prapt siton ki sankhya se kahin kam hogi. atah parti ko chunavon ke bad vipaksh men baithna parega. ab ham kangres ke upadhyaksh rahul gandhi ki kundli lete hain. inki mithun lagn ki kundli men chandrama men budh ki antardasha (farvri 2013 se jun 2014) chal rahi hai. chandrama dusre ghar ka svami hokar chathe, pap prabhav men nich rashi men hai tatha budh lagnesh hokar 12ven sthan men hai jo ki jyotish men kshay sthan ke nam se jana jata hai. atah yah samay inke lie pratikul hai.
gochar men, guru athven men tatha shani evan rahu 12ven men ashubh hain. keval ketu chathe bhav men shubh hai. is prakar gochar men bhi adhikansh grah viprit fal dene ka sanket dete hain. rahul gandhi 44ven varsh men chal rahe hain. 44 = 4$4 = 8, jo ki shani ka nanbar hai. shani inki kundli men nich ka hokar 11ven bhav men baitha hai. aisa shani hani karne ka sanket deta hai. atah vartaman men samay viprit hone ki vajah se rahul gandhi ki 16vin loksbha ke chunavon men nirashajanak parinam dekhne ko milega. inke netritva men kangres parti ka pradarshan bahut jyada kharab hone ki sanbhavna hai.
atah parti ko chunavon ke bad vipaksh men baithna parega. ab ham am admi parti ke neta arvind kejrival ki kundli lete hain. inki kundli men chandrama tritiyesh hokar lagn men uchch rashi men baitha hai tatha lagnesh shukra chaithe bhav men uske svami surya ke sath baitha hai. chaithe ghar men surya aur budh ki yuti ek sath ‘‘raj yog’’ evan ‘‘buddhaditya yog’’ bana rahi hai. chandrama se guru kendra men hone se khubsurat ‘‘gajkesri yog’ bhi ban raha hai.
kundli men mangal evan shani apne nich sthan men baithe hain lekin donon ka nich bhang hokar ‘‘nich bhang rajyog’’ ban raha hai. in sab yogon ki vajah se arvind kejrival ne choti umra men hi asadharan lokapriyata evan saflta arjit ki hai. vartaman men inki kundli men, guru men shukra (julai 2012 se farvri 2015) ki antardasha chal rahi hai. guru evan shukra donon hi shubh grah hain, prabhavkari hain. is prakar inka samay vishesh rup se shubh hai jiski vajah se ye apni parti ke kuch netaon ko chunav men jit hasil kara kar 16vin loksbha men bhejne men kamyab honge.
is prakar am admi parti 16vin loksbha men apni upasthiti darj kara pane men kamyab rahegi. yah bhi sanbhav hai ki inke netritva men am admi parti ek kshetriya parti se upar uthakar rashtriya patrri ka darja hasil kar le jisse arvind kejrival ka kad rajnaitik rup se aur bara ho jayega. parantu inke dave ke viprit, agli sarkar ke gathan men inki parti ki koi bhumika nahin hogi. ant men is jyotishiya vishleshan ka nishkarsh yah hai ki is am chunav men bhartiya janta parti sabse bari parti banakar ubhregi tatha apne sahyogi dalon ke sath milakar (en. di. e. ke ghatak dalon ke sath) narendra modi ke netritva men sarkar banane men kamyab hogi. bhajpa ke kuch neta jo yah sochte hain ki vanchit siton ki sankhya n mil pane ki sthiti men ve am ray se ya samjhaute ke ummidvar ke rup men pradhanmantri pad prapt kar sakte hain, unhen nirasha hath lagegi kyonki matdataon ka mat spasht rup se narendra modi ke paksh men hoga. faltah vahi desh ke agle pradhanmantri banenge.
chunav parinamon se kshetriya dal ke netaon, akhil bhartiya annadramuk ki neta sushri jayllita, trinmul kangres ki neta sushri mamta banarji, biju janta dal ke neta navin patnayak, telangana rashtra samiti ke adhyaksh ke. chandrashekhar rav tatha vai. es. ar kangres ke neta jagnmohan reddi ko chorakar anya sabhi ko nirash hona parega arthat chunavon ke bad unki siten pahle se kam ho jayengi. atah unka pradhanmantri banne ka sapna sakar nahin ho sakega. han, am admi parti ke kshetriya dal se upar uthakar rashtriya parti ka darja hasil karne ki sthiti men parti ke neta arvind kejrival ka rajnaitik kad jarur barh sakta hai.