mahamhim pranab mukharji: shri pranab mukharji ko dusra karyakal nahin milega. vartaman men unki janmakundli men vinshottari dasha men shani ki dasha men mangal ke antar men chandrama ka pratyantar rahega jo unhen dubara rashtrapti n banne ki ichcha prakat karaega. ve svasthya aur bari umra ka havala dekar seva mukt hona chahenge. manniya shri mohan bhagvtah vartaman men mohan bhagavat ji ke grah gochar men shani, mangal, brihaspati, rahu, ketu achchi sthiti men nahin hain. vinshottari dasha men brihaspati ki dasha men budh ka antar aur rahu ka pratyantar achcha nahin hai. unke pas ek bara pad hai ve rashtrapti nahin ban sakte hain.
grah yog is samay unko koi naya pad nahin denge ve rashtrapti nahin banenge. shri amitabh bachchana: inki janmakundli bahut shaktishali hai ismen kai raj yog bhi hain lekin julai 2017 men rahu-ketu mul janm ki sthiti men hain. vinshottari dasha men shukra ki dasha hai jo apni nich rashi men hai atah ye bhi rashtrapti nahin ban paenge. ratan tata: inke grah yog achche nahin hain. vinshottari dasha men surya ki dasha chal rahi hai. antar pratyantar achcha nahin hai. grah gochar men shani, rahu, ketu, brihaspati achche nahin hanai, ye bhi rashtrapti nahin ban sakte hain. en. ar. naraynmurti: inke grah yog achche hain, lekin rajyog karak shani ke antar men shukra ka pratyantar achcha nahin hai.
grah dashaen chunav ke samay achchi nahin hain. ye bhi rashtrapti nahin ban sakte. rajnikant: chunav ke samay grah yog, gochar ke shani evan rahu-ketu achche nahin hain. ye bhi rashtrapti nahin ban sakte hain. shri lal krishn advani: chunav ke samay inki dasha, antardasha achchi nahin chal rahi hai atah inka bhi rashtrapti banna asanbhav hai. dae. murli manohar joshi: inke grah yog achche nahin hain. ye bhi rashtrapti nahin ban sakte hain. draupdi murmu: inke grah yog achche nahin hain atah ye bhi rashtrapti nahin ban sakti hain. vyay ke gochar ka shani avrodhak hai. shrimti sushma svaraj: shrimti svaraj ki kundli men bhi vibhinn rajyog hain.
bahut prabhavshali janmapatri hai lekin julai 2017 men budh ki dasha men rahu ke antar men budh ka pratyantar achcha hai, lekin gochar men grah yog achche nahin hain. inhen gochar ke rahu ketu rashtrapti nahin banne denge. shri venkaiya naydu: 2000 se 2002 men bhajpa ke rashtriya adhyaksh rah chuke hain. ye bhagya ke dhani hain. inki janmakundli men kai rajyog hanai. ye jivan ke sabse achche samay se gujar rahe hain. ye bhajpa ke varishth netaon men se ek hain. ye yogkarak shani aur budh ki dashaon se gujar rahe hain. agar ye rashtrapti ban jaen to ashcharya nahin hoga. bhartiya rajniti men sanpurn vipaksh milakar ek sanyukt ummidvar bhi utar sakta hai jiski sanbhavna hai.
ve bhi is shodh men sammilit kiye gae hain jo is prakar se hain: shri sharad pavar: inki janmakundli men kai rajyog hain lekin inka rajyog ab samapt ho gaya hai. inhen is samay koi bara pad nahin mil sakta hai. julai men jab rashtrapti chunav honge us samay inki shani ki vinshottari dasha aur brihaspati ke antar men shukra ka pratyantar rahega. inka shani apni nich rashi men vakri hai. brihaspati chathe ghar men chandrama ke sath gajkesri yog bana raha hai. shani, rahu, ketu gochar men achcha nahin. kshetravad bhi chalega lekin sab kuch ke bad bhi ve rashtrapti nahin ban paenge. shrimti mira kumar: inke grah yog bhi julai 2017 men achche nahin hain.
vinshottari dasha tatha grah gochar is samay achche nahin hai. atah ye bhi rashtrapti nahin banengi. nishkarsha: julai 2017 men hone vale chunav men sanbhavit rashtrapti ke ummidvaron ki sabhi janmakundliyon ka adhyayan karke satta paksh aur vipaksh se juri janmakundliyon ke grah, dashaon, julai 2017 ke gochar ke adhyayan aur jyotishiya vishleshan se gyat hua ki shri venkaiya naydu ke grah, nakshatra, gochar sabhi sanbhavit ummidvaron se achche hain atah inka rashtrapti banna tay hai. vishesh: yah lekh ‘jyotish ek vigyan hai’ is satya ko siddh karne ke uddeshya se likha gaya hai. iska kisi bhi sanstha aur vyakti se koi sanbandh nahin hai aur n hi sanbandh jorakar ise dekha ya parha jaye.