kisi bhi jatak ya niveshak ko sheyar bajar men padarpan karte samay sabse pahle yah dekhna chahiye ki kya jatak ki janm kundli men sheyar bajar se dhan labh ke yog hain ya nahin. yadi ye yog vidyaman hain to jatak ko dhani banne se koi nahin rok sakta aur yadi ye yog vidyaman nahin hain to sheyar bajar men nivesh karne se hani hi hogi. taknik v jyotish ka ek sath prayog kar sabse jyada khatre vale bajar se fayda liya ja sakta hai. sheyar bajar se labh kamane ke yog kisi bhi janm kundli men dvitiya, pancham, ashtam v ekadash bhav dhan se sanbandhit hote hain.
navam bhav bhagya ko batata hai. tritiya, shashth v dvadash bhav hani se sanbandh rakhte hain. grahon men guru v rahu-ketu bhi sheyar bajar se labh ke karak hain. dhan ke grah guru v juye adi se ay ke grah rahu kendra v trikon men sthit hon ya kendresh ya trikonesh se yuti karte hon to sheyar bajar se dhan labh hota hai. udaharan ke liye yadi sati (13 julai 1985, 06ah34, kanpur) ki kark lagn ki janm kundli par vichar kiya jay to yah spasht pratit hota hai ki dhan ka karak guru v sheyar bajar ka karak rahu donane grah kendra men sthit hain aur rahu to lagnesh chandrama ke sath hi hai. labhesh bhi svarashi men hai. in yogon ke falasvarup hi jatika ne sheyar bajar men niveshak ke taur par lakhon rupye kamaye. pancham, navam v ekadash bhav ke svami kendra ya trikon men sthit hon v shubh grahon se yukt hon to sheyar bajar labh deta hai.
udaharan ke liye mahindra (22 sitanbar 1989, 19ah05, dilli) ki min lagn ki janm kundli ko dekha jay to ham pate hain ki panchmesh chandrama, navmesh mangal v ekadshesh shani ye tinon grah kendra men sthit hain aur shubh grah guru se bhi sanbandh banaye huye hain. isi karan jatak ne choti umra me hi sheyar bajar se kafi achcha paisa kamaya hai. ekadash bhav ka ketu laetri, jua ya sheyar bajar se dhan labh karvata hai. udaharan ke liye ramesh vyas (05 janvri 1969, 04ah00, gudganv) ki vrishchik lagn ki janm kundli se pata chalta hai ki ekadash bhav men ketu sthit hai aur uski panchmesh guru se yuti bhi hai. iske atirikt navmesh yani bhagyesh chandrama bhi svarashisth hai. jatak kai salon se sheyar bajar ka ek kamyab niveshak hai. sarvashtak varg men yadi pancham, navam v ekadash bhavon men adhik shubh bindu (28 ya adhik) hain
to sheyar bajar men punji lagayi ja sakti hai. udaharan ke liye sandip bahal (18 janvri 1977, 08ah10, amritsr) ki makar lagn ki janm kundli men yadi sarvashtak varg ke shubh bindu dekhe jay to ham pate hain ki pancham bhav men 29, navam bhav men 30 v ekadash bhav men 31 bindu hain jiskaran jatak ne sheyron men nivesh kiya aur karoron rupye kamaye. pancham, navam v ekadash bhavasth grahon v pancham, navam v ekadash bhaveshon v ashtamesh ki dasha, antardasha men sheyar bajar se labh hota hai. udaharan ke liye yadi uprokt sandip bahal (18 janvri 1977, 08ah10, amritsr) ki makar lagn ki kundli ko hi dekhen to farvri 2000 ke bad jatak ne ek sal ke andar hi andar sheyar bajar se bahut labh kamaya tha. tab jatak par surya ki mahadsha men shukra ki antardasha chal rahi thi. yahan surya ashtamesh hokar lagn men sthit hai aur lagnesh shani se bhi drisht hai.
ashtam bhav se bhi sheyar bajar ka labh liya ja sakta hain. shukra yahan raj yog karak hokar dhan ke dvitiya bhav men sthit hai aur us par akasmik dhan karak rahu ki kendra se drishti bhi hai. gochranusar yadi guru v rahu shubh sthanon men bhraman kar rahe hain to sheyar bajar se saflta milti hai. udaharan ke liye punah yadi uprokt sandip bahal (18 janvri 1977, 08ah10, amritsr) ki makar lagn ki janm kundli ko hi dekha jay to jatak ne farvri 2000 se sheyar bajar se kafi dhan kamaya tha. us samay guru grah ka gochar mesh rashi se tha jo ki jatak ke chaturth bhav men sthit hai. rahu ka gochar kark rashi se tha jo jatak ke saptam sthan men sthit hai.
spasht hai ki guru v rahu ka gochar shubh sthanon se hone ke karan jatak ko sheyar bajar ka labh mila. ashtamesh bhi yadi ketu ke sath dvitiyasth ho to laetri v sheyron se labh milta hai. udaharan ke liye yu.vi. prasad (24 janvri 1967, 23ah07, dilli) ki kanya lagn ki kanudli ko dekhen to ham dekhte hain ki ashtamesh mangal hai jo ketu ke sath dvitiya bhav men sthit hai. iske atirikt lagnesh budh v navmesh shukra ki pancham bhav men yuti bhi hai. inhin yogon ke karan hi jatak ko sheyar bajar bahut bhaya aur usne khub dhan kamaya. janm chandrama kisi bhi tarah se pirit hone par jatak bhavnatmak rup se sheyar se jur jata hai aur dimag se faisle kam kar pata hai. us avastha men sheyar bajar men nuksan hone ki avastha men uske kuch kar gujrne ki bhi ashanka rahti hai. atah janm chandrama ka bali hona bhi ati avashyak hai. krishn paksh ki ashtami se shukla paksh ki ashtami tak chandrama bali kaha jata hai.
ashubh grahon ka chandrama par prabhav n hone se bhi chandrama bali hota hai. udaharan ke liye vasundh ara (05 jun 1978, 19ah25, faridabad) ki vrishchik lagn ki kundli men halanki navmesh chandrama uchch ka hokar saptam bhav men sthit hai parantu ashtamesh budh se yuti men hai, ekadash bhav ke rahu se drisht hai aur dasham bhav ke shani se drisht hai jis karan jatika ka chandrama ati pirit avastha men hai. jatika ko sheyar bajar se dur rahna chahiye tha lekin dh an kamane ki lalsa men jatika ne pati se chupakar v bajar se udhar lekar lakhon rupyon ke sheyron ka len den kar dala jismen jatika ko bahut bare star par dh an hani hui aur jise vo sahan nahin kar payi aur agast 2013 men usne atmahatya kar li. guruvar ka din sheyar kharidne ke uddeshya se labhdayak rahta hai. iske bad budhvar, shukravar v somvar ate hain jis din sheyar bajar men nivesh kiya ja sakta hai.
kuch savdhaniyan sheyar bajar men nivesh karte samay yadi chandrama ka gochar ashtam bhav se ho to un dinon men sheyar bajar men nivesh se bachna chahiye. jatak ke janm nakshatra se tisre, panchven ya satven nakshatra se yadi chandrama ka gochar ho to bhi nivesh nahin karna chahiye. lanbe samay ke nivesh ke liye manglvar ko sheyar nahin kharidna chahiye. jin logon ne sheyar bajar se labh kamaya hai, unki janm kundliyon ke anusar unki shubh dasha v antardasha chal rahi hoti thi.
atah niveshak ko bhi uchit samay yani shubh dasha antardasha ka intjar karna chahiye. apne isht devta ki aradhna karna nahin bhulna chahiye. (is lekh ka uddeshya pathkon ko keval sheyar bajar v jyotish ka sanbandh samjhana bhar hai. kisi bhi nivesh se labh ya hani hone ka sanbandh lekh se nahin jora jana chahiye.)