shastron ke anusar grahon ka manav sharir par kisi n kisi rup men prabhav parte hain. ye prabhav pratikul ya anukul ho sakte hain. manav ki sabhi kriyaen, kamobesh, in grahon ke dvara sanchalit hoti hain. nau grahon men kis grah ki mahadsha aur antardasha men naukri milegi iska vistrit vivaran yahan prastut hai.
1. lagn ke svami ki dasha aur antardasha men
2. navmesh ki dasha ya antardasha men 3. shashthesh ki dasha ya, antardasha men
3. pratham, shashtham, navam aur dasham bhavon men sthit grahon ki dasha ya antardasha men
4. rahu aur ketu ki dasha, ya antardasha men
5. dashmesh ki dasha ya antardasha men
6. dvitiyesh aur ekadshesh ki dasha ya antardasha men pahle niyam men lagnesh ki dasha ya antardasha ka vichar kiya gaya hai. iska mukhya karan yah hai ki lagn sharir mana jata hai.
navam bhav bhagya ka bhav mana jata hai. bhagya ka balvan hona ati avashyak hai. atah navmesh ki dasho ya antardasha men bhi naukri mil sakti hai. chatha bhav pratiyogita ka bhav mana jata hai. dasham bhav se navam arthat bhagya aur navam bhav se dasham arthat vyavsay ka nirdesh karta hai, atah shashthesh ki dasha ya antardasha men bhi naukri mil sakti hai. jo grah pratham, shashtham, navam aur dasham men sthit hon ve bhi apni dasha, ya antardasha men naukri de sakte hanai. jivan ki koi bhi shubh ya ashubh ghatna rahu aur ketu ki dasha ya antardasha men ghatit ho sakti hai. yah ghatna rahu ya ketu ka sanbandh kisi bhav se kaisa (shubh ya ashubh) hai is par nirbhar karti hai. dasham bhav vyavsay ka bhav mana jata hai. atah dashmesh ki dasha ya antardasha men naukri mil sakti hai. ekadash bhav dhan labh ka aur dusra dhan ka mana jata hai.
atah dvitiyesh aur ekadshesh ki dasha ya antardasha men bhi naukri mil sakti hai. grahon ka gochar bhi mahatvapurn ghatna men apna yogdan deta hai. gochr: guru gochar men dasham ya dashmesh se naukri milne ke samay kendra ya trikon men hota hai. -agar jatak ka lagn mesh, mithun, sinh, vrishchik, vrish, ya tula ho, to jab bhi shani aur guru ek-dusre se kendra, ya trikon men hon, to naukri mil sakti hai, arthat naukri milne ke samay shani aur guru ka ek-dusre se kendra ya trikon men hona ati avashyak hai. -naukri milne ke samay shani ya guru ka ya donon ka dasham bhav aur dashmesh donon se ya kisi ek se sanbandh hota hai. - naukri milne ke samay shani aur rahu ek-dusre se kendra ya trikon men hote hain. -naukri milne ke samay jis grah ki dasha aur antardasha chal rahi hai uska sanbandh kisi tarah dasham bhav ya dashmesh se ya donon se hota hai.
udaharan ke lie yahan kuch kundliyan prastut hain. udaharan 1: jatak ka janm 7.5.1976 ko hua. bhogya dasha budh ki 5 varsh 8 mahina 3 din hai. 10.1.1989 se shukra ki mahadsha chal rahi hai. 10.5.1993 se 10.1.1995 tak shukra ki dasha men chandrama ki antardasha rahi. jatak ko naukri jun, 1994 men mili. dashmesh shukra navam bhav men baitha hai. yah niyam 4 tatha 6 ko satya sabit kar raha hai. antardasha svami chandrama dvadash bhav ka svami hokar dvadash men baitha hai. antardasha svami batae gaye kisi niyam ko satya sabit nahin kar raha hai. naukri milne ke samay guru (vakri) tritiya bhav men tatha shani saptam bhav men baitha tha. rahu bhi tritiya bhav men baitha tha. gochar ke pratham niyam ke anusar naukri milne ke samay guru dasham bhav ya dashmesh se kendra ya trikon men hona chahie. us samay guru tritiya bhav men tha jo dashmesh shukra se kendra men hai. guru vakri hone ke karan dasham se trikon men hai. jatak ka janm sinh lagn men hua. naukri ke samay guru tritiya bhav men tatha shani saptam bhav men hai jo ek-dusre se trikon meen hain.
is prakar gochar ka dusra niyam satya sabit hua. gochar men shani saptam bhav men dashmesh shukra par drishti dal raha hai aur tritiya bhav se guru shukra ko dekh raha hai. yah gochar niyam tin ko satya sabit kar raha hai. rahu tritiya bhav men tatha shani saptam bhav men gochar mane hain jo ek-dusre se trikon men hain. yah gochar niyam char ko satya sabit kar raha hai.
udaharan 2: jatak ka janm 16.4.1969 ko hua. janm ke samay ketu ki bhogya vinshottari dasha 6 varsh 9 mahina 5 din hai. jatak ko naukri farvri 2000 men mili. surya ki mahadsha 21.1.1996 se aranbh hui. naukri ke samay surya ki dasha aur budh ki antardasha thi. dashmesh surya shashth bhav men baitha hua hai. ekadshesh budh shashth bhav men baitha hua hai. niyam 6 aur 7 tatha 4 satya sabit hua. naukri milne ke samay shani aur guru gochar se chathe bhav men dashmesh ke sath baithe hanai. yah gochar niyam pratham ko satya sabit kar raha hai. jatak ka lagn vrishchik hai aur gochar men shani aur guru ek sath arthat ek-dusre se kendra men hain. gochar niyam 2 satya sabit hua. gochar se naukri milne ke samay rahu navam bhav men hai, jo gochar shani se kendra men hua. gochar niyam 4 satya sabit hua. dashmesh surya budh ke sath chathe bhav men hai. is prakar dashanath surya aur antardashanath budh ka parasparik sanbandh hua. gochar niyam panch satya sabit hua.
udaharan 3: tisri kundli ke anusar jatak ka janm 26.5.1963 ko hua. guru ki vinshottari dasha 13 varsh 2 mahina 26 din hai. jatak ko naukri 1994 men shani mahadsha aur guru ki antardasha men mili. upar bataye gaye niyam kark lagn vali kundli par lagu nahin honge. gochar ke niyam bhi is par lagu nahin honge. ye niyam sirf usi kundli par purnatah lagu hanege jiska lagn mesh, vrish, mithun, sinh, vrishchik ya tula hai. kundli 3 men lagn kark hai.
shani saptam aur ashtam ka svami hokar saptam bhav men baitha hai. guru shashth aur navam ka svami hokar bhagya sthan men baitha hai. shashthesh aur navmesh ki dasha ya antardasha men naukri milti hai jaisa ki dvitiya aur tritiya niyamon men ullekh kiya gaya hai. parantu is kundli ke sath apvad hai. gochar ke drishtikon se dekhen. naukri milne ke samay shani ashtam bhav men aur guru pancham bhav men baitha hai. rahu bhi pancham bhav men baitha hai. gochar ke pratham tatha dvitiya niyam satya sabit ho rahe hanai.
udaharan 4: jatak ka janm 13.9.1947 men sinh lagn men hua. ketu ki bhogya vinshottari dasha 6 varsh 29 din hai.
jatak ko naukri shukra ki dasha aur mangal ki antardasha men mili. shukra dashmesh hokar lagn men baitha hai aur mangal navmesh hai. dashanath aur antardashanath dvitiya aur shashth niyam ko satya sabit kar rahe hanai. gochar ke drishtikon se naukri milne ke samay shani aur guru donon pancham bhav men baithee hain. rahu bhi gochar se lagn men baitha hai. dasham bhav ka svami shukra lagn men baitha hai aur pancham men baitha guru use dekh raha hai. rahu aur shani ek-dusre se trikon men han. antardasha svami mangal ekadash bhav men hai jis par pancham men baithe shani aur guru ki drishti hai. dashmesh shukra aur gochar ka guru ek-dusre se trikon men virajman hain. is prakar gochar ke pratham, dvitiya, tritiya aur chaturth niyam satya sabit ho rahe hanai.
udaharan 5: jatak ka janm 18.3.1967 ko tula lagn men hua. janm ke samay mangal ki vinshottari dasha 5 varsh 11 mahina 15 din hai. jatak ko naukri navanbar, 1999 men mili. us samay guru ki mahadsha aur shukra ki antardasha chal rahi thi. tritiya tatha chathe bhav ka svami guru vakri hokar dasham bhav men baitha hai. ashtam aur lagn ka svami hokar shukra saptam bhav men baitha hai. isse pratham tatha tritiya niyam satya sabit ho rahe hain. ab gochar par dhyan den. navanbar, 1999 men guru aur shani donon vakri hokar saptam bhav men baithe hanai. gochar ka rahu dasham bhav men baitha hai. shani ke vakri hone ke karan gochar ka rahu aur shani ek-dusre se trikon men hain. vakri guru gochar se dasham se dasham arthat saptam bhav men baitha hai. is prakar ham dekhte hain ki gochar ke pratham, dvitiya, tritiya aur chaturth niyam satya sabit ho rahe han. in kundliyon ke atirikt aur bhi anek kundliyon par uparyukt niyamon ko lagu karke dekha gaya jo 90 pratishat tak satya sabit hue hain.