kab hoga vivah? prashna: kaise janen vivah kab hoga evan vaivahik jivan kaisa rahega? sukhi vaivahik jivan evan sanbandh vichched hone vale jyotishiya yog kaun-kaun se hain? vaivahik jivan ko sukhi banane hetu kya-kya upay kie ja sakte hain ? lagn chakra ke adhar par kisi ka vivah kab hoga, yah janne ke lie bhartiya jyotish ke anusar janm kundli ke pratham, dvitiya, saptam aur navam bhavon ka vichar kiya jata hai. matantar se in bhavon ke atirikt chaturth, pancham aur dvadash bhavon ka vichar bhi kiya jata hai. saptam bhav in sab men pradhan mana gaya hai. saptam bhav, usmen sthit grah, saptam bhav par parne vali shubhashubh grahon ki drishti adi ka vichar vivah kal janne ke lie kiya jata hai. vivah ke samay ka akalan karne ke lie vinshoÿari dasha, gochar, ganitiya paddhati adi ka vichar kiya jata hai. vinshoÿari dasha ke adhar par: saptamesh ki ya saptam sthan men virajman grah ki athva saptam bhav par drishti rakhne vale grah ya grahon ki dasha bhukti kal men vivah hone ki asha rahti hai. chandra, guru athva shukra ki dashaon men bhi vivah ho sakta hai. saptamesh jis rashi men baitha ho uske svami grah ki dasha men vivah ho sakta hai. dvitiyesh ki dasha men athva dvitiyesh jis rashi men sthit ho uske svami ki dasha men vivah hota hai. saptamesh rahu ya ketu se yut ho to inki dasha bhukti men vivah hota hai. navmesh aur dashmesh ki dasha men vivah hota hai. vivah ka samay gochar ke adhar par: vivah ke samay ka anuman lagane ke lie arthat vivah kal janne ke lie vivah ki ayu hone par us samay ki gochar grahon ki sthiti ke adhar par lagnesh, saptamesh, brihaspati aur shukra ka vichar kiya jata hai. jab guru gocharavash saptam bhav vali rashi athva us rashi se panchvin ya nauvin rashi athva janmakalik shukra jis rashi men sthit ho us rashi mane bhraman kar raha ho, tab vivah hota hai. vivah yogya ayu hone par us samay gocharasth shani aur guru janm lagn aur lagnesh, saptam bhav aur saptamesh ko nimn sthitiyon men se kisi ek ko dekh rahe hon to vivah hota hai- saptam (jaya) sthan aur janm lagn ko. saptamesh aur lagnesh ko. saptam sthan aur lagnesh ko. saptamesh aur janm lagn ko. shani ka gochar lagabhag 30 mas ya dhai varsh ek rashi par rahta hai. shani ki aisi 30 masiya prati rashi ki gochar avdhi men 12 ya 13 mah ke lagabhag ka samay aisa ata hai jab shani-guru purvokt char binduon men se kisi ek bindu men darshae gae bhav evan bhavesh par drishti rakhakar unhen bal pradan karte hain. is tarah sthul rup men lagabhag ek varsh ya isse bhi kam avdhi men vivah hone ki sanbhavna rahti hai. guru ka gochar kal terah mas ka hota hai jo madhya ke do mahinon men apna shubhashubh fal pradan karne men samarth hota hai. is tarah guru ka gochar kal 390 dinon ka (30ga13=390) hua jiske madhya vale 60 din arthat 166ven din se lekar 225 ven din tak (165$60$165=390) guru shubh fal dene men samarth hota hai. is avdhi men vivah ho sakta hai, basharte guru ke gochar vale madhya ke ye 60 din vivah vihit mas men parte hon. guru ke gochar ki vivah hetu sukshm ganna: trayodash masik guru ke gochar kal ki ukt avdhi jismen guru nimn binduon men darshae gae janm kalik grah vishesh aur bhav vishesh donon ke sath yuti kare athva drishti un par dale tab jatak ke vivah hone ki purn sanbhavna rahti hai- janm kanudli ka pancham bhav aur panchmesh. janm kundli men virajman shukra aur panchmesh. janm kundli ka navam evan navmesh. janm kundli ka pancham evan navam bhav aur panchmesh evan navmesh. vivah vishayak prashn ka uÿar pane ke lie janmapatrika ke pratham, pancham, navam, ekadash evan tritiya bhavon se vichar karte hain. saptam bhav se saptam bhav pratham bhav ya lagn hota hai. saptam bhav se pancham bhav ekadash aur saptam bhav tritiya hota hai. atah ye tinon sthan var-kanya ke lie trikon tulya hote hain. jab lagnesh, saptamesh aur kalatra karak shukra ka gochar upar varnit kisi bhi ek bhav par ho tab vivah hota hai. lagnesh adi ke spasht rashi anshon ke jor ke adhar par: ank ganitiya sutra se vivah kal ka akalan, guru grah ke gochar par se lagnesh, saptamesh, chandra aur shukra ke rashi anshon ke jor se prapt rashi se 5 vin ya 9 vin rashi par guru ke gochar men ane par nimn rup men kiya ja sakta hai- shukra, janm lagnesh aur saptamesh-in tinon grahon ke spasht rashi anshon ko paraspar jodane. jorne par yadi yog 12 se jyada ho to usmen 12 rashiyan ghata deni chahie. shesh rashiyon aur anshon ke adhar par jo rashi prapt ho usse panchvin ya nauvin rashi men jab guru gochar kare tab vivah hoga. lagnesh evan saptamesh ya saptamesh aur chandra ke spasht rashi anshon ke yog dvara purvokt bindu kramank ek men darshai gai vidhi se guru ke gochar ke anusar vivah ka samay gyat kiya ja sakta hai. prashn kundli ke adhar par: yadi prashn kal men chandra, prashna-kundli ke tisre, panchven, satven, dasven ya gyarhven sthan men virajman ho tatha use guru purn drishti dekh raha ho to vivah jaldi hoga, aisa janna chahie. prashn kundli men saptam sthan ke svami grah ka shukra se yuti ya drishti sanbandh ho to vivah shighra hota hai. prashnakalin lagnesh aur chandra prashn kundli ke saptam sthan men virajman ho to shighra vivah ka yog samjhna chahie. prashnakalik saptamesh aur chandra ki prashn lagn men sthiti shighra vivah ka dyotak hai. prashnakalin lagn se sam sthan men shani hone par vivah shighra hota hai. shani prashnakalik lagn se kisi visham bhav men sthit ho to vivah shighra hota hai. prashna-kal men prashna-kundli men lagn se chaithe sthan ka svami bali ho to prem-vivah ho sakta hai, kyonki chaitha sthan mitra aur mitrata ka sthan hai. chaithe sthan aur uske svami ka lagn, saptam bhav aur inke svamiyon se athva shukra grah se shubh sanbandh hona svayan varan ka bodhak hota hai. yadi prashnakalik lagn se saptam bhav ka svami bali ho to samaj aur kul ki riti-rivajon ke anurup sarvamanya paranprik vivah hota hai. prashnakalin lagn se saptam bhav men virajman yogkarak bali grah athva saptam bhav par apni drishti rakhne vala yogkarak bali grah bhi apne yog kal men vivah karane men samarth hota hai. shani ke yogkarak hone par vivah sanvat (shathmas) men, budh ke yogkarak hone par ritu (do mas men), guru ke yogkarak hone par mas men, shukra ke yogkarak hone par pakhvare men, mangal ke yog karak hone par matra kuch divson men aur chandra ke yogkarak hone par tatkal hota hai. vaivahik jivan kaisa rahega: vaivahik jivan kaisa rahega, yah janne ke lie lagn aur chandra donon kundliyon ke adhar par saptamesh, shukra, strikarak grah adi ki sthiti ka vichar kiya jata hai. sath hi saptam sthan aur saptamesh par drishti rakhne aur yuti karne vale grahon ka adhyayan karna bhi avashyak hota hai. in sabhi ki achchi sthiti hone par vaivahik jivan sukhamay hota hai. yadi saptam bhav men shashth, ashtam ya dvadash bhav ka svami sthit ho athva saptam bhav papyut prabhav vala ho, saptam sthan men koi papi grah ho athva us par papi grah ki drishti ho to vaivahik jivan dukhamay hota hai. yadi saptam sthan se papagrahon ka yuti ya drishti sanbandh n ho aur saptam bhav ka svami bhav 1,4,7,10 athva trikon 5,9 athva bhav 11 men ho to dampatya jivan madhur hota hai. yadi lagn aur saptam bhav ke svami paraspar mitra hon to pati-patni men prem pragarh rahta hai. sam hone par takrar ho sakti hai. shatru hon to tanav, vaicharik matbhed aur katuta rahegi. saptam sthan ka svami lagnasth aur lagn ka svami saptamasth ho athva lagnesh evan saptamesh ka kendra sthan, mul trikon ya labh sthan se sanbandh yuti ya drishti ho to donon men atut prem rahta hai aur jivan sukhdayak hota hai. saptamesh aur saptam bhav ke bali hone par dampatya jivan sukhad hota hai. vaivahik sanbandh vichched vali jyotishiya grah sthitiyan: vivahoprant jab dampati ke jivan men aisi visham paristhitiyan utpann ho jaen ki unhen ek-dusre se alag hokar jivan nirvah karne ko vivash hona pare to aisi sthiti ke sanbandh-vichched ki sthiti mana jata hai. vaidhanik drishti se aise algav ko talak kahte hain. talak ya sanbandh-vichched vali paristhiti utpann hone ke kai karan ho sakte hain, jaise charitrik dosh, santanabhav, vaicharik matbhed, sharirik apangta, nashe ki lat, apsi takrar, ghamandavash ek-dusre ko tuchch samjhne ki koshishen, ruchiyon aur adton men akalpit asmantaen, videsh vas, sannyas adi. bhartiya jyotish ke adhar par janmang chakra men grahon ki nimn sthitiyan sanbandh vichched ka karan ban sakti hain- saptam bhav aur uske svami evan stri-putra karak grah shukra par vichchedatmak grahon shani-rahu, surya-rahu ka dushaprabhav hona pati-patni ke rishte par prithktavadi asar chorta hai. yadi ye vichchedatmak grah dvitiya aur chaturth bhavon par bhi prabhav dalen to talak ho sakta hai. kundli ka shashth bhav vaimanasyata ka bhav hai. shashthesh bhi sanbandh-vichched ka karak grah ban jata hai, kyonki saptam sthan se dvadash bhav, shashtham sthan hi hota hai. yahi karan hai ki kundli milan karte samay is bat ka vichar kiya jata hai ki shashth bhav ki rashiyan paraspar var-kanya ki rashiyan n hane arthat var ki rashi se kanya ki athva kanya ki rashi se var ki rashi chathi nahin ho. vivah-vichched ke yog: saptamesh ka lagn se dvitiyasth, dvitiyesh ka saptamasth aur rahu ya ketu ka dvitiyasth ya saptamasth hona. saptamasth rahu par kisi papagrah ki drishti hona ya donon ki yuti hona. stri jatak ki kundli ke saptam bhav men rahu, mangal aur surya men se ek, do athva tinon grahon ka virajman hona. stri jatak ki kundli men rahu athva shani se drisht saptamasth surya ka hona. stri jatak ki kundli men surya ka janm lagn se saptamasth hona aur saptamesh ka nichasth, shatru rashisth ya trik bhavasth hona. saptamesh aur dvadshesh ka paraspar rashi vinimay hona tatha saptam bhav men mangal, rahu ya shani ka sthit hona. shashthesh se drisht kisi pap grah ka saptam bhav men tatha saptamesh ka dvadash bhav men hona. surya, shani, rahu ya ketu ka saptam bhav men tatha saptamesh aur vyayesh ka trik bhav men hona. sukhi vaivahik jivan ke yog: var aur vadhu donon pakshon ke pratyek vyakti ki yahi kamna hoti hai ki donon ka vaivahik jivan sukhamay, samriddh aur safal rahe. is hetu log shreshth var aur kanya ka chayan karne ka prayas karte hain. var aur kanya ki bhi yahi kamna rahti hai ki unka vaivahik jivan aur safal ho. sukhi vaivahik jivan ke sanket jin yogon men prapt hote hain, unka sankshipt vivaran yahan prastut hai. pratham aur saptam bhav men sthit rashiyan aur unke svami ek-dusre ke mitra nahin ho sakte. han itna avashya hai ki lagnesh evan saptamesh ki shubh sthiti se var aur kanya ke vaivahik jivan ke sukhamay hone ki atyadhik sanbhavna rahti hai. agar lagn aur saptam sthan ke svami ek sath sthit hon to vaivahik jivan men samanjasya bana rahta hai. yadi lagn men saptam bhav ka svami sthit ho to patni pati ke anukul chalne vali hoti hai aur unka grihasth jivan sukhamay rahta hai. yadi lagnesh saptam bhav men sthit ho to vyakti patni ka anugaman karne vala hota hai. faltah unmen samanjasya bana rahta hai. pati-patni men se kisi bhi ek ki janma-kundli men yadi pratham evan saptam bhav ke svamiyon men paraspar drishti vinimay ho athva pratham bhav ka svami saptam bhav men aur saptam bhav ka svami pratham bhav men sthit ho to vaivahik jivan sukhamay rahta hai. yadi kisi stri jatak ki janm patrika ke saptam, ashtam aur navam bhavon men shubh grah sthit hon to vah saubhagyavti, putravti, dhani aur dirghayu hoti hai. stri jatak ki janma-kundli ke pratham bhav men yadi chandra aur budh, budh aur shukra, chandra-budh-shukra athva budh-brihaspati-shukra sthit hon to vah rupsi, guni, dhani, vidushi, putravti, kulvanti, pativrata aur saubhagyavti hoti hai. uska jivan sada sukhamay rahta hai. jis stri ke janm kal men svagrihi ya uchchasth brihaspati kendra ya trikon men hota hai uska pati gunagya aur santan sadguni hoti hain. vah sanpann sasural ki putravdhu hoti hai aur donon kulon ka kalyan karti hai. uska vaivahik jivan safal hota hai. yadi kisi stri ki janm patrika ke dasham bhav men svagrihi shukra, pratham bhav men guru aur saptam bhav men chandra ho to vah samragyai sadrish sukhopbhog karne vali hoti hai. uska vaivahik jivan uÿam hota hai. labh bhav men sthit uchchasth guru aur lagn men sthit uchchasth budh stri jatak ko rani jaisa sukh-vaibhav deta hai. sabhi shubh grahon ki lagn par drishti hone se vaivahik jivan sukhi rahta hai. vaivaivaivahik jivan ko sukhukhi banane ke kuchuchuch upay: var aur kanya ke bhavi vaivahik jivan ki saflta hetu janma-kundli ka milan karaen. 18 se kam gun milne par vivah n karen. lagabhag saman ayu varg ke var aur kanya ka chayan karen. var aur kanya ki ayu men adhik antar n ho. mauliya mangal vale var ka vivah chunri mangal vali kanya se karna unke sukhi vaivahik jivan ke lie jyotish shastra sammat mana gaya hai. kundliyon ka milan karvane ke purva unki shuddhata ki janch karaen. kundli milan ke samay nari dosh ka vichar avashya karen. dampatya-prem aur sukhi jivan ke lie var v kanya donon ki gan-maitri ka dhyan rakhna chahie. var ki rashi se kanya ki rashi ka 9vin aur kanya ki rashi se var ki rashi ka 5vin hona sukhi vaivahik jivan ke lie ashubh mana gaya hai. var v kanya donon ki rashi saman hone par vivahoprant donon men sadaiv sneh bana rahta hai. paraspar saptam rashiyan hone par uÿam santti sukh, chaturtha-dasham hone par sukhamay jivan aur tritiya-ekadash hone par dhan ka prachurya rahta hai, jo sukhi vaivahik jivan ke lie avashyak hota hai. yadi var aur kanya ke namakshar ek hi varg ke hon to donon men uÿam priti rahti hai. agni evan vayu tatva tatha bhumi evan jal tatva vali rashiyon ke var aur kanya ke vaivahik jivan men samanjasya bana rahta hai, ataev kundli milate samay rashi ka milan hansanusar (tatvanusar) kar lena chahie. vibhinn tatvon ki rashiyon ka sankshipt vivaran yahan prastut hai- agni tatva rashiyan- mesh, sinh, dhanu vayu tatva rashiyan- mithun, tula, kunbh bhumi tatva rashiyan- vrish, kanya, makar jal tatva rashiyan- kark, vrishchik, min kundli milan ke samay grah maitri ke sath-sath yunja (nari) ka vichar bhi avashya karna chahie. yadi var aur kanya donon ka rashi svami ek hi ho to vivahoprant donon men paraspar maitri bhav bana rahta hai. yadi donon ki yanuja (nari) adi-adi, madhya-madhya ya antya-antya hogi to donon men hardik sneh ajivan bana rahega. var aur kanya ke shashth, ashtam aur dvadash bhavon ki rashiyan saman nahin honi chahie. yadi var v kanya donon ki rashi athva lagn ek hi hon to unka vaivahik jivan sukhamay hota hai, kintu ek rashi hone par nakshatra bhed aur ek hi nakshatra hone par charan bhed avashyak hota hai. var aur kanya donon ki lagn rashi paraspar saptam hone par jivan sukhamay rahta hai. sukhamay vaivahik jivan ke lie kanya ke chayan ke purva yah avashya dekhen ki uski kundli men ye panch mahadosh yog n hon- daridr yog, mrityu yog, vaidhavya yog, vyabhichar yog aur santanabhav yog. isi tarah yah bhi avashyak ki var ki kundli men nimn yog n hon- bharyanash yog, alpayu yog, vyabhichar yog, unmad yog, napunsakatva yog. vish-kanya yog vali kanya se vivah varjit mana gaya hai. ukt sabhi upay sukhamay vaivahik jivan ke lie vivah purva ke hain. vivah ke pashchat nimn upay karne chahie- pati-patni donon ko bhagvan ganesh ka pujan navin durvankuron se shraddha aur bhakti bhavna ke sath niyamit rup se karte rahna chahie. parivar men apas men prem bana rahe, iske lie adi shankracharya virchit ganpti-stotra ka path niyamit rup se karna chahie. varsh men kam se kam ek bar satyanarayan vrat-katha karni chahie. samy-samay par apne kul devta aur kul devi ka pujan karna chahie. durga-path aur rudrabhishek kramshah navratrikal evan shravan mas men karte rahna chahie. var aur kanya donon ko sukh-samriddhi hetu bhagyadayi ratn dharan karna chahie. vaivahik jivan men samanjasya banae rakhne lie prem vriddhi yantra evan akarshan yantra ki sthapna shubh muhurt men karni chahie. sukh-samriddhi aur dhan ki prapti tatha vaivahik jivan men khushhali lane ke lie fengshui ki vastuon ka prayog karna chahie. vishesh parvon par tirth sthalon ka bhraman tatha ganga, narmada adi pavitra nadiyon men snan-dan karna chahie. mata-pita aur gurujnon ki sada seva karni chahie. gau-mata, viprajan, kumari kanyaon ka adar satkar karte hue unhen anna, vastra, bhojnadi se santusht karna chahie. santanon ko sadguni, udar, vidyavan, dhanvan aur karmashil banane ke lie sadaiv prayasarat rahna chahie.