bharat ke pramukh tirth 51 shakti pith, 12 jyotirling, 7 saptapuri aur 4 dham hamare desh bharat men yun to anek tirth hain par inmen jo sabse pramukh mane jate hain vo hain ikyavan shakti pith, barah jyotirling, sat saptapuri aur char dham. inhin 12 jyotirling vale sthanon par bhagvan shiv svayan prakat hue.
1. somnath yah shivling gujrat ke saurashtra men sthapit hai.
2. shri shail mallikarjun madras men krishna nadi ke kinare parvat par sthapit hai shri shail mallikarjun shivling.
3. mahakal ujjain men sthapit mahakaleshvar shivling, jahan shivji ne daityon ka nash kiya tha.
4. onkareshvar mamleshvar madhyapradesh ke dharmik sthal onkareshvar men narmada tat par parvatraj vindhya ki kathor tapasya se khush hokar vardan dene yahan prakat hue the shivji jiske bad yahan mamleshvar jyotirling sthapit ho gaya.
5. nageshvar gujrat ke daruka van ke nikat sthapit nageshvar jyotirling.
6. baidyanath jharkhand ke devaghar men baidyanath dham men sthapit shivling.
7. bhimashankar maharashtra ki bhima nadi ke kinare sthapit bhimashankar jyotirling.
8. trayayambakeshvar nasik (maharashtra) se 25 kilomitar dur trayambakeshvar men sthapit jyotirling.
9. ghrishneshvar maharashtra ke aurangabad jile men elora gufa ke samip vesal ganv men sthapit ghrishneshvar jyotirling.
10. kedarnath himalay ka durgam kedarnath jyotirling uttarakhand men sthit hai.
11. vishvanath banaras ke kashi vishvanath mandir men sthapit vishvanath jyotirling.
12. rameshvaram trichnapalli (madras) samudra tat par bhagvan shriram dvara sthapit rameshvaram jyotirling.
7 saptapuri sanatan dharm sat nagron ko bahut pavitra manyata hai jinhen saptapuri kaha jata hai. 1. ayodhya, 2. mathura, 3. haridvar, 4. kashi, 5. kanchi, 6. ujjain 7. dvarka char dham char dham ki sthapna adya shankracharya ne ki. uddeshya tha uttar, dakshin, purva aur pashchim char dishaon men sthit in dhamon ki yatra kar manushya bharat ki sanskritik virasat ko jane-samjhe.
1. badrinath dham kahan hai- uttar disha men himalay par alknanda nadi ke pas pratima- vishnu ji ki shaligram shila se bani chaturbhuj murti. iske aspas bain or uddhavaji tatha dain or kuber ki pratima.
2. dvarka dham kahan hai- pashchim disha men gujrat ke jamanagar ke pas samudra tat par. pratima- bhagvan shrikrishn.
3. rameshvaram kahan hai- dakshin disha men tamilnadu ke ramnathpuram jile men samudra ke bich rameshvar dvip. pratima- shivling
4. jagannathpuri kahan hai- purva disha men urisa rajya ke puri men. pratima- vishnu ki nilmadhav pratima jo jagannath kahlati hai. subhadra aur balabhadra ki pratimaen bhi.
51 shaktipith ye desh bhar men sthit devi ke vo mandir hain jahan devi ke sharir ke ang ya abhushan gire the. sabse jyada shaktipith bangal men hanai.
bangal ke shaktipith
1. kali mandir - kolkata
2. yugadya- vardhaman (bardaman)
3. tristrota- jalpaiguri
4. bahula- ketugram
5. vakteshvar- dubrajpur
6. nalhti- nalhti
7. nandipur- nandipur
8. attahas- labpur
9. kirit- barngr
10. vibhash- midnapur
11. bhairav parvat- girnar madhyapradesh ke shaktipith
12. harsiddhi- ujjain
13. sharda mandir- mehr
14. tarachandi mandir- amrkantak tamilnadu ke shaktipith
15. shuchi- kanyakumari
16. ratnavli- agyat
17. bhadrakali mandir- sangamasthala
18. kamakshidevi- shivkanchi bihar ke shaktipith
19. mithila- agyat
20. vaidyanath- bi. devghr
21. patneshvari devi- patna uttarapradesh ke shaktipith
22. chamunda mata- mathura
23. vishalakshi- mirghat
24. lalitadevi mandir- prayag rajasthan ke shaktipith
25. savitridevi- pushkara
26. vairat- jaypur gujrat ke shaktipith
27. ambik devi mandir- girnar andhrapradesh ke shaktipith
28. godavritt- godavri steshn
29. bhramrambadevi- shrishail maharashtra ke shaktipith
30. karvir- kolhapur
31. bhadrakali- nasik kashmir ke shaktipith
32. shriparvat- laddakh
33. parvatipith- amrnath gufa panjab ke shaktipith
34. vishvamukhi mandir- jalandhar urisa ke shaktipith
35. virjadevi- puri himachal pradesh ke shaktipith
36. jvalamukhi shaktipith- kangra asam ke shaktipith
37. kamakhyadevi- guvahati meghalay ke shaktipith
38. jayanti- shilang tripura ke shaktipith
39. rajrajeshvari tripurasundri- radhakishorpur hariyana ke shaktipith
40. kurukshetra shaktipith- kurukshetra
41. kalmadhav shaktipith- agyat nepal ke shaktipith
42. gandaki- gandaki
43. bhagvti guheshvari- pashuptinath pakistan ke shaktipith
44. hinglajdevi- hinglaj shrilanka ke shaktipith
45. lanka shaktipith- agyat tibbat ke shaktipith
46. manas shaktipith- mansrovar bangladesh ke shaktipith
47. yashor- jaishaur
48. bhavani mandir- chatganv
49. kartoyatt- bhavanipur
50. ugratara devi- barisal 51 panchsagar shaktipith hai.
- agyat satish upadhyay 9370082080 puja se sambandhit jaruri niyam sukhi aur samriddhishali jivan ke lie devi-devtaon ke pujan ki paranpra kafi purane samay se chali a rahi hai. aj bhi bari sankhya men log is paranpra ko nibhate hain. pujan se hamari manokamnaen purn hoti hain, lekin puja karte samay kuch khas niyamon ka palan bhi kiya jana chahie anyatha pujan ka shubh fal purn rup se prapt nahin ho pata hai. yahan 30 aise niyam batae ja rahe hain jo samanya pujan men bhi dhyan rakhna chahie. in baton ka dhyan rakhne par bahut hi jald shubh fal prapt ho sakte hain.
ye niyam is prakar hain:
- surya, ganesh, durga, shiv aur vishnu, ye panchdev kahlate hain, inki puja sabhi karyon men anivarya rup se ki jani chahie. pratidin pujan karte samay in panchdev ka dhyan karna chahie. isse lakshmi kripa aur samriddhi prapt hoti hai.
- shivji, ganeshji aur bhairvji ko tulsi nahin charhani chahie.
- man durga ko durva (ek prakar ki ghas) nahin charhani chahie. yah ganeshji ko vishesh rup se arpit ki jati hai.
- surya dev ko shankh ke jal se aghrya nahin dena chahie.
- tulsi ka patta bina snan kie nahin torna chahie. shastron ke anusar yadi koi vyakti bina nahae hi tulsi ke patton ko torta hai to pujan men aise patte bhagvan dvara svikar nahin kie jate hain.
- shastron ke anusar devi-devtaon ka pujan din men panch bar karna chahie. subah 5 se 6 baje tak brahm muhurt men pujan aur arti honi chahie. iske bad pratah 9 se 10 baje tak dusri bar ka pujan. dopahar men tisri bar pujan karna chahie. is pujan ke bad bhagvan ko shayan karvana chahie. sham ke samay char-panch baje punah pujan aur arti. rat ko 8-9 baje shayan arti karni chahie. jin gharon men niyamit rup se panch bar pujan kiya jata hai, vahan sabhi devi-devtaon ka vas hota hai aur aise gharon men dhan-dhanya ki koi kami nahin hoti hai.
- plastik ki botal men ya kisi apvitra dhatu ke bartan men gangajal nahin rakhna chahie. apvitra dhatu jaise elyuminiyam aur lohe se bane bartan. gangajal tanbe ke bartan men rakhna shubh rahta hai.
- striyon ko aur apvitra avastha men purushon ko shankh nahin bajana chahie. yadi is niyam ka palan nahin kiya jata hai to jahan shankh bajaya jata hai, vahan se devi lakshmi chali jati hain.
- mandir aur devi-devtaon ki murti ke samne kabhi bhi pith dikhakar nahin baithna chahie.
- ketki ka ful shivling par arpit nahin karna chahie.
- kisi bhi puja men manokamna ki saflta ke lie dakshina avashya charhani chahie. dakshina arpit karte samay apne doshon ko chorne ka sankalp lena chahie. doshon ko jaldi se jaldi chorne par manokamnaen avashya purn hongi.
- durva (ek prakar ki ghas) ravivar ko nahin torni chahie.
- man lakshmi ko vishesh rup se kamal ka ful arpit kiya jata hai. is ful ko panch dinon tak jal chirak kar punah charha sakte hain.
- shastron ke anusar shivji ko priya bilva patra chah mah tak basi nahin mane jate hain. atah inhen jal chirak kar punah shivling par arpit kiya ja sakta hai.
- tulsi ke patton ko 11 dinon tak basi nahin mana jata hai. iski pattiyon par har roj jal chirakar punah bhagvan ko arpit kiya ja sakta hai.
- amtaur par fulon ko hathon men rakhakar hathon se bhagvan ko arpit kiya jata hai. aisa nahin karna chahie. ful charhane ke lie fulon ko kisi pavitra patra men rakhna chahie aur isi patra men se lekar devi-devtaon ko arpit karna chahie.
- tanbe ke bartan men chandan, ghisa hua chandan ya chandan ka pani nahin rakhna chahie.
- hamesha is bat ka dhyan rakhen ki kabhi bhi dipak se dipak nahin jalana chahie. shastron ke anusar jo vyakti dipak se dipak jalate hain, ve rogi hote hain.
- budhvar aur ravivar ko pipal ke vriksh men jal arpit nahin karna chahie.
- puja hamesha purva ya uttar disha ki or mukh rakhakar karni chahie. yadi sanbhav ho sake to subah 6 se 8 baje ke bich men puja avashya karen.
- puja karte samay asan ke lie dhyan rakhen ki baithne ka asan uni hoga to shreshth rahega.
- ghar ke mandir men subah evan sham ko dipak avashya jalaen. ek dipak ghi ka aur ek dipak tel ka jalana chahie.
- pujn-karm aur arti purn hone ke bad usi sthan par khare hokar 3 parikramaen avashya karni chahie.
- ravivar, ekadshi, dvadshi, sankranti tatha sandhya kal men tulsi ke patte nahin torna chahie.
- bhagvan ki arti karte samay dhyan rakhen ye baten- bhagvan ke charnon ki char bar arti karen, nabhi ki do bar aur mukh ki ek ya tin bar arti karen. is prakar bhagvan ke samast angon ki kam se kam sat bar arti karni chahie.
- pujaghar men murtiyan 1, 3, 5, 7, 9, 11 inch tak ki honi chahie, isse bari nahin tatha khare hue ganesh ji, sarasvatiji, lakshmiji ki murtiyan ghar men nahin honi chahie.
- ganesh ya devi ki pratima tin, shivling do, shaligram do, surya pratima do, gomti chakra do ki sankhya men kadapi n rakhen.
- apne mandir men sirf pratishthit murti hi rakhen. uphar, kanch, lakri evan fayabar ki murtiyan n rakhen evan khandit, jali-kati foto aur tuta kanch turant hata den. shastron ke anusar khandit murtiyon ki puja varjit ki gai hai. jo bhi murti khandit ho jati hai, use puja ke sthal se hata dena chahie aur kisi pavitra bahti nadi men pravahit kar dena chahie. khandit murtiyon ki puja ashubh mani gai hai. is sanbandh men yah bat dhyan rakhne yogya hai ki sirf shivling kabhi bhi, kisi bhi avastha men khandit nahin mana jata hai.
- mandir ke upar bhagvan ke vastra, pustaken evan abhushan adi bhi n rakhen. mandir men parda ati avashyak hai. apne pujya mata-pita tatha pitron ka foto mandir men kadapi n rakhen, unhen ghar ke nairritya kon men sthapit karen.
- vishnu ki char, ganesh ki tin, surya ki sat, durga ki ek evan shiv ki adhi parikrama kar sakte hain. kajal manglik 8923637986 shubh shakun vichar
- yadi ghar men billi prasav karti hai to yah shubh sanket hai ki jaldi hi dhan sanpda ki prapti hogi, aise kai sanket prakriti hamare samne nitya rakhti hai, parantu ham samajh nahin pate hain. yah kudarat ka niyam hai ki jo bhi shubh ya ashubh hona hai, uski purva suchna manushya ko aise hi sanketon se milti hai. hamare rishi-muni chintak aur atmadarshi the aur ve manav jivan ki, prakriti parivartan ki, pashu-pakshiyon ke vyavhar, boli athva bar-bar hone vali ghatnaon ka atyant sukshm drishti se vishleshan kiya karte the. brihat sanhita men ek sampurn adhyay isi vishay par likha gaya hai.
manushyon ke margadarshan ke lie jo shubh sanketon ka varnan kiya gaya hai unmen se kuch ki charcha aj apke samne kar raha hun:-
- ghar ke darvaje ke andar akar achanak gay rambhana shuru kar den to, yah sanket sukh saubhagya ka suchak hai.
- bandar yadi apke ghar ke angan men am ki guthli kahin se lakar dal de to yah sanket apke vyapar men labh hone ka suchak hota hai.
- subh-subah yadi kaua apke ghar ke mukhya dvar ke pas bolta hai to samajh lijie ki aj apka koi priya ane vala hai. yadi dopahar ko bolta hai to koi patra ya atithi apse milne aega.
- ghar ke dakshin disha men titar yadi avaj karta hai to achanak sukh, saubhagya aur dhan prapti ka yog banta hai.
- yadi apke ghar men koi bhi pakshi chandi ka tukra ya chandi ki anya chij la kar dal deta hai to apko kahin se achanak lakshmi ki prapti hogi.
- yadi apke ghar ki munder ya chahardivari par koyal ya son chiriya baithakar madhur svar karti hai to ghar ke svami ka bhagyoday hota hai tatha sukhi jivan ka pratik hai.
- ghar ki chat ya divar par kali chintiyon ka ghumna ya rengna ghar ki unnati ke lie shubh sanket mana jata hai .
- yadi hathi a kar apke ghar ke mukhya dvar ke samne achanak apni sunr utha kar jor se svar karta hai to vivad men apki jit hoti hai aur mukaddama apke paksh men hota chala jayga .
- safed kameri yadi apke ghar ki kisi bhi divar par baith kar avaj karti hai to yah sanket apki vyapar vriddhi men atyant sahayak siddh hoga.
- ghar men billi yadi chat ya kisi kamren men apna prasav karti hai to samajh lijie ki dhan sanpda ki vriddhi hone vali hai.
- yadi ap kisi karya se ja rahe hain to apke samne suhagan stri athva gay a jae to karya men saflta milti hai.
- jate samay ap kapre pahan rahe hain aur jeb se paise giren to dhan prapti ka sanket hai. kapre utarte samay bhi aisa ho to shubh hota hai.
- yadi apke yahan sokar uthte hi koi bhikhari mangne a jae to ye samjhna chahie apke dvara diya gaya paisa (udhar) bina mange vapas a jaega.
- ap sokar uthe hon usi samay nevla apko dikh jae to gupt dhan milne ki sanbhavna rahti hai.
- ap kisi karya se ja rahe hon, tab apke samne koi bhi vyakti gur le jata hua dikhe to asha se adhik labh hota hai.
- larki ke lie ap var talash karne ja rahe hon tab ghar se niklte samay char kunvari larkiyan batchit karte mil jaen to shubh yog hota hai.
- yadi sharir par chiriya gandgi kar de to apko samjhna chahie apki daridrata dur hone vali hai. ye shubh shakun hain.
vinay garg 9810389429 sheyar bajar aur jyotish sheyar bajar ka sidha sanbandh mangal se hai. kisi vyakti vishesh ki kundli men mangal ki sakaratmak sthiti use sheyar bajar men labh dilati hai. barah bhavon men se panchvan bhav prarabdh se jura hota hai. purva janmon ke karm hamen is janm men anayas labh dilate hain. panchven bhav ya bhavesh ke sath mangal ka sanbandh hone par haunsla aur bhagya apas men jur jate hain. is tarah sheyar bajar ke utar-charhav ke bich dvip ki tarah khara vyakti asani se tanav ko jhel jata hai aur ashatit dhan kamata hai. kisi vyakti ki kundali men sheyar bajar se paisa kamane ka yog hai athva nahin yah dekhne ke lie pahle uske panchven bhav ko dekhne ki avashyakta hoti hai. panchven bhav ka kisi bhi tarah se mangal se sanbandh banta ho to samajh lijie ki sheyar bajar ka kam kiya ja sakta hai. iske bad ata hai bajar men tike rahne ka yog. iske lie jaruri hai ki jatak ka surya bhi majbut ho yani surya lagn, panchven ya mangal se achchi tarah sanbandhit ho to aisa vyakti pure bharose ke sath ant tak bajar men tika rahta hai. ek din men kai bar saude karne vale logon ke lie chandrama ko bhi dekhna parta hai.
aise logon ka chandrama barhven bhav se sanbandh kare ya to puri tarah kharab hua hota hai ya fir panchven bhav men hi baithakar spekyutletiv maind deta hai. chandrama ki kharab sthiti men vyakti sheyar bajar se kamakar bhi sukhi nahin rah pata hai jabki panchvane bhav ka chandrama vala vyakti sheyar bajar men asani se kamata hai aur jaldi bahar a jata hai. bajar men kaun si kanpniyan mangal ke adhin hain. is bat ka koi len-den sheyar bajar aur mangal se nahin hai lekin jatak ki kundli men mangal ka rol adhik mahatvapurn hai. sheyar bajar ke sanbandh men sabse am dharna yahi hai ki yah ek anishchit karya hai yani yuddh ka maidan, kab kaun si goli kidhar se akar lag jaegi koi nahin janta. sheyar bajar men bhi vahi sabkuch hota hai jo kamoditi market men hota hai antar itna hai ki kamoditi men tredar ke hath men fijikal jaisa kuch nahin hota aur sheyar bajar men dimaitirielaij sheyar hote hain. kamoditi men ek din ka ghata kuch hajar rupae se kuch sau karor rupae tak ho sakta hai lekin sheyar bajar men kisi ek vyakti ko itna labh ya ghata nahin hota. lekin niyam vahi rahte hain ki goli kahin se bhi a sakti hai.
to kaun se vyakti hanai jise sheyar bajar men utrna chahie. chandrama ki sthiti majbut ho, lagnesh uchch ho aur mangal se sanbandh banata ho to sheyar bajar men utar jana chahie. agar yah kamjor hota hai to sheyar bajar ki utar-charhav ke sath bahne lagta hai. prayah mesh, sinh aur tula lagn ke log sheyar bajar ke dhandhe ke lie uttam hote hain anya lagnon ke log bhi ismen saflta prapti kar sakte hain jabki lagn ka adhipti achchi sthiti men baitha ho. lagn uttam hone par admi spasht nirnay kar pata hai aur us par adig rah pata hai. lambi res ke ghoron men yah khasiyat hoti hai ki ve jaldi se ghabrate nahin hain. ek bar pichar jane par apne nirnayon ko badlte nahin hain aur res ke ant men adhik prayatn kar jit jate hain. unhen chote-chote jhagron men jita ja sakta hai lekin yuddh ve hi jitenge. islie lagn bahut balshali hona chahie. koi bhi lagn balshali ho sakta hai basharte us par kisi krur grah ki najar n par rahi ho. mangal senapti hai. pahle larne ke lie josh deta hai aur fir date rahne ke lie bad men samay par nikal jane ki buddhi bhi. l k mishra 9431431040