ninbu ke gharelu nuskhe (gun men mitha, svad men khatta)
- subh-sham ek gilas pani men ek ninbu nichorakar pine se motapa dur hota hai.
- bavasir (pailsa) men rakt ata ho to ninbu ki fank men sendha namak bharakar chusne se raktasrav band ho jata hai.
- adhe ninbu ka ras aur do chammach shahad milakar chatne se tej khansi, shvans v jukam men labh hota hai.
- ninbu gyan tantuon ki uttejna ko shant karta hai. isse hriday ki adhik dharakan samanya ho jati hai. uchch raktachap ke rogiyon ki rakt vahiniyon ko yah shakti deta hai.
- ek ninbu ke ras men tin chammach shakkar, do chammach pani milakar, gholakar balon ki jaron men lagakar ek ghante bad achchi tarah se sir dhone se rusi dur ho jati hai v bal girna band ho jate hain.
- ek gilas pani men ek ninbu nichorakar sendha namak milakar subh-sham do bar nitya ek mahina pine se pathri pighalakar nikal jati hai.
- ninbu ko tave par rakhakar senk len (do bhag karke). us par sendha namak dalakar chusen. isse pitt ki dikkat khatm hoti hai.
kamal sehgal 9873295495 bharosa
- keval bhagvan par hanuman ji jab parvat lekar lautte hain to bhagvan se kahte hain
- prabhu apne mujhe sanjivni buti lene nahin bheja tha. apne to mujhe meri murcha dur karne ke lie bheja tha. ‘sumiri pavnsut pavan namu. apne bas kari rakhe ramu’ hanumanji ne pavitra nam ka smaran karke shri ramji ko apne vash men kar rakha hai, prabhu aj mera ye bhram tut gaya ki main hi sabse bara bhakt, ram nam ka jap karne vala hun. bhagvan bole kaise ?
hanuman ji bole - vastav men to bharat ji sant hanai aur unhonne hi ram nam japa hai. apko pata hai jab lakshman ji ko shakti lagi to main sanjivni lene gaya par jab mujhe bharat ji ne ban mara aur main gira, to bharat ji ne, n to sanjivni mangai, n vaidya bulaya. kitna bharosa hai
unhen apke nam par, apko pata hai unhonne kya kiya. ‘‘jau more man bach aru kaya, priti ram pad kamal amaya’’ tau kapi hou bigat shram sula, jau mo par raghupti anukula sunat bachan uthi baith kapisa, kahi jay jayti kosladhisa’’ yadi man vachan aur sharir se shri ram ji ke charan kamlon men mera nishkapat prem ho to yadi raghunath ji mujh par prasann hane to yah vanar thakavat aur pira se rahit ho jae. yah vachan sunte hue main shri ram, jay ram, jay-jay ram kahta hua uth baitha. main nam to leta hun par bharosa bharat ji jaisa nahin kiya, varna main sanjivni lene kyon jata, bas aisa hi ham karte hain. ham nam to bhagvan ka lete hain par bharosa nahin karte, burhape men beta hi seva karega, bete ne nahin ki to kya hoga? us samay ham bhul jate hain ki jis bhagvan ka nam ham jap rahe hain ve hain n, par ham bharosa nahin karte. beta seva kare n kare par bharosa ham usi par karte hain.
2. dusri bat prabhu! ban lagte hi main gira, parvat nahin gira, kyonki parvat to ap uthaye hue the aur manai abhiman kar raha tha ki manai uthaye hue hun. mera dusra abhiman tut gaya, isi tarah ham bhi yahi soch lete hain ki grihasthi ke bojh ko manai uthaye hue hun.
3. fir hanuman ji kahte hanai - aur ek bat prabhu ! apke tarakas men bhi aisa ban nahin hai jaise ban bharat ji ke pas hain. apne subahu marich ko ban se bahut dur gira diya, apka ban to apse dur gira deta hai, par bharat ji ka ban to apke charnon men la deta hai. mujhe ban par baithakar apke pas bhej diya.
bhagvan bole - hanuman jab mainne tarka ko mara aur bhi rakshason ko mara to ve sab marakar mukt hokar mere hi pas to aye, is par hanuman ji bole prabhu apka ban to marne ke bad sabko apke pas lata hai par bharat ji ka ban to jinda hi bhagvan ke pas le ata hai. bharat ji sant hain aur sant ka ban kya hai? sant ka ban hai uski vani lekin ham karte kya hain, ham sant vani ko samjhte to hain par satkte nahin hain, aur aushdhi satkne par hi fayda karti hai.
4. hanuman ji ko bharat ji ne parvat sahit apne ban par baithaya to us samay hanuman ji ko thora abhiman ho gaya ki mere bojh se ban kaise chalega ? parantu jab unhonne ramchandra ji ke prabhav par vichar kiya to ve bharat ji ke charnon ki vandna karke chale hain. isi tarah ham bhi kabhi-kabhi santane par sandeh karte hain, ki ye hamen kaise bhagvan tak pahuncha danege, sant hi to hanai jo hamen sote se jagate hanai jaise hanuman ji ko jagaya, kyonki unka man, vachan, karm sab bhagvan men laga hai. are un par bharosa to karo tumhane tumhare bojh sahit bhagvan ke charnon tak pahuncha danege.
asha rani ludhiana 9569548133 mor ke pankh prayog se vibhinn prakar ke labh ghar ke dakshin-purva kon men lagane se barakat barhti hai v achanak kasht nahin ata hai. yadi mor ka ek pankh kisi mandir men shri radha-krishn ki murti ke mukut men 40 din ke lie sthapit kar pratidin makkhana-mishri ka bhog sanykal ko lagaen, 41ven din usi mor ke pankh ko mandir se dakshina-bhog de kar ghar lakar apne khajane ya laekars men sthapit karen to ap svayan hi anubhav karenge ki dhan,sukh-shanti ki vriddhi ho rahi hai.
sabhi ruke karya bhi is prayog ke karan bante ja rahe hain. kal-sarp ke dosh ko bhi dur karne ki is mor ke pankh men adbhut kshamata hai. kal-sarp vale vyakti apne takiye ke khol ke andar 7 mor ke pankh somvar ratri kal men dalen tatha pratidin isi takiye ka prayog karen aur apne bed rum ki pashchim divar par mor ke pankh ka pankha jismane kam se kam 11 mor ke pankh hon laga dene se kal sarp dosh ke karan ayi badha dur hoti hai. bachcha jiddi ho to ise chat ke pankhe ke pankhon par laga den taki pankha chalne par mor ke pankhon ki bhi hava bachche ko lage dhire-dhire hath v jidd kam hoti jayegi. mor v sarp men shatruta hai arthat sarp, shani tatha rahu ke sanyog se banta hai.
yadi mor ka pankh ghar ke purvi aur uttara-pashchim divar men ya apni jeb v dayri men rakha ho to rahu ka dosh kabhi bhi nahin pareshan karta hai. tatha ghar men sarp, machchar, bichchu adi vishaile jantuon ka bhay nahin rahta hai. navjat balak ke sir ki taraf din-rat ek mor ka pankh chandi ke tabij men dal kar rakhne se balak darta nahin hai tatha koi bhi najar dosh aur ala-bala se bacha rahta hai.
yadi shatru adhik tang kar rahe hane to mor ke pankh par hanuman ji ke mastak ke sindur se manglvar ya shanivar ratri men uska nam likh kar apne ghar ke mandir men rat bhar rakhen. pratahkal uthakar bina nahaye-dhoe chalte pani men baha dene se shatru, shatruta chor kar mitrata ka vyavhar karne lagta hai rajjan prasad damoh 9300694736 kuch n kuch jarur kahta hai apke sharir par til lagabhag har purush v stri ke kisi n kisi ang par til avashya paya jata hai. us til ka mahatva kya hai? sharir ke kis hisse par til ka kya fal milta hai.
jyotish ke abhinn ang samudrikshastra ke anusar sharir ke kisi bhi ang par til hona ek alag sanket deta hai. yadi til chehre par kahin bhi ho, to ap vyakti ke svabhav ko bhi samajh sakte hain. khas bat yah hai ki purush ke dahine evan stri ke bayen ang par til ke fal ko shubh mana jata hai. vahin agar bayen angon par ho to mile jule parinam milte hain. isse pahle ki ham apko batayen ki sharir ke kis ang par til hone ke kya prabhav hote hain, ham apko batayenge kuch angon ke nam aur vo insan ke vyaktitva ko kis tarah ullekhit karte hain.
yah bhi samudrik shastra ki ek vidha hai, jismen insan ke vyaktitva ko uske angon ko dekh pahchan sakte hain. udaharan ke taur par- jaise jin purushon ke kandhe jhuke hue hote hain, vo shalin svabhav ke aur ganbhir hote hain. vahin chairi chati vale purush dhanvan hote hain to lal honth vale purush sahsi hote hain. vahin mahilaon ka pet, vaksh aur honth se lekar lagabhag sabhi pramukh ang kuch n kuch kahte hain. mathe par dayin or/mathe ke dayen hisse par til ho to- dhan hamesha bana rahta hai.
mathe par bayin or / mathe ke bayen hisse par til ho to- jivan bhar koi n koi pareshani bani rahti hai. lalat par til/llat par til hone se dhan-sanpda v aishvarya ka bhog karta hai. thuddi par til hone se- jivan sathi se matbhed rahta hai. dayin ankh ke upar til ho to-jivnsathi se hamesha aur bahut jyada prem milta hai. bayin ankh par til ho to- jivan men sangharsh v chinta bani rahegi. dahine gal par til ho to- dhan se paripurn rahenge. bayen gal par til ho to- dhan ki kami ke karan pareshan rahenge. honth par til hone se- kam chetna ki adhikta rahegi.
honth ke niche til ho to- dhan ki kami rahegi. honth ke upar til ho to- vyakti dhani hota hai, kintu jiddi svabhav ka hota hai. bayen kan par til ho to- durghatana se hamesha bach kar rahna chahiye. dahine kan par til hone se- alpayu yog kintu upay se labh hoga. gardan par til ho to- jivan aram se vyatit hoga, vyakti dirghayu, suvidha sampann tatha adhikaryukt hota hai. dayin bhuja par til ho to- sahas evan samman prapt hoga.
bayin bhuja par til hone se- putra santan hone ki sanbhavna hoti hai aur putra se sukh ki prapti hoti hai. chati par dahini or til hone se- jivnsathi se prem rahega. chati par bayin or til hone se- jivan men bhay adhik rahega. nak par til ho to- ap jivan bhar yatra karte rahenge. dayin hatheli par til ho to- dhan labh adhik hoga. bayin hatheli par par til ho to- dhan ki hani hogi. panv par til hone se- yatrayen adhik karta hai. bhauhon ke madhya til ho to- videsh yatra se labh milta hai.
jangh par til hone se- aishvaryashali hone ke sath apne dhan ka vyay bhog-vilas men karta hai. uske pas naukron ki kami nahin rahti hai. stri ke bhaunho ke madhya til ho to- us stri ka vivah uchchadhikari se hota hai. kamar par til hone se- bhautik sukh-suvidhaon ki prapti hoti hai. pith par til ho to- jivan dusre ke sahyog se chalta hai evan pith piche burai hogi. nabhi par til hone se- kamuk prakriti ev santan ka sukh milta hai. bayen kandhe par til ho to- man men sankoch v bhay rahega. dayen kandhen par til ho to- sahas v karya kshamata adhik hoti hai.
gajanan krishna hyderabad 8985195822 rahu kal yad rakhne ki saralatam vidhi nimn vakya ko yad kar len - mother saw father wearing the turban suddenly - mother = monday (7:30 -9.00 a.m) - saw = saturday (9:00-10.30 a.m) - father = friday (10:30-12.00 noon) - wearing = wednesday (12:00-1.30 p.m) - the = thursday (1:30-3.00 p.m) - turban = tuesday (3:00-4.30 p.m) - suddenly = sunday (4:30-6.00 p.m) uparyukt rahu kal ganna hetu suryoday 6.00 baje pratah ka mana gaya hai. yah rahu kal vibhinn sthanon ke lie alg-alag hota hai. yah ek anuman matra hai. shuddh rahu kal janne ke lie panchang ki sahayta len.