utpadan karya ek jatil, mahanga tatha takniki karya raha hai. aj ke pratispardhi yug men yah aur bhi jokhim bhara tatha pechida ho chala hai. har vyakti, jo utpadan se jurna chahta hai, utpadan karya men hath dalne se pahle hi iski saflta ko lekar chintit ho jata hai. yah uchit bhi hai kyonki uski asflta use mansik tatha arthik divaliyepan ki taraf pahuncha sakti hai
kisi bhi vyakti ko utpadan karya men saflta ke lie chahie ek chatur dimag, majbut irade, achchi vittiya sthiti, dhairya, sahnshilta, achchi sangathan kshamata, kushal prashasan kshamata, atmavishvas, jokhim lene ka sahas, atyadhunik takniki gyan jo sath-sath barhta rahe, apne utpadan ki shreshthata, upyogita tatha uske lokapriya hone ki dur drishti, sansadhnon ka sahi prayog ityadi. aie dekhen ki kisi vyakti ke utpadan ikai lagane men grahon ka kya yogdan hota hai.
surya: atm vishvas, drirh nishchay, nirogi kaya, bhagya, nam, yash, sarkari sahayta, pita ki sahayta, vivekpurn nirnay, ganbhirta, barappan, dur drishti.
chandra: man tatha dhan ki sthiti, rajkiya anugrah. chandra rashi hone ke karan gochar ki dashaen yahin se dekhi jaengi.
mangl: josh, utsah, uttejna, parakram, kuch kar gujrne ki tivra ichcha, tark shakti, uhapoh, shatru par vijay, drirh nishchay, jamin jaydad ya achal sanpatti, pratiyogita men mukabla aur kort kachhri ke vivadon ko niptane ki shakti.
budh: budh ilektraenik tatha print midiya ke madhyam se vyakti ko nai-nai jankariyan deta hai. utpadit vastu ko janta men lokapriya banane ke nae-nae ayam dhanudhne ka karya budh karta hai. budh hi buddhi tatha vani ka svami hai.
guru: punji ki vyavastha brihaspati karta hai. kushal prabandhan kshamata, sthayi sanpatti, bhavan, karya ke prati ganbhirta, samriddhi tatha paripakvata ka karak guru hai.
shukra: sansarik tatha vyavharik sukh, chaturta, vakt ke anusar khud ko dhalne ki kala, vani men madhurta, vahan, chal sanpatti, vigyapan, rin, vyavsay ka star, (sadharan, madhyam, uchchatara) adi ka nirdharan shukra karta hai. upri dikhava, asliyat ko chipane vali shan-shaukat adi ka karak bhi shukra hi hai.
shani: shani vyavsay ki lanbi ayu, lanbi tatha niyojit yojnaon, mashinri, majdur varg, atyadhik parishram, dhairya, sahi vakt ke intjar ka karak hai.
rahu: chaturta, rahasya, videsh yatraon, videshi logon se sanpark, videshi sanskriti, ayat, niryat, alag alag bhashaoen ilektraenik midiya, vayuyan, navinatam takniki gyan, vishay ko samjhne ki gahrai, jokhim lene ke sahas tatha jokhim ko bhanpne ki kshamata, gupt shakti, nivesh se dhan prapti, kabhi-kabhi truti ke karan galat nirnay, dusron ke prabhav men akar apna nuksan karne adi ka karak rahu hai.
ketu: yah sukshm gyan ka karak hai. kalpurje tatha mashin ki marammat, bhay ki sthiti, kathin karya adi yahi karvata hai. archnon tatha kathor parishram ke bad saflta deta hai. is tarah se ye grah apni apni bhumika nibhate hain. ek udyogpti ko in dashaon se gujrte samay aise halat ka samna karna par sakta hai. utpadan men agrani kuch vishesh grah hain mangal, shani tatha budh. mangal parakram, shani jivika tatha budh buddhi ka karak hai.
krur grah: shani, mangal aur surya urja tatha yantra shakti se jorte hain. guru ka ashirvad sthayitva pradan karta hai. atah guru srijan ka vichar deta hai. mangal se jivantta milti hai, budh srijan ko jivantta men badlne ki buddhi deta hai jabki shani karya ko purn karne ke lie sadhan jutata hai.
pairamitr:
1. lagna/lagnesh
2. dashm/dshmesh
3. bhav: dvitiya, tritiya tatha navm
4. varga: di-9, di-10
5. yogkarak dashaen
6. kuch vishesh yog jaise panchmhapurush yog, viprit rajyog, nich bhang rajyog chathe, athven aur 12ven bhavon ke adhiptiyon ka apas men sanbandh. uchch ya nich ke grah bahut teji se prabhav dikhate hain.
lagn tatha lagnesh ki damdar sthiti kisi bhi sthiti se niptne ki kshamata deti hai. kai bar vyakti svayan apni sanstha shuru karta hai aur kai bar yah use virasat men prapt hoti hai. ham udaharan men donon tarah ki kundliyan lenge. yah bhi dekhenge ki dashaon ne kis tarah se vikas karvaya tatha pratibha ko nikhara. utpadan kis kshetra se sanbandhit hoga yah dashmesh ki sthiti se pata chalta hai.
yahan ham keval yah dekhenge ki yah pravritti banane men kaun se grah mukhya bhumika nibhaenge. shani, mangal aur budh kendra sthanon tatha pancham ko jarur prabhavit karte hain. virasat vali sthiti men dvitiya bhav tatha dvitiyesh bhi bali hote hain. sath hi navam bhav bhagya ka bali hona batata hai.
udaharan - 1 13.1.1950, 01.33, dilli, mahadshaen: janm se rahu-guru-shani-budh utpadan shuru karne ka samy: 1984/85 utpadn: plastik baig pairamitar ka avlokn:
û hans yog tatha vargottam surya û chathe, athven aur 12ven bhavon ke adhipti ek sath yuti men.
û mangal, budh tatha guru ka prabhav kendron par par raha hai.
û tin grah vakri hain. yah yog asanbhav ya mushkil karya ko bhi hal karne ki kshamata tatha achcha takniki gyan deta hai.
û dashansh kundli men shani ka nich bhang mangal se ho raha hai. kundli puri tarah se shani, mangal, surya aur rahu ke prabhav men hai. islie shani/rahu ki dasha men rasayan se sanbandhit karya shuru hua.
û shani ki mahadsha falne fulne men sahayak hui.
udaharan - 2 01.11.1978, 12.05 ratri, dilli janm se dashaen milin rahu-guru-shani. utpadan ikai paitrik sanpatti ke rup men prapt hui.
û jatak ka janm sundar abhijit muhurt men hua. kark lagn apne ap men rajyog karak hai jisne janm ke sath hi parivar tatha bhagya ki sthiti prabal yogkarak bana di.
û hans yog tatha malavya yog is patrika ke vishesh abhushan hain.
û surya ka nich bhang rajyog ban raha hai.
û dvitiyesh tatha navmesh ki prabal sthiti parivar se vyavsay ki prapti darshati hai.
û tinon kundliyon men surya-chandra ki yuti shani se prabhavit hai.
û uchch ke guru ki 16 sal ki dasha ne sthiti ko aur majbut banaya tatha shani ne plastik vyavsay se jora. udaharan - 3 30.06.1970, 21.10, amritasar utpadan karya: kapra banane ka karkhana (virasat men prapta) dashaen milin chandra-mangl-rahu-guru.
û shas yog ke alava chathe aur athven bhavon ke adhiptiyon ka apas men sanbandh û nich bhang rajyog aur shani ka dvitiyesh hokar chaturth men baithakar dasham ko prabhavit karna donon parivar se vyavsay ki prapti ke dyotak hain.
û bhagyesh budh bhi dvitiyesh shani se drisht hai.
û guru ki dasha hal men shuru hui hai. yah vyakti apne vartaman karya ke sath-sath ab jins ke kapron ka utpadan bhi shuru karne ja raha hai.