aksar dekha gaya hai jab insan ke yahan shishu ka janm hota hai to jatak ke jivan men ek naye adhyay ka aranbh hota hai aur uske paln-poshan ke bare men use itni jankari nahin hoti aur samy-samay par use kai pareshaniyon ka samna karna parta hai. agar ap bhi inhin paristhitiyon men chal rahe hain to jyotish shastra apki kis tarah sahayta kar sakta hai.
- agar apka bachcha bina kisi karan rota rahta hai ya atyadhik chainkta hai to kya karen? aisi sthiti men ap shukla paksh ke brihaspativar ko fitkri ka ek tukra len. use safed kapre men bandhakar safed dhage men pirokar bachche ke gale men pahnayen, bachche ko avashya labh hoga. agar apka bachcha khana-pina band kar de v dudh tak n piyen to aisi sthiti men kya karen? bachcha jo bhi khana khata hai
us khane ko ek thali men paros kar v dudh lekar bachche ke munh lagvayen aur 7 bar bachche ke upar se khane v dudh ko ubarte hue un hrin annapurne sada purn svaha ka uchcharan karte hue khane ko kisi bhi janavar ko khila den. apka bachcha dhire-dhire khane-pine lag jayega.
- bachcha bar-bar bimar hota rahta hai, daktaron ko dikhane ke bad bhi koi vishesh labh nahin ho raha ya davai lag nahin rahi ho to kya karen? -shukla paksh ke manglvar ko ashtadhatu ka kara bachche ke nap ka, sunar ko banvane ke lie den v shanivar ko lekar apne kare ko gangajal se shuddh karne ke uprant ghar ke mandir men hanuman ji ke samaksh kare ko rakhen v ek mala jap hanuman chalisa ki ek chaipai nase rog hare sab pira.
japat nirantar hanumat bira. ka path karen aur bachche ke thik hone ki kamna prabhu se karen v vah kara bachche ke dayen hath men dal den. yah prakriya til ke tel ka dipak jalakar ratri 11 baje se 1 baje ke bich men karen.
- agar bachche ko dudh hajam nahin ho raha ho to kya karen? aisi sthiti men dudh ko bachche ko pilane se pahle kuch samay ke lie ghar men bane mandir men rakhne ke uprant bachche ko pilayen. isse bachche ko dudh hajam ho jayega v bar-bar ulti nahin karega.
- bachche ke janm uprant kai bar bachche ki mata ko atyadhik kasht jhelna parta hai v taviyat bhi lagatar kharab hoti jati hai to aisi sthiti men kya karen? pere v batashe lekar bachche ka hath lagvakar kisi bhi skul men ja kar bachchon men banten. man bachche ke svasthya men avashya labh hoga.
- agar bachche ko najar lagi pratit ho rahi ho to kya karen? ek fitkri ka tukra len, bachche ke upar se 7 bar ubaren v use bayen hath se kutte hue uska churn bana den v use (churn ko) gande nale men pravahit kar den. - dandi vali 7 lal mirch v kuch rai ke dane bachche ke upar se 7 bar ubaren aur use jala den. aisa karne se bhi najar dur hoti hai.
agar bachche ke janm uprant mata-pita ko bar-bar kasht v samasyaon ka samna karna par raha hai to kya karen? shanivar ki rat ko mata apne bachche ke sir se choti vale sthan se kuch bal lekar use diye ki lau se jala den. mata-pita ko hone vale kasht v samasyaon se avashya chutkara milega.