koi bhi jatak jab kisi mukdme men fansta hai to n keval uske dhan ki kshati hoti hai apitu samay ka bhi vyarth hi durupyog hota hai. vah jatak mansik v sharirik donon rup se dukh katta hai. apne vyavsay ya naukri men bhi samay n dene ki vajah se nuksan uthata hai. parivarik v samajik uttaradayitvon ko bhi purn nahin kar pata v din par din inhin uljhnon men fansta chala jata hai aur apne jivan ko kathinaiyon se paripurn manne lagta hai.
kai bar dekha gaya hai ki jatak jhuthe mukdmon ke chalte itna pareshan ho jata hai ki apni jivan lila tak bhi samapt kar leta hai. bhagvan aisi paristhitiyan kisi ke sath bhi n banayen. parantu yah jivan hai. ismen jatak jane anjane apne karmon ke anurup in paristhtiiyon men fans jata hai. agar ap bhi inhin paristhitiyon men fans gaye hain to ap in paristhitiyon se niklne ke lie kya karen?
- jyotish shastra ke dvara janen ki ap mukdmon men kaise fans gaye.
- jab kisi jatak ki kundli men mangal v rahu ki yuti v koi sanbandh paya jata hai to jatak mukdmon men fansta hai.
- kisi bhi tarah ke mukdme men fansne par ap kya karen?
- subah snan v nityakarm karne ke uprant suryoday ke samay tanbe ke bartan men jal v roli mila kar surya ko aghrya den tatha 9 bar un aditya namah ka jap karen v us jal ka tilak mathe par lagaven. is kriya ke uprant vahin asan par baith hanuman ji ka dhyan lagakar tin mala jap is shlok ka karen: durgam kaj jagat ke jete, sugam anugrah tumhare tete. lagatar 27 din tak yah prakriya karen avashya hi apko mukdme se chutkara milega.
-naukri men kisi tarah ke jhuthe iljam lagne par ap mukdme men fans gaye hane to kya karen? manglvar ki sayan ko hanuman ji ko chameli ka tel charhaven v tulsi ke patton ki mala hanumanji ke gale men dalen (keval purush jatk). striyan mala ko charnon par arpit karen.
ek mala jap is mantra ka karen: un namo bhagvte ramdutay man hi man mukdme se chutkara pane ki kamna karen. is prakriya ko 11 manglvar ko karen avashya hi ap jhuthe mukdme se chutkara payenge.
- ap doshi nahin hain kintu apko saja ya jel ho gai hai to aisi paristhiti men ap kya karen? uttar disha ki or mukh kar baithen v pratidin 9 bar hanuman chalisa ka path karen aur bhagvan hanuman ji se man hi man apne upar aye kasht ke nivaran ki kamna karen, avashya hi apke kashton ka nivaran hoga. pyaj, mans, madira ka prayog n karen.
- parivar men v bhaiyon men jamin-jaydad v karobar men bantvare ke vivad men mukdme men ap fans gaye hain to ap kya karen? lagatar 9 manglvar hanuman ji ke mandir ja kar bajrangban ka path karen. path uprant halva puri ka prasad garibon ke bachchon men banten. faisla shighra hoga aur mukdme se bhi chutkara milega.