itihas gavah hai ki brahmand ka koi bhi grah manav ko itna romanchit v lalayit nahin kar paya jitna ki mangal grah ne kiya hai. is lal rang ke akarshak grah ke bare men janne ke liye vaigyanik hamesha se utsuk rahe hain. yah unhen achanbhit kar uttejna se bharta raha hai. adhunik vaigyanik shodhon se bhi yah siddh hua hai ki mangal grah aur prithvi ke bich men koi samanta hai, vo bhi itni ki yah mana ja raha hai
ki kabhi bahut pahle mangal grah prithvi ka hi ek hissa raha hoga aur kalantar men yah prithvi se alag ho gaya hoga. bhartiya puranon ke anusar bhi mangal grah ko ‘‘bhaum’’ ya ‘‘bhumi-putra’’ arthat ‘bhumi ka ansh’ bhi kaha gaya hai. isse yah bhi siddh hota hai ki bhartiya puranon ke lekhak, hamare mahan rishi-muni adhunik vaigyanikon se durdrishti men bahut age the. svarup v visheshtayen:- mangal grah ag hai. ismen garmi hai, tej hai kyonki yah agniputra hai.
‘‘brihatparashar horashastra’’ ke anusar - ‘‘kruro raktekshano bhaumashchapaladarmurtikah pittaprakritikah krodhi krishamadhyatnurdvi ja’’ arthat krur, rakt netra, chanchal, udarhriday, pittaprakriti, krodhi, krish mangl: kya kahte hain puran dae sanjay buddhiraja aur madhyam deh ka svami mangal hai. ‘‘nardiya puran’’ ke anusar - ‘‘krurdriktaruno bhaumah paittikashchapalastatha’’ arthat mangal krur dikhta hai, yah yuva hai, yah chapal hai aur sahsi bhi hai. ‘‘garur purananusar’’ ek vishal rath par savari karne vale bhumiputra ke rath ka rang sunhra hai aur yah ath ghoron dvara khincha jata hai jinmen ag si chaplta hai.
is karan mangal sahsi, nidar v tej hai. ‘‘jatakatatvam’’ ke anusar - ‘‘dushtadrik tarunah krishamadhyo raktasitangah paittikashchaladhirudarapratapyarah’’ namavli:- mangal grah ko hamare hindu puranon ne kai nam diye hain jo mangal ki visheshtaon ko hi batate hain, jaise ki angarak - agni se paida hua bhaum - bhumi ka putra kuj - bhumi ka putra mangla - manglkarak lohita - lal agnibhuvah - agni se utpann mahisut - bhagvan shiv ki santan bhu-sut - bhumi ka putra dharaj - dhara yani prithvi putra krurnetra - krur ankhon vala mirrikh, lohitang, avnij, kshitinandan adi. arthat ankhon men kaniyanpan, javan sharir, patli kamar, halka rakt varn, pitt pradhan prakriti, chanchal buddhi, udar v pratapi ye mangal ki visheshtayen hain.
vatavrn:- mangal grah ke vatavaran ko lohita arthat lal kaha jata hai. yah nau rashmiyon yukt aur jaliya sthal vala hai. ‘‘lohito navarashmistu sthanmapyan tu tasya vai’’ janma:- ‘‘matsya puran’’ anusar sabhi grah surya ki rashmiyon se paida huye hain. ‘‘sanvardhanastu yo rashmiah s yonirlohitasya cha’’ arthat lohita yani mangal bhi surya ki un rashmiyon ki paidavar hai jise ‘‘sanvardhana’’ kahte hain.
bhagvan shiv se sanbandh: ‘‘skand puran’’ ke anusar jab bhagvan shiv ko sati ke marne ka dukh hua to unhonne kailash parvat par tandav kiya jisse unke sharir men atirikt ushma utpann hui aur mathe se pasine ki ek bund prithvi par giri.. is bund se ek balak utpann hua jiske sharir ka rang lal tha, uski char bhujayen thin, tan se ek vishesh prakar ki gandh a rahi thi aur usne rona shuru kar diya tha.
dharti mata ne us balak ko god men liya aur dudh pilakar shant kiyais bat se bhagvan shiv ne prasann hokar dharti yani bhumi ko vardan diya ki yah balak ab uske nam se jana jayega. kyonki balak ka palan poshan bhumi ne kiya tha, atah balak bhumi-putra, bhaum aur kuj kahlaya. bhagvan shiv ke pasine se mangal ki utpatti avanti (ujjain) ke pas hui thi. aj bhi vahan shipra nadi ke tat par mangal (manglantha) ka mandir hai.
bhagvan vishnu se sanbandh:- ‘‘devi bhagvt’’ men bataya gaya hai ki varah ke rup men avtar lene vale mahavishnu ki patni bhumi devi yani prithvi ke putra ka nam mangal hai. agni se sanbandh:- ek anya puran ke anusar kumar yani mangal, agni aur svaha (agni ki patni) ki santan hai. kumar kai namon se jana jata hai jinmen se kuch is prakar hain- bhaum, guha, mahasena, shaktidhara, shrabhu, senapti.
mangal ke karakatva:- ‘‘uttar kalamrit’’ ke anusar mangal se nimn vishyon ka
vichar karna chahiye:- shurta, bhumi, rajya, chor, virodh, shatru, pashu, raja, krodh, videshagaman, agni, pitt, ghav, chota kad, rog, shastra, kadva, grishmaritu, shil, tanba, dakshin disha, senadhish, vriksh, bhrata, dandadhikari, sanp, tarkashakti, grih adi.
vibhinn bhavon men mangal ke fal ah- ‘‘mansagri’’ ke anusar mangal ke vibhinn bhavon men sthit hone se nimn fal milte hain - pratham bhav men - sharir men rog, chanchl; dvitiya - tej aur chatora ; tritiya- vidvan, sahsi; chaturth - kasht bhogne vala, dukhi ; pancham - dhan v santan ki kami ; shasht - balvan, shatru vijeta ; saptam - patni se nishkasit ; ashtam - svasth v khush ; navam - ghayal, bhagyahin ; dasham - vidvan v sahsi ; ekadash - dhani v sammanit ; dvadash - nirdhan v bimar. mangal ke vyavsay:- ‘‘uttar kalamrit’’ ke anusar mangal grah se sanbandhit nimn vyavsay hone chahiye ah- agni, bijli, rediyo, bhatthi adi ke sabhi karya. barud, banduk, top talvar adi shastron ke karya, sena se sanbandhit karya, mangal ki puja:- mangal ki shanti ke liye nimn din shubh kahe jate hain -
û manglvar mangal grah ke liye shubh din hai.
û jab kabhi shukla paksh ki chaturthi manglvar ko ati hai to yah din mangal ki puja ke liye shubh mana jata hai. ise angarak chaturthi bhi kahte hain.
û ‘‘skand puran’’ ke anusar shashthi tithi ko bhi mangal ki puja ke liye shubh kaha jata hai kyonki isi din mangal ko senapti banaya gaya tha. is din mangal ki puja karne se dhan v putralabh milta hai. ‘‘aputro labhte putramdhno pi dhanan labhet’’
û yadi angarak chaturdashi ko mangal ki puja ki jaye to sau surya grahnon ke barabar fal ki prapti hoti hai. mangal grah ki prarthanayen:- ‘‘skand puran’’ ke anusar angarak shaktidhro lohitango dharasutah. kumaro manglo bhaumo mahakayo dhanapradah.. rinaharta drishtikarta rogkridrognashnah. vidyutprabho vranakar kamdo dhanahat kujah.. sarva nashyati pida ch tasya grahkrita dhruvam..