‘‘gauri-shankar rudraksh dharan karne se vyakti ko sukhi danpatya jivan aur khushhal parivar ki prapti hoti hai aur bhagya men vriddhi hoti hai aur vaivahik jivan men koi samasya nahin ati hai.’’ vivah n hone ya parivarik shanti n hone par vyakti ko mansik v sharirik rup se kafi pareshaniyon ka samna karna parta hai. vah purn rup se apne karyon men dhyan nahin de pata, kai bar to anek rogon ka shikar bhi ho jata hai jismen mansik tanav v raktachap pramukh hai. aisi sthiti men yadi vah bhole nath ki stuti karta hai aur gauri-shankar rudraksh dharan karta hai to shighra vivah hota hai
aur anya kai samasyaon v rogon ka ant bhi hota hai. parivarik shanti v vaivahik jivan men a rahi samasyaon ke samadhan ke liye gauri-shankar rudraksh dharan karne se man parvati v bhagvan shankar ka ashirvad prapt hota hai. jis vyakti ke vivah men badha a rahi ho ya vaivahik jivan ki samasyaon ka ant n ho raha ho to gauri shankar rudraksh pahnne se sabhi samasyaon ka samadhan ho jata hai, jivan anandamay ho jata hai aur us par bhagvan shiv v mata parvati ki kripa bani rahti hai. gauri-shankar rudraksh bhole nath v man parvati ka yugal rup hai.
gauri-shankar rudraksh dharan karne se n keval larke-larki ko yogya jivn-sathi ki prapti hoti hai apitu mangli dosh v anya doshon se bhi mukti milti hai.