vinay shakti ki shobha hai..  

vinay shakti ki shobha hai... kisi vyakti ke vyaktitva ke vikas men shakti ke sath-sath vinay ki bhumika bhi aham hoti hai. vinay ho to shakti ki shobha svaymev barh jati hai. yah tathya ham pichle ank men mahavir hanuman ke rin se mukti ke prasang men dekh chuke hain. usi kram ko age barhate hue is ank men vinay ki mahima ke sath-sath pathkon ke labharth un pavanasthalon ka varnan prastut hai jahan pavndev ke 49 rupon arthat maruton ne hanuman dvara pradatt pushp girae...sh rin se mukti hetu upayon ke kram men mahavir hanuman ne mata ke adeshanusar sabhi grahon, devi devtaon, gandharvon, yakshon, kinnaron, daityon, asuron, sabhi shaktiyon, rishi-muniyon, mahavidyaon, shastron, tatvon, indriyon, jiv-jantuon adi ke sath-sath apne pita pavndev ke 49 rupon arthat maruton tatha bhagvan bhaskar ko bhi shraddha-bhaktipurvak divya pushp arpit kie. un maruton ne usi bhaktibhav se tinon lokon ke sabhi praniyon, prakriti tatvon adi ko ve sare pushp pradan kar die. mahavir hanuman ko vardan dekar divya pushpon se lade hue tatha divya sugandhi ki madkta se unmaÿa atpti chal se ja rahe surya dev ko pavan dev aur pavan putra kuch der tak anandpurvak dekhte rahe. fir unke ankhon se ojhal hone ke uprant vayu dev ne hanuman ji se kaha, ‘‘dekho vatsa! tumhare die hue pushpon ka kaisa adbhut prabhav para surya dev par?’’ hanuman ji vinit bhav se bole, ‘’ye mere shiksha guru hain. mujh par sadaiv inki kripa rahi hai.’’ pavan dev ne jhat kaha, ‘‘tumhara inse ek sanbandh aur bhi hai. tum jin vanar raj sugriv ke mantri ho, ye unke pita hain.’’ ‘‘isilie to surya narayan mere pujya hain.’’ ‘‘tum bare bhagyashali ho putra! ab tum apna shesh karya pura karo aur mujhe vida karo. mujhe bahut bara kam karna hai. jin-jin devi-devtaon, shaktiyon aur siddhiyon ko tumne pushpanjli arpit ki hai, un sabhi ne apne pushp mujhe dekar sarvatra bikherne ki prarthana ki hai. yah karya mujhe karna hai.’’ ‘‘kasht ke lie kshama chahta hun.’’e ‘‘ismen mujhe kasht nahin anand hoga vats, kyonki tumhare ye pushp jahan-jahan girenge, vahan-vahan apurva chamatkar utpann karenge.’’ ‘‘vah chamatkar mere karan nahin, apke sparsh ke karan hoga.’’ ‘‘tumhari yahi vinamrata tumhari shakti ki shobha hai. shakti ke sath vinay ho, to kya kahna. jab koi tumhen pavan putra kahakar sanbodhit karta hai, tab main gad-gad aur dhanya ho jata hun.’’ hanuman ji ne unki parikrama ki aur charnon men pranam kiya aur hath jorakar khare ho gae. fir kalyanamastu kahakar pavan dev ur chale. pushp girane men maruton ne uÿar-dakshin ya purva-pashchim disha ko nahin dekha. unhonne udartapurvak samast dhara par ful barsae. bharat varsh ke kuch sthanon par gire in divya pushpon ne adbhut prabhav dikhaya. inmen ek pramukh sthan hai asam kamrup. yah ek prasiddh tantrapith hai jahan ma kamakhya virajman hain. in pushpon se prabhavit bharat ke kuch aur bhi sthal ullekhniya hain, jaise nabhi sarovar mangliyavas, vrindavan, yamunatat, narayan, bhairana, bhuvneshvar, konark, tirupti, puri, rajarappa adi. mangliyavas: iska upakhyan bara rochak hai. kahte hain, ek bar brahmaji bhumandal par padhare aur ek ramnik sthan dekhakar unhonne vahan yagya karne ka sankalp kiya. brahmaji ka sankalp pura hone men der kaise lagti. rishi-muni aur sabhi dev gan tatkal upasthit ho gae. bat ki bat men yagya ki sari samagri bhi jut gai. yagya-karya men patni ka hona bahut avashyak hai. atah brahmaji ne sarasvati ko ane ke lie kahlaya, kintu sarasvati kisi karanavash samay par nahin pahunch sakin. yagyaranbh ka muhurt talta dekhakar acharyon ki anumti se brahmaji ne gayatri nam ki ek gop kanya se vivah kar liya aur use sath baithakar yagya-karya sanpann kiya. brahmaji tatha unki navvivahit patni gayatri devi ke yagya purva aur yagyaoprant men snanarth ek jalashay yahan banaya gaya tha. usmen donon ne snan kiya aur usi ke jal se devtaon ko aghrya adi diya. ae hue sab rishiyon tatha devtaon ne bhi usmen snan kiya. aj vahi jalagar pushkar ka nabhi sarovar kahlata hai. yagya-karya sanpann hone ke uprant, brahmaji aur gayatri devi ne jis sthan par pratham ratri vyatit ki, vah manglvas ke nam se prasiddh hua. kalantar men vahi manglvas apabhransh rup men mangliyavas kahlaya. yahan par brahmaji aur gayatri devi ke pratham ratri-nivas ke falasvarup do kalpavriksh utpann hue jinmen se ek raja kalpavriksh aur dusra rani kalpavriksh ke nam se jana jata hai. manyata hai ki yadi koi vyakti kisi kamna ki purti ke lie apni samathrya ke anusar nishthapurvak yahan puja-aradhna karta hai, to uski kamna avashya purn hoti hai. kuch sthal aise bhi hain, jo pahle se hi vishisht mahatva vale hain. in par jab divya pushp gire, tab inki mahima aur adhik ho gai. mokshadayini sat puriyan ayodhya, mathura, maya, kashi, kanchi, avantika aur dvarika inmen pramukh hain. in sapt puriyane par jab pavan dev ne hanuman ji dvara arpit pushp girae, tab ye atyadhik uddipt ho gain. inki shobha dekhte hi banti thi. kuch samay bad devechcha se vayu ke jhokon ne anya 6 puriyon ke pushp urakar mayapuri par bikher die. fir mayapuri ki unmaÿata ka kya kahna. apni unmattata ke vashibhut apni sudh-budh khokar vah madmati dharti par n tik saki aur prithvi ke garbh men sama gai aur kalantar men ratnakar sagar ke tat par prakat hui. divya pushpon ke prabhav se vah bhumi atyant manohar thi. shighra hi vahan ek basti bas gai. mayapuri se uÿam hone ke karan us basti ko log daiv prerna se mayapuri kahne lage. samay bitta gaya aur vah choti basti uÿaroÿar vishal hoti gai, sath hi bhasha ke parivartan se uske nam men bhi parivartan hota gaya aur aj yah nagri munbai ke nam se jani jati hai. tin or se sagar se ghire hone ke karan ise punyadayak kapil kshetra bhi kaha jata hai. yahan asadhya sadhna ke lie bhi sadhak ko sabhi prakar ke sadhan samuchit rup men sulabh ho jate hain. kuch log asam ke kamrup pradesh ko mayapuri mante hain, jiska ullekh pahle kiya ja chuka hai. yahan bhagvti durga ke vahan sinh ka sarvadhik ojasvi svarup sthit hai. narayn-bhairana: ye donon sthan jaypur se lagabhag 70-80 kilo mitar dur sthit hain. yahan par bhi vayu dev ke dvara girae gae divya pushpon ka prabhav parilakshit hota hai. rajarappa: jharkhand ke hajaribag jile men ramagarh kaint se 30 se 35 kilo mitar dur sthit is divya sthal par ek or se mahanad damodar akar pahar ki talhti se takrata hai aur dusri or se, kahin patli kahin moti kintu atyant tej dhara vali bhairvi nadi se milta hai. yah sthal tantra ghat ke nam se prasiddh hai. is tantra ghat ka itihas bahut prachin hai. markandey puran men ullekh hai ki maharshi medha ne raja surath aur samadhi nami vaishya ko jab bhagvti mahamaya tatha durga devi ke prakatya ki katha sunai thi, usse bahut pahle hi yah tantraghat avasthit tha. tab yah bhagvti chinnamasta tatha mahakal ka siddh kshetra kahlata tha. tantraghat ki alaukikta aj bhi vidyaman hai. yah nitya chaitanya evam jagrat hai. yahan ane par bhakton ko asadharan chamatkar ki anubhuti hoti hai. yahan ki ek visheshta yah hai ki devi ko charhai gai bali par makkhiyan nahin baithtin, chahe jitna samay bit jae. yahan par ki gai manauti ashu falvti hoti hai aur bhagvti apne bhakt ki pratyek kamna purn karti hanai. is tarah shri hari ke saman unki prakriti bhi anant hai. iska pura gyan prapt karna manushya ke vash ki bat nahin hai. iska purn gyan to iske svami shri hari ko hi hai. isi prakriti ke kror men sthit ukt divyasthal apni daiviya shakti aur naisargik chata ke karan samast vishva men prakhyat hain. in divya sthalon men akar nishthapurvak sadhna upasna karne vale sadhkon ki manokamnaen puri ho jati hain.