sanvat pravesh kundli men dasham bhav men guru ki sthiti yah bata rahi hai ki rashtrapti mahoday mahatvapurn v aitihasik nirnay lene men saksham ho sakenge. ekadshesh budh ke ashtam bhav men nichrashisth hone se sansad, pradhanmantri, kanun v shasan vyavastha purva ki bhanti pangu rahegi. rashtra ki janta rojamarra ki jindgi men asuraksha ki bhavna se grast rahegi. ashtam aur ashtam se ashtam bhav par adhikadhik grahon ka jamavda kangres parti ke viruddh vidroh tatha kangres raj ke patan ka sanket hai.
prakritik apda, atmahatya, apradh v durghatanaon ka prakop vigat varshon se kahin adhik rahega. vishva men vibhinn dharmon men alg-alag tithi v samay ko naya varsh manaya jata hai. isi tarah hindu dharm men nae sal ka aranbh chaitra shukla pratipda yani gudi padva se mana jata hai. aisi manyata hai ki bhagvan brahma ne isi din se srishti nirman ka karya praranbh kiya tha. is din se chaitra navratri ka praranbh bhi hota hai. is tithi se vikrami sanvat ka pranrabh bhi hota hai. ujjain naresh raja vikramaditya ne isi tithi se kalgnna ke lie vikram sanvat ka aranbh kiya tha jo aj bhi hindu kalgnna ke lie sarvashreshth mana jata hai. jyotish ke anusar pratyek sanvat ka ek nam hota hai tatha vibhinn grah is sanvat ke svami, raja v mantri hote hain jiska asar varshabhar jan samanya par dikhai deta hai.
parabhav namak sanvatsar hindu panchang ke anusar is varsh 11 aprail 2013 ko vikram sanvat 2070 ka aranbh hoga. is varsh parabhav namak sanvatsar rahega jiske svami ketu, raja guru v mantri shani hain. sath hi durgesh ka pad shukra ke pas rahega. janie jyotish ki drishti se yah varsh kaisa rahega. parthivairmandale shaishch samapnterdand naykeah. kshutpipasa tura lokaah pidayante vai parabhvai.. arthat parabhav sanvatsar men raja, adhikari, rajya, sarkaron ya dand dene men samarth vibhagon ke dvara logon ko kasht hota hai. khadyann v pey jal ki samasya khadi hoti hai. agni bhay, shastra bhay, rog, pida aur shatruon ke sath yuddh ki sthiti ban sakti hai.
atankvad, bhukanp, yan durghatana adi hone ke yog banne ki sanbhavnaen rahengi. svami ketu ka fal: varsha kam hoti hai. chaitra aur vaishakh men anaj mahanga hoga tatha andhi tufan, badal garajan, bijli adi se bhayavah sthiti rahegi. jyeshth men havaon aur tufan ke karan kshati hogi. ashadh men varsha kam parantu shravan men adhik hogi. bhadrapad men sukhe ki sthiti hogi. ashvin men anaj aur pey padarth mahange honge. raja guru ka fal: varsh ka raja guru hone se yuddh ki sthitiyan tal jaengi aur sanvatsar ke ashubh fal bhi kuch kam honge. paushtik pey, dugdh adi ka utpadan badhega. am janta bahut se dharmik anushthanadi men bhag leti rahegi. mantri shani ka fal: varsh ka mantri shani hone se dusht raja aur prashaskon ke nirdayi vyavhar ke falasvarup am janta ki sthiti sochniya bani rahegi aur asantosh ki bhavna badhti rahegi. jagat lagn kundli men lagnesh uchcharashisth hai
jiske falasvarup sab prakar ki faslen achchi hongi kyonki lagn par shubh grah guru ki bhi drishti hai. lekin sabhi pap grahon ke kendrasth hone se faslon ke nasht hone, sukha padne aur vishesh rup se mahangai ke badhne ke prabal sanket hain. ashadh aur paush ke mahine ashubh rahenge jabki shravan mas shubh rahega. yah varsh inglaind, denmark, jarmani, polaind, filistin, siriya, japan, madras, nepal, shrilanka, astriya, chin, tibbat, mishra, myanmar, arjentaina, kashmir, marvad, japan, amerika aur astreliya adi men upadrav, hinsa, arajkta, atankvad v prakritik apdaon ka sanket de raha hai. chaitra shukla pratipda ka aranbh 10 aprail 2013 ko sayan 03 bajakar 05 minat par ho raha hai
aur isi samay ko navsanvatsar pravesh kundli ka samay mana jaega jismen sinh lagn udit ho raha hai. auguis kundli ke anusar sanvat men badh ke prakop ka khatra hai. dakshini rajyon men anaj kuch sasta hoga. sanvat ke ardhabhag men sukh samriddhi bani rahegi. pashchimi rajyon men dhatu ki vastuen aur fal bahut mahange honge. uttar men atyadhik varsha hogi aur log sukhi rahenge. purvi rajyon men faslon ki paidavar kam hogi lekin antim panch mahinon men samriddhi bani rahegi. madhya bharat men in panch mahinon men vidroh ki sthiti banegi. sanvat pravesh kundli men lagnesh ashtamasth hai tatha surya, mangal, chandrama, budh, shukra ye sabhi ashtamasth hain jiske falasvarup rashtra ki janta rojamarra ki jindgi men asuraksha ki bhavna se grast rahegi. rashtra gaurav ki bhavna lupt hone lagegi. antrik suraksha ke karyon ko pura karne men rashtra sarkar v grih mantralay purnataya vifal rahega. sanchar ke sadhan bhi jarurat padne par nishkriya rahenge. arajkta jaisi sthiti bani rahegi. ekadshesh budh ke ashtam bhav men nichrashisth hone se sansad, pradhanmantri, kanun v shasan vyavastha purnataya pangu rahegi.
dasham bhav men guru ki sthiti yah bata rahi hai ki rashtrapti mahoday mahatvapurn v aitihasik nirnay lene men saksham ho sakenge. ashtam bhav men panch grahon tatha ashtam se ashtam men pap grahon ki sthiti yah sanket de rahi hai ki is varsh rashtra men prakritik apdaon, atmahatyaon, apradh v durghatanaon ka prakop gat varshon se kahin adhik rahega. jal: varsha alp matra men hogi. kahin-kahin sukhe jaisi sthiti utpann ho sakti hai. krishi ki avashyakta ke anusar varsha n hone ke karan kisanon ko tayubvel adi par hi sinchai ke lie nirbhar rahna padega. trin: is varsh jadi butiyon ki paidavar kam hogi jiske karan aushdhi nirman hetu kritrim rasayan adi par nirbhar rahna padega. pashuon ke lie hara chara ya bhusa adi ki paidavar kam hi rahegi. atah pashuon ke lie gat varsh men ekatrit bhuse par hi nirbhar rahna padega. vayu: is varsh vayu adhik tivrata se bahegi. kahin andhi to kahin tufan ke karan hani ki sanbhavna bhi bani rahegi. samudri tat par pahadi kshetron men hava ka adhik dabav bana rahega. vayu urja dvara chalne vali mashinon se adhik karya karke labh kamaya ja sakta hai.
anna: is varsh anaj jaise gehun, jau, chaval adi ka utpadan adhik rahega. jiske karan anaj ka ayat nahin karna padega balki niryat bhi uchit matra men karne ki sthiti banegi. surya ke adrra nakshatra men pravesh ke samay chaturdashi tithi padne se anaj aur kapda vishesh mahanga hoga. mithun arthat vayukarak rashi men chatugrrahi yog hone v jal tatva karak chandrama ke jaliya rashi men hone se visham varsha ke yog banenge. kuch kshetron men adhik varsha v badh jaise halat jabki kuch kshetron men kam varsha aur sukhe ki sthitiyan banengi. rohini ka vas samudra men hone se bhi aise hi sanket mil rahe hain.
22 jun ke bad bharat men vyapak rup se mansun ka praranbh ho jaega parantu vayu veg ki kami ke karan upyogi varsha ki kami rahegi. adrra pravesh kundli ke prabhav se is varsh sheyar market, rajkosh, rashtriya bainkon, ayat-niryat v anya vyaparik gatividhiyon men labh hone ke vyapak sanket mil rahe hain.