pratyek manglik karya men shrignpti ka pratham puujan hota hai. pujan ki thali men mangalasvarup shrignpti ka svastik-chihn banakar uske or-chor arthat agl-bagal men do-do khari rekhaen bana dete hain. svastik-chihn shrignpti ka svarup hai aur do-do rekhaen shrignpti ki bharyasvarupa riddhi-siddhi-buddhi evan putra svarup labh aur kshem hain. shrignpti ka bij mantra hai- anusvaryukt ‘ga’, arthat ‘gan’. isi ‘gan’ bij mantra ki char sankhya ko milakar ek kar dene se svastik-chihn ban jata hai. is chihn men char bij mantron ka sanyukt hona shrignpti ki janmatithi chaturthi ka dyotak hai. chaturthi tithi men janm lene ka tatparya yah hai ki shrignpti buddhipradata hain; atah jagrit, svapn, sushupti aur turiya-in char avasthaon men chaithi avastha hi gyanavastha hai. is karan buddhi (gyan) pradan karne vale shrignpti ka janm chaturthi tithi men hona yukti sangat hi hai. shrignpti ka pujan siddhi, buddhi, labh aur kshem pradan karta hai, yahi bhav is chihn ke as-pas do-do khari rekhaon ka hai. is prakar manglmurti shrignesh svarup ka pratyek ang kisi n kisi visheshta (rahasya) ko liye hue hai.
unka bauna (thingna) rup is bat ka dyotak hai ki jo vyakti apne karyakshetra men shrignpti ka pujan kar karya praranbh karta hai, use shrignpti ke is thigne kad se yah shiksha grahan karni chahie ki samajsevi purush sarlta, namrata adi sadgunon ke sath apne-apko chota (laghu) manta hua chale, jisse uske andar abhiman ke ankur utpann n hon. aisa vyakti hi apne karya men nirvighnatapurvak saflta prapt kar sakta hai. shrignpti ‘gajendravdn’ hain. bhagvan shankar ne kupit hokar inka mastak kat diya aur fir prasann hone par hathi ka mastak jor diya, aisa aitihasik varnan hai. hathi ka mastak lagane ka tatparya yahi hai ki shrignpti buddhiprad hain. mastak hi buddhi (vichar shakti) ka pradhan kendra hai. hathi men buddhi, dhairya evan gambhirya ka pradhanya hai. vah anya pashuon ki bhanti khadya padarth ko dekh punch hilakar athva khunta ukharakar nahin tut parta; kintu dhirta evan ganbhirta ke sath use grahan karta hai. uske kan bare hote hain. isi prakar sadhak ko bhi chahie ki vah sun sabki le, par uske upar dhirta evan ganbhirta ke sath vichar kare. aise vyakti hi karyakshetra men age barhakar saflta prapt kar sakte hain. shrignpti ‘lambodr’ hain.
unki aradhna se hamen yah shiksha milti hai ki manav ka pet mota hona chahie arthat vah sabki bhali-buri sunakar apne pet men rakh le; idhr-udhar prakashit n kare. samay ane par hi yadi avashyak ho to uska upyog kare. shrignpti ka ‘ekadanta’ ekta (sangthn) ka updesh de raha hai. lok men aisi kahavat bhi prasiddh hai ki amuk vyaktiyon men bari eka hai- ‘ek dant se roti khate hain is prakar shrignpti ki aradhna hamen ekta ki shiksha de rahi hai. yahi abhipray unko modak (laddu)’ ke bhog lagane ka hai. alg-alag bikhri hui bundi ke samuday ko ekatra karke modak ke rup men bhog lagaya jata hai. vyaktiyon ka susangthit samaj jitna karya kar sakta hai, utna ek vyakti se nahin ho pata. shri ganpti ka mukh-modak hamen yahi shiksha deta hai. shrignpti ko sindur dharan karane ka yah abhipray hai ki sindur saubhagya suchak evan manglik dravya hai. atah manglmurti shrignesh ko manglik dravya samarpit karna yukti-sangat hi hai. durbankur charhane ka tatparya yah hai- gaj ko durba priya hai. dusre, durba men namrata evan sarlta bhi hai. shriguru nanak sahab kahte hain- nanak nanhen bani raho, jaisi nanhi dub.sabai ghas jari jaygi, dub khub-ki-khub..
shrignpti ki aradhna karne vale bhaktajanon ke kul ki durba ki bhanti abhivriddhi hokar unhen sthayi sukh-saubhagya ki samprapti hoti hai. shrignpti ke chuhe ki savari kyon? iska tatparya yah hai ki mushak ka svabhav hai- vastu ko kat dene ka. vah yah nahin dekhta ki vastu nayi hai ya purani-bina karan hi unhen kat dalta hai. isi prakar kutarki jan bhi yah nahin sochte ki prasang kitna sundar aur hitakar hai. ve svabhavavash chuhe ki bhanti use kat dalne ki cheshta karenge. prabal buddhi ka samrajya ate hi kutark dab jata hai. shrignpti buddhiprad hain; atah unhonne kutarkarupi mushak ko vahan rup se apne niche daba rakha hai. is prakar hamen shrignpti ke pratyek shri ang se sundar shiksha milti hai. ganesh ji ki utpati ke sanbandh men anekon mat upalabdh hote hain. sankshep men yahan un sabhi ka digdarshan karaya ja raha hai.
û vaikhansagam men ganeshotpaÿia ki darshanik vyakhya ki gayi hai. iske anusar ‘ahankar-taÿv’ se akash ki utpaÿia hoti hai aur yah aksh-taÿv hi ‘ganesh’ hai. akash sarvadhar hai, atah ganesh ji bhi sarvadhar hain. akash ya uski shabda-tanmatra hi ‘ganesh’ hain. akash tatva se hi sabhi tatva samutpann hote hain aur antatah sabhi usi men vilin ho jate hain, atah akash men rup-tanmatra evan agni-tatva, ras-tanmatra evan jal-tatva, sparsha-tanmatra evan vayu-tatva, vayu-tanmatra evan prithvi-tatva-vishva ke samast mulbhut upadan nihit rahte hain. isilie akash sarvadhar hai. akash-tatva hai, atah ganesh-tatva men vishvopadan ke sabhi tatva evan unki samast sukshm tanmatraen bhi sukshm rup men avasthit hain. ganesh hi anat brahmandon ke adhishthata devta hain. upnishdon men ‘tvan brahma’ (akash brahm hai) kahakar akash ki brahmarupta siddh ki gayi hai; atah akashasvarup hone se ganesh ji bhi nishfal, niranjan, nirgun, nirakar, anavadya, advait, aj, akhand evan abhed parabrahm hain. vaikhansagam men hi dusre sthal par akash ko ‘ganadhipti’ kaha gaya hai aur yah bhi uparyukt tathyon ki sampushti karta hai. sankhyashastra ke anusar purush evan prakriti (shiv evan parvati) (mayan tu prakritin vidyanmayinan tu maheshvaram. shvetashvar 4.10) ke sanyog se hi ‘mahÿatva’ ki utpaÿia hoti hai aur ‘ahankar-tatva’ se akashadi ke tatvon ki.
û tantrik vidvanon ki drishti men muladhar men avasthit shakti (kul-kundalini ke atirikta) ka nam ‘ganesh’ hai. ve muladhar-shakti ko hi ganesh-tatva bhi mante hain.
û matsya puran men ek upakhyan hai ki parvati ji ne apne sharir ke ang lep se ek kridanak nirmit kiya. iske sir ki akriti gaj ke sadrish thi. unhonne use lakar gangajal se jaise hi uska abhishek kiya, vaise hi vah pranvan ho gaya. use parvati evan ganga-donon ne apna putra mana. yahi putra ‘ganesh’ ke nam se vikhyat hua.
û ling puran ke anusar devon ne bhagvan shiv se anurodh kiya ki ‘ap kisi ek aisi shakti ka pradurbhav karen, jo ki sabhi prakar ke vighnon ka nivaran kiya kare. devon ki is prarthana ke anusar bhagvan shiv ne svayan hi ‘ganesh’ ke rup men janm grahan kiya. is puran men ganesh ji ka bhagvan shiv ke sath tadatmya dikhate hue unki samast upadhiyon, visheshtaon, abhidhanon evan vishisht samanya lakshanon ka prayog bhi ganesh ji ke lie kiya gaya hai. iske sath hi sath shiv tatha ganesh-donon men abhinnata siddh karne ke lie bhagvan shiv men ganesh ji ki bhi visheshtaon evan lakshanon ko aropit kiya gaya hai. ‘vayu puran men bhagvan shiv ko ‘gajendrakarna’, lambodr’, ‘danshtrin’ (va. pu. 24.147. 30. 183) adi kahakar isi tathya ki pushti ki gayi hai. ‘brahmapuran’ men bhi ganeshji ki upadhiyon ka bhagvan shiv ke lie upyog karke donon men purn abhinnata ka pratipadan kiya gaya hai.
û ‘taiÿiariya brahmana’ men ganesh ji ke vahan ko bhagvan shiv ka bhi vahan kahakar tatha ‘saur puran’ men ganesh ji ko sakshat shiv hi kahakar yah siddh karne ki cheshta ki gayi hai ki shrignesh evan bhagvan shiv donon ek hi hain.
û ‘brahmavaivart puran’ ke matanusar ganeshji ka shrivishnu ke sath tadatmya hai. bhagvan vishnu shivji se kahte hain ki ‘parvati ji se ek putra hoga, jo samast vighnon ka nash karega.’ itna kahakar bhagvan vishnu ek balak ka rup dharan karke shiv ke ashram men gaye. ve parvati ji ki shayya par balak rup men let gaye. parvati ji ne unhen apna putra mana. yahi putra ‘ganeshji’ ke nam se lokvishrut hua.
û ‘shiv puran’ ke anusar parvati ji ne apne sharir ke anulep se ek manvakriti nirmit ki aur use agyapit kiya ki ‘main snan karne ja rahi hun. jab tak main nahin kahun, tab tak tum ghar ke andar kisi ko mat ane dena. tum grih dvar par pahra do.’ yahi grihadvar-rakshak shakti ‘ganesh’ ke nam se abhihit hui aur inhin ke sath bhagvan shiv ka sangram hua.
û ganesh-sampraday evan ganesh puran men bhagvan ganpti ko ‘mahavishnu’ evan ‘sadashiv’ kaha gaya hai aur unhen sakshat paratpar brahm mana gaya hai. ve hi prrapanch ki srishti aur sthiti sanhar ke adikaran hain. unhin se brahma-vishnu-mahesh ka pradurbhav hua hai.