tairo paddhati evan vaidik jyotish donon ko bhavishya fal kathan ki vibhinn pranaliyon men se aisi vidyaen mani hain jinka bharat men hi nahin balki vishva men sarvadhik prachalan ho raha hai. aj vigyan ne manav jivan ko saral evan sukhamay banane ke liye jahan anek avishkar kiye hain, vahin inhen sukhi banane vale sadhnon ne jivan ko itna jatil bana diya hai ki pratyek vyakti chintaon men duba hai. ab in chintaon ke bhar se dabi jindgi apne jivan ki samasyaon ka nidan jyotish athva tairo men dekhti hai. jyotish ki apeksha tairo kard ka adhyayan saral samjha jata hai. ismen kul 78 kard hain, jismen se 22 mukhya arkana ke atirikt 52 tash ke patton se sansar ke sabhi deshon aur sabhyataon ke log parichit hain. inmen char aur jor diye gaye hain. mukhya arkana men bhi chitron ke madhyam se samjhaya gaya hai. jahan vaidik jyotish ko adhyayan karne ke liye ek lanba samay chahie evan bhasha, ganit, bhugol evan bhautik shastron ki ek samanya samajh hona avashyak hai. vahin dusri or chitron ki bhasha ko atmasat karna utna kathin nahin hai. tairo kard ke chitron aur sankhyaon ko ek chota bachcha jise aksharon evan ankon ka gyan hai,
athva koi samanya vyakti jo sakshar hai asani se parh leta hai. yah ek manovaigyanik adhyayan ki vidhi hai. jin vyaktiyon ko antajrnyan ka ashirvad prapt hai ve asani se inhen parhakar inse fal kathan kar sakte hain. alabatta jinhonne vaidik jyotish ka adhyayan kiya hai tatha jinhen jyotish ka achcha gyan hai, unke dvara tairo kard ka fal kathan saral v satik ho jata hai. ek samanya vyakti ki apeksha ve is vidya men adhik nipun ho jate hain. prayah tairo kard se fal kathan karne vale bhi jyotish ka adhyayan karte hain. iska pramukh karan hai ki tairo kard men rashiyon, grahon, nakshatron, rangon tatha ankon ka sabhi chitron men prayog kiya gaya hai. inmen jyotish ki rashiyon ke saman un charon tatvon agni, vayu, jal tatha prithvi ko prayog kiya gaya hai. atah tairo adhyayan ki sukshmata men vaidik jyotish ka bahut bara yogdan hai. vaidik jyotish paddhati bharat men viksit hui vah vidya hai jise vedon ke chah pramukh angon men sthan diya gaya hai. yah vedon ki ankh mani gai hai. jaise manav sharir men ankhen n hone par manushya ji to lega, parantu uska jivan kitna adhura hoga, yah kalpana ke pare ka vishay hai. vaidik jyotish bharat ke prachin rishi muniyon, vidvanon ke saikro varshon ki khoj ka parinam hai. aj bhi kisi jatak ke janm ka samay, sthan evan kal ka sahi vivaran gyat hone par uske bhut, vartaman evan bhavishya ke nishchit samyavdhi par sanpann hone ki purn jankari di ja sakti hai. jatak ke jivan men hone vali sanpurn ghatnakram ka vivaran diya ja sakta hai. lekin tairo kard paddhati men chand dinon se lekar ek varsh tak ki avdhi men hone vali ghatna kram ke vishay men hi bataya ja sakta hai.
yah ek manovaigyanik paddhati hai, jismen vyakti n keval dusron ke vishay men balki apne gahan antarman ko parton men chipe rahasyon ke vishay men gyan prapt kar sakta hai, jise samanyatah bahri vyaktitva ko pata nahin hota, lekin vo jivan ko bahut nishchit rup se prabhavit karti hai. vaidik jyotish ka vikas aj se hajaron varshon purva mana jata hai, jabki tairo kard ka ullekh kuch sadiyon se hi iska praranbh mana ja raha hai. itihaskaron ki manyata hai ki ati prachin kal men bharat men tairo kard ka prayog kiya jata tha, jinhen ganjifa kard kaha jata tha. ve gol akar ke hote the, jinke ek or devi, devtaon, raja, rani adi ke chitra hote the. inko manoranjan evan bhavishyakathan ke rup men prayog kiya jata tha. madhya yug men jipsi log apne kabilon ke sath yatra karte hue ye kard yurop tatha pashchimi deshon men le gaye. kuch ki manyata hai ki bharat ke samriddh vyapari apne sath in kard ko vahan le gaye, tatha bad men inmen isai, yahudi v anya dharmon men se sanbandhit vyaktiyon ke pratik chitron ko ismen jor diya gaya. adhikatar vidvan tairo ka srot bharat se jorakar dekhte hain.
yurop men chaidhvin shatabdi ke purvardh men itli men 52 tash ke patton vala pahle kard ka sangrah paya gaya hai. bare 22 kard kaise kahan se jore gaye inka koi vivaran abhi tak gyat nahin hai. kuch vidvanon ki manyata hai ki kard ijipt ko devi jise jadu evan gurh rahasyon ki adhishthatri mana jata tha ki kisi pustak athva mohron se prapt hue hain. is gurh vidya ka itihas anek vyaktiyon v deshon se jorakar dekha jata hai. jahan prachin sabhyataon ka vikas hua. inka vartaman itihas unnisvin sadi se praranbh mana jata hai, jab yah yurop se lekar amerika tak prayog kiye jane lage. vishesh rup se pichle pachas varshon men inka prachar prasar bahulta se hone laga aur pashchim ke deshon ke sath-sath bhaarat men bhi yah tairo kard paddhati bhavishya fal kathan ke rup men prayog ki jane lagi. pashchim men to tairo kard bhavishya fal kathan ki ekmatra paddhati thi. tairo kardas ka sanbandh kabalah, manovigyan, jyotish, sankhya shastra, isai sukshm tantra evan bhartiya darshan se bhi jorakar dekha jata hai. ismen vyashti atma evan samashti atma athva jise bharat men jivatma evan parmatma kahte hain usse jorakar dekha jata hai.
tairo kardas ko atma ka aina kaha jata hai. yah hamare antarman ki parton men chipe rahasyon ka udghatan karne ke sath-sath agami jivan men liye jane vale nirnayon men bhi sahayak hote hain. yah vyakti ke man men chipi aisi baton ko pradarshit kar dete hain jo anyatha vyakti apne men hi simit rakhta hai. yah vyakti ki ichchaon, akankshaon aur uddeshyon ko darshane vali ek safal vidhi hai. yah kisi nishchit samay par vyakti ki un aspasht ichchaon aur apekshaon ko saflta se pradarshit kar sakti hai jo anyatha vyakti apne ap men simit rakhta hai. atah is paddhati ka prayog keval dusre logon ke bhavishya kathan ke liye n hokar apne svayan ke jivan ki samasyaon men bhi safal margadarshan karne men saksham hain. ismen karm ke siddhant ko bahut mahatvapurn mana gaya hai. jo ham kar ae hain unhin ka parinam hamare samne agami paristhitiyon ke rup men prakat hota hai.
yah hi hamari ichchaon, akankshaon ka udgam athva prerna srot hai. jo bhi hamara jivan tha, hai tatha hona hai, sab kuch purva nishchit hai, ise dekha aur parha ja sakta hai. vaidik jyotish ka adhar bhi karm ka hi siddhant hai tatha ghatnaon aur paristhitiyon ko purva nishchit man kar hi pichle karmon ka fal agle jivan men bhugtan karna hota hai. sabhi vyaktiyon ka janm unke purvarjit punya athva kamjor karmon ka parinam hota hai jo vyakti ki kundli ka adhyayan kar bataya ja sakta hai. kundli ka pancham bhav purva punya ka bhav mana jata hai. dasham bhav karm bhav hai, jabki navam bhav se dharm tatha pita evan videsh yatra ke vishay men jana jata hai. pancham bhav santan ka bhi bhav hai jabki saptam pati-patni ke sath-sath sajhedari v anya sanbandhon ko batata hai. atah vaidik jyotish ke adhar par kundli ka adhyayan manushya jivan ke sanpurn rup ka pradarshan kar sakta hai, lekin tairo kard ke dvara yah sanbhav nahin. yah vartaman ki samasyaon ka saral nidan hai. yah un vyaktiyon ki samasyaon ko suljhane men bahut sahayak hai jo mansik avsad se grast hain. pashchim men is paddhati ka prayog avsad se grast vyaktiyon ke purnasthapan ke liye vishesh rup se kiya jata hai tatha tairo ridar ko vastav men manochikitsak mana jata hai. aj ke yug men anek vaigyanikon evan daktaron ke adhyayan ke aise parinam samne ae hain,
jinki manyatanusar sharir men utpann hone vale anek bhishan rog jaise- dil ki bimari, kainsar adi ka karan mansik avsad mana ja raha hai. bisvin sadi ke pramukh manovaigyanik karla jung ka ismen vishesh yogdan mana jata hai. unke anusar jab vyakti tairo kard ko chantakar gaddi se alag karke nikalta hai to kard ka chayan uske andar men chipi aisi bhavna se prerit hote hain, jise vo bahar vyakt karna chahta hai. yah vyakti ki tatkalik mansikta se prerit hote hain. yah us kshan vyakti ke antashchetan man ki sashakt abhivyakti hai, jo bahar prakat hona chahti hai. ham sabhi apni achetan man men chipi bhavnaon ko kisi bahri madhyam se abhivyakt karna chahte hain. tairo kard iska bahut safal madhyam hai. tairo ke pratyek kard men ek pratik aur chinh men ek sandesh nihit hai. hamari antratma us sandesh ko janti hai, avchetan ko yah gyat hai ki ham apne jivan ko kis sthiti men dekhna chahte hain, parantu chetan man ko yah purnatah vishvas nahin ki yah sanbhav ho payega. tairo kard is kam ko bhali bhanti kar deta hai. hamari avchen man ki rahasyamay parton ko yah sarlta se udghatan kar deta hai. pratyek tairo kard ka koi nishchit arth ya sanket nahin hota. pratyek tairo kard hamare jivan path ke kisi nishchit kshan vishesh par ek parav matra hai. iske pratik aur chinh vo kahani kah dete hain jise ham sabhyata ke bahri prabhav ke karan vyakt nahin kar pate. pratyek kard sanyojan ki abhivyakti vibhinn tairo ridar ko alg-alag sanket deti hai. in kard ki bhasha ashcharyajanak rup se samriddh hai. samanya pathak ise parhakar yah prashn soch sakta hai ki tairo riding koi bhavishya ke fal kathan ki vidhi hai,
ya jivan ki samasyaon ko suljhane ke liye koi madhyam athva marg chayan hai. sanbhav hai yah donon hi hai. yah kisi nishchit adhar par thahra tathya nahin hai jo parivartit n ho sake. is tarah vaidik jyotish se yah koson dur hai jahan prithvi tatha uske ird gird sancharan karne vale grah nakshatron ke prithvi ke praniyon ke jivan par parne vali urja ke vishleshan se manushya jivan ki gatividhiyon ka safal bhavishya kathan kiya ja sakta hai. yun to jyotish men bhi jivan ki samasyaon se ghire manushya ki nakaratmak soch samjha kar parivartit kar sakaratmak jivan jine ke liye vibhinn prakar ke upay bhi rishi maharshiyon ne sujhaye hain. inmen rashi anusar ratn pahnna, dan, puja-path, mantra uchcharan, nadi-sagar snan, sadhu mahatma, vriddhon, ashayon ki sahayta evan vibhinn devi devtaon ki upasna adi. jivan ki samasyaon se nirash vyakti ko ek sahara athva ashvasan mil jata hai. bas ab duahkh aur nahin. sab samasyaon ke hote hue bhi jivan jine jaise ek chij hai. aj hamare bure karmon ka fal uday hua hai to sanbhav hai ane vale kal men punya fal bhi uday hoga. athva kuch log jinhonne pahle punya fal ka bhog samapt kar liya ho aur aj samasyaon se trast hain, nishchint rahen, asha ki nai kiran ek n ek din unke jivan men ek naya savera layegi jab punah samriddhi aur khushhali unke jivan ko ot-prot kar dega. paristhiti aur vatavaran nahin badlta, hamara unse sangharsh karne ka sahas aur bal badal jata hai. pathkon ko sanbhvtah yad ho aj se hajaron varsh purva ka itihas jab svayan bhagvan shrikrishn ke shanti ke athak prayatn karne par bhi mahabharat yuddh ko roka n ja sakta. yuddh men donon or khare sanbandhi aur gurujnon ki asann mrityu rupi yuddh ke bhayankar parinam ko sochakar arjun jaisa mahayoddha bhi kanp utha. usne hathiyar fenk diye tatha yuddh ko chorakar bhiksha vritti ke dvara shesh bache jivan ko bitane ki bat sochi. tab uske param sakha, sanbandhi yogeshvar shrikrishn ne use bhali bhanti samjhaya ki pratyek manushya apne karm fal se bandha hai. n chahte hue bhi anek utar-charhav har prani ke jivan men ate hi hain.
svabhavjen kauntey nibaddh sven karmana. kartunechchasi yanmohatkarinyasyavsho'pi tat.. (bh.gi 18 a-shlok 60) ishvarah sarvabhutanam hraddeshe'rjun tishthati. bhramayansarvabhutani yantrarudhani mayya.. (bhagvdgita a-18 shlo. 61) bhavarth - he arjun mohavash hokar aj tu jis karya ko karne ke liye udyat nahin hai, vah sab tu apni prakriti ke adhin hokar avashya karega. sab praniyon ke hriday men parmeshvar ka nivas hai jo unke karmanusar unke jivan ko chala raha hai. atah tairo kard evan vaidik jyotish donon hi hamen apne antarman men base parmeshvar se jorne ki ek prakriya hai. jane anjane ham sab vishvatma, samashti-atma athva parmatma se jure hain. chahen tairo ridar se salah len athva jyotish marmagya se hamen apni paristhiti se samjhauta karne ka sahas ekatra karna hi parta hai. aj vishva bhar men evan vishesh rup se bharat men jivan ki samasyaain itni jatil ho gai hai ki vyakti pareshaniyon se ghira dar-dar ki thokren khata kahin kisi jyotishi ka ata-pata khoj raha hota hai aur kabhi tairo ridar ka. aj vishva bhar men atank, asuraksha, naukri, vyavsay, vivah, talak, kalah, klesh, arthik v samajik kamiyan use bhanvar men fansi choti si nauka ki bhanti hilati rahti hai. pratyek vyakti kisi bhi kimat par dhanvan, sukhi, samriddh hona chahta hai. isi bhavna ke vashibhut mehanat se kamaye dhan se hajaron rupye kisi bhi jyotishvetta athva tairo ridar ko dekar samasyaon se jujhna chahta hai. koi n koi upay ki jigyasa liye ya to bahumulya ratn, nag-nagine dharan kar athva kisi bhi vidhi se samasya ke chakravyuh se bahar niklne ki bharasak koshish karta hai.
aj ke jivan men shanti aur santosh ki bhavna kho si gai hai. kavi ke shabdon men godhan, gajadhan, banidhan aur ratan dhan khan. jab ave santosh dhan, sab dhan dhuri saman. ab santosh dhan ko khojne ke liye tairo ridar ki athva jyotish marmagya ki avashyakta bahut barh gai hai. gahnta se vichar karne par donon hi vidhiyan hamen achcha margadarshan de rahi hain. hamen apne anrtaman se sulah karne ki shiksha deti hai. vaidik jyotish ka vikas jahan purnataya bhartiya hai vahin tairo kard ko pashchimi mansikta, sabhyata evan sanskriti se jorakar dekha jata hai. inke pratik chinh, drishya adi isai, kabalah, yahudi dharmon se jore jane ke sath-sath vaidik jyotish tatha bhartiya sanskriti v sahitya se bhi jure hain. inmen 22 mejar arkana men se kard sankhya adi ke pratik ke rup men samjha jata hai. 1 2 hai ko man gauri pristais 2 7 chairiyat ko arjun kard 3 8 strengath ko durgadevi kard 4 9 harmit ko sanyasi jivan 5 10 chakra ko saur mandal ke grahon ka pratik 6 16 tavar ko bhagavat gita adhyay 10 7 17 star ko kark rashi 8 18 mun ko man ki (uthl-puthl) chanchlta 9 19 san ko surya, atma v svasthya, pragti 10 21 valrd ko vishvatma, sanpurnata tairo paddhati ki pahunch manav man ki gahraiyon ko sparsh karne vali vidha hai. ise atma ka sangit bajane v sunne ka sadhan samjha jata hai. yah bhartiya manas ke is siddhant se ghanishth rup se sanbandhit hai,
jahan kaha hai- ja ki rahi bhavna jaisi, prabhu murat dekhi tin taisi.. tairo kard ridar tatha prashn puchne vale ki bhavna se prabhavit rahte hain. chitra vahi hai, lekin dekhne vale ki ankh kya parkhti hai, yah uski mansikta par nirbhar hai. bharat ke log multah anrtaman ki gahraiyon ko sada se samjhte aye hain lekin pashchim ne unhen ek vaigyanik svarup diya hai. aj se 550 varsh purva likhi hui ramchritmanas ki kuch chaipaiyan yahan udaharan rup men prastut hai - jinh ke rahi bhavna jesi. prabhu murat tinh dekhi taisi.. dekhhin rup maha randhira. manhun vir ras dhare samira.. dare kutil nrip prabhuti nihari. manhun bhayanak murti bhari.. vidushanh prabhu viratamay disa. bahu mukhakar pag lochan sisa.. joginh param tatvamay masa. haribhagatan dekhe doubhrata. isht dev iv sab sukh data.. ramji ko pratyek vyakti apni apni bhavna ke anurup dekhte hain. ek tairo ridar ko safal banne ke liye yog, dhyan, reki, mantrochchar adi ko sadhna karna bahut sahayak hota hai. safal bhavishya kathan ke liye in sadhnaon ka dainik abhyas kiya jata hai. vaidik jyotish men anek samast shastron ke adhyayan ke sath sath surya upasna, ganesh evan devi sarasvati ki upasna hi vyakti ko safal bhavishyavakta bana sakti hai.
aisa jyotishi jiski bhavishyavani hamesha satya hogi use- ganiteshu pravino yah, shabd shastre krit shramah. nyayvid, buddhiman, desh dikkalagyao jitendriyah.. ahapoh paturhora skandh shravan sampatah. maitrey satyam yati tasya vakyan n sanshyah.. ganit men pravin, shabd shastra men yogya, nyayvid, buddhiman, jitendriya, desh disha aur kal ka gyata uhapoh (sabhi tathyon ko dhyan men rakhakar nirnay lene ki kshamata) patu tatha falit jyotish ka achcha jankar hona chahie. keval kuch pustaken parh lene matra se n to koi vyakti achcha tairo ridar ho sakta hai n hi bhavishya kathan karne vala kalagya. atah sanksheptah donon hi vidyaon ki vivechna karne par kuch mukhya samantaen evan vividhtaen spasht hoti hain-
1. jyotish evan tairo kard bhavishya fal kathan ki vibhinn pranaliyan hain.
2. tairo kard adhyayan saral evan jyotish ka samyak gyan parishram sadhya hai.
3. jyotishiya ganna sanpurn jivan se sanbandhit hoti hai evan dirghakalik fal kathan kiye jate hain. tairo kard ka bhavishyakathan nikat bhavishya evan vartaman ko parkhne ki vidya hai.
4. vaidik jyotish ka vikas purnataya bharatavarsh men hua hai. tairo kard adhyayan vidhi ka vartaman svarup pashchimi deshon men viksit evan pracharit hua hai.
5. vaidik jyotish ka adhar samay sthan tatha kal ka sukshm adhyayan kar vishvavyapi niyamon ka anusandhan hai jo sabhi samay, desh v vyaktiyon ka purn chitran prastut karte hain. tairo kard ke koi nishchit niyam ya adhar nahin hai, jinse sarvakalik athva sarvabhaumik niyam banaye ja saken.
6. tairo kard pranali ek kala hai, jabki vaidik jyotish vigyan sammat shastra hai. nishchay hi donon manav jivan ko saral evan sukhamay banane ka ek prayas hain. hamare dainik jivan ki kathinaiyon men barhte rahne ki prerna in donon men hi saman rup se ho jati hai. apna tatha apnon ka adhyayan bhavi nirnay lene men sahayak ki bhumika nibahta hai.