velluru se 7 kilomitar dur thirumlai kodi men svarn se bana shri lakshmi narayni mandir shripuram hai. sone se nirmit is mandir ko banne men 7 varshon ka samay laga jo hari-bhari 100 ekar bhumi ke madhya 55000 skveyar fit bhumi par nirmit hai. 24 agast 2007 ko yah mandir darshan ke lie khola gaya. mandir ke charon or ek sitare ke akar ka rasta (pathve) bana hai.
darshanarthi mandir parisar ki dakshin disha se pravesh kar pathve se klak vaij ghumte hue purva disha tak ate hai jahan se mandir ke andar bhagvan shri lakshmi narayan ke darshan karne ke bad punah purva disha men akar pathve se hote hue dakshin disha se hi bahar a jate hanai.
shripuram ka yah svarn jarit mandir aur iska parisar itna sundar hai ki, mano dharti par svarg utar aya ho. mandir ko dekhne varshabhar sailaniyon ki bhari bhir bani rahti hai. nishchit hi mandir aur iska parisar bahut sanudar nirmit kiya gaya hai parantu iski is sundrta men nishchit hi iski vastunukultaon ke karan char chand lag rahe hain.
mandir ke madhya ka bhag uncha hai jiske charon or dhalan hai. mandir parisar ki bhumi ki aisi bhaugolik sthiti ko vastushastra men gajprishth bhumi kahte hain. aisi bhumi par bhavan banakar rahne vale ka jivan sukh-samriddhi evan eaishvarya se purn rahta hai aur aise sthan par bana bhavan bhi chir sthayi hota hai. mandir ki uttar disha men tikha dhalan hai aur sath hi ishan kon men shrimangal jaldhara hai.
jahan unchai se pani niche jamin par ata hai. vahan chota sa talab bhi hai. jo ki, is mandir ki prasiddhi ko badhane men aur atyadhik sahayak ho raha hai. vastu siddhant ke anusar jahan bhi uttar disha men jyada matra men pani ka sangrah ho to vah sthan nishchit prasiddhi prapt karta hi hai jaise, tiruppati balaji tirupti, guruvayur mandir trishur, vakkadanath mandir trishur, paùnabh svami mandir triruannatapuram ityadi.
mandir ke garbhagrih men bhagvan vishnu purvamukhi hokar virajman hai aur mandir ka pravesh dvar bhi purva disha men hi hai aur mandir ka viman pashchim disha men hai. isse pashchim disha purva disha ki tulna men unchi hokar bhari ho rahi hai. purva aur pashchim disha ki yah vastunukultaen darshanarthiyon ko akarshit karti hain.
mandir parisar ki kampaund vael ka pravesh dvar dakshin agney men hai. vastushastra ke anusar dakshin agney ka dvar vaibhav barhane men sahayak hota hai. in vastunukultaon ke sath-sath svarn mandir shripuram men kuch vastudosh bhi hain. ho sakta hai ki, adbhut advitiya vastu shakti vale is svarn mandir men vastudoshon ka prabhav khule rup men najar nahin a raha ho. kintu vastudosh apna kuprabhav avashya hi dete hain.
yah usi prakar hai jaise ki, ek glas pani men char chammach shakkar dali ho usmen yadi chutkibhar namak dal diya jae to vah pani pine par namak ke svad ka pata nahin lagega. parantu is ghol ko pine ke bad shakkar aur namak apni-apni matra ke anusar sharir par apna prabhav to dalte hi hai.
parisar ki kampaund val uttar disha men thori andar ki or dab gai hai. vastushastra ke anusar uttar disha ka yah dosh iski prasiddhi men kuch ansh tak kami la raha hai. iske lie mandir prashasan ko chahie ki, jahan se uttar disha men kampaund val dabi hai vahan se use vayavya kon tak daba kar sidha kar diya jae aur uttar ishan men yah barhav bana rahe. uttar ishan ka barhav prasiddhi dilane men sahayak hota hai. mandir parisar ka nairitya kon barha hua hai. jahan par juton ka staind hai. vastushastra men nairitya kon ke barhav ko bhi shubh nahin mana jata hai.
yah barhav vibhinn prakar ki pareshaniyan paida karta hai atah parisar ki chardivari ke nairitya kon ko chota kar 90 digri ka karna chahie. yah tay hai ki, svarn se bane shripuram ke is mandir ko jitna yash mil raha hai. vah mandir ki sundar banavat ke sath-sath nishchit hi mandir parisar ki vastunukul bhaugolik sthiti evan banavat ke karan hi hai. yadi uprokt vastudoshon ko dur kar diya jae to nishchit hi yah parivartan mandir ki sukh-samriddhi prasiddhi barhane men sone men suhage ka kam karega.
jivan men jarurat hai jyotishiya margadarshan ki? abhi bat karen fyuchar point jyotishiyon se!