is mah ke ant men pandit ji ko ganv jiya saray, dilli men shriman amar yadav ne bulvaya. unhonne apne prastavit navin ghar ke do manjile nakshe ko dikhaya, jisse shuru men hi ise yathasanbhav vastunurup banaya ja sake evan bad men tor-for se bacha ja sake. fyuchar samachar ke prabuddh pathkon ke labharth unse hui batchit ka sankshep men varnan kiya ja raha hai.
1. ghar ke pashchim men marg hai jo uttam hai.
2. mukhya dvar pashchim / vayavya kon men hai jo ki parivar men samanjasya ke lie ati uttam hai.
3. die gae nakshe anusar rasoi ka kshetra agney kon men dakshin ki or se barha hua hai. dusre shabdon men ham yah bhi kah sakte hanai ki sirhiyon ki taraf se nairritya kon kata hua hai. ye donon hi sthitiyan manya nahin hanai. inke karan lanbi bimariyan, agni kand, durghatanaen, dhokhadhri evan mukaddamebaji ki sanbhavna hai. in sabse bachne ke liye yah ati avashyak hai ki nairritya evan agney kon 90 digri par adharit ho.
4. isi prakar ishan kon bhi kata hua hai jiske karan santan ki prapti men kathinai rah sakti hai aur parivar men sabhi sadasya kai prakar ke kasht aur chintaon se vichlit rahenge.
bhutal 1. parking ki sthiti thik hai. pakshala ki sthiti ati uttam hai. sukshm vastu ke anusar sink ki sthiti bhi thik hai, parantu gais chulhe ko purva ki or karne ki avashyakta hai, aisa karne se grihini ka mukh khana pakate samay purva ki or rahega. purva ki or mukh karke khana banana sarvashreshth mana jata hai. jo sthiti gais chulhe ki is samay hai us karan dhan ka adhik kharcha aur mansik pira ho sakti hai. agar sanbhav ho sake to nairritya kon ko band kar diya jana chahie. vartaman sthiti ke anusar nairritya kon khula hone ke karan kam karne vali bai bhi tik nahin pati.
jivan men jarurat hai jyotishiya margadarshan ki? abhi bat karen fyuchar point jyotishiyon se!