pichle saptah pan0 ji tathastu dvara ayojit vailnes eksapo men antairiyo, kanada gae. vahan par ek bahut bade prakhyat vyapari ke ghar jane ka avasar mila. unke vidisha ghar ke samne dakshin-pashchim men ek bahut bhari patthar ka favvara jamin par bana hua tha. dakshin-pashchim ki taraf se hi pravesh dvar tha. ghar ke piche ek nahar bah rahi thi jo uttar disha se uttara-purva v purva ki taraf se jakar vahan ke prasiddh toranto jhil men mil rahi thi. ishan men khula bagicha tha jahan ek bhumigat favvara bhi tha. dvitiya tal par dakshin kshetra men unka mukhya shayan kaksh tha jahan bed is prakar rakha tha jahan vah dakshin-purva men sir karke sote the. ghar ke andar hi unhonne pratham tal par shayanakaksh ke niche karyalay bana rakha tha jismen ve uttar men baithakar purvabhimukhi hokar apna karobar sanbhalte the. unke ghar tatha janm tithi (30.04.1946) ka avlokan karne par pan0 ji ne unhen bataya ki anjane men hi vah apni shubh dishaon se labh utha rahe the. unka kua sankhya 9 hai jiske anusar purva unki saflta ki disha hai, dakshin-purva unki svasthya ki disha hai, uttar unki parivarik sukh ki disha tatha dakshin unki vyaktigat vikas ki disha hai. unka rasoighar uttara-pashchim men bana tha jo ki unki mansik santap ki disha hai. vahan agni hone se unka sara santap jal gaya. isi karan se vah hamesha prasann rahte the. dakshin-pashchim unki hani ka sthan hai jahan bhari vajan hona achcha tha lekin vahan pani v mukhya dvar ka hona jivan men koi n koi kami de deta hai. unhen bataya gaya ki apka nau sthanon se adhik par vyapar hona chahie tatha bina adhik prayas kiye ay ke sroton men badhottari hoti rahni chahie. lekin ghar men bimari ho sakti hai tatha ghar ka koi mahatvapurn sadasya ghar se adhikatar dur hi rahta hai. vyapari ne bataya ki kanada v amerika men unke battis golf kors hain tatha char sau bhavan hain. parantu unka ek ladka amerika men rahta hai. n to vah parivar ke sath rahna chahta hai n hi vah parivar ke paranprik vyavsay men sath dena chahta hai. kisi kam men uski koi ruchi nahin hai. uski janm tithi (19.01.1980) batane par pan0 ji ne bataya ki is balak ke janm ke bad (pashthvi tatva 8,bhagyank v kua nan0 2) jamin jaydad ke kam se hi apratyashit labh hua hai. parantu shadi, bachche v parivar ke ank n rahne ke karan ( 6, 7, 3, 4) parivar se alag rahne ka hi yog dikhta hai. shadi men bhi vilanb hota hai. dakshin-pashchim ka mukhya dvar bhi use ghar se dur rakhta hai, tatha dakshin-pashchim ka pani parivar se anavashyak man mutav banaye rakhta hai. ghar ke samne vale fauntain men se pani nikal dena chahie. vahan ful v chote paudhe laga sakte hain. ghar men pravesh dvar par elyuminiyam ki jagah brras ki dahlij banani chahie. kuch aur sujhav die gae- 30.04.1946 anupasthit ank 2, 5, 7, 8 - shayanakaksha/karyalay ke dakshin-pashchim men bina pani ke pahad ka chitra lagane ko tatha kristal ke sho pis rakhne ko kaha gaya. - ghar ke madhya men kristal bal/jhumar lagane ko kaha gaya. - prithvi tatva n hone se unhen nange panv ghas par chalne ki salah di gai. - pashchim men 7 rad ki silvar vind chaim lagane ko kaha gaya. 19.01.1980 bhagyank v kua sankhya 2 anupasthit ank 3, 4, 6, 7 - shayan kaksh ke purva men lakdi ki ghadi lagane ko kaha gaya. - dakshin-purva men lakdi ke frem men hariyali v pedon ki sinri lagane ko kaha gaya. - jald shadi ke liye uttara-pashchim men 6 rad ki goldan vind chaim tatha pashchim men 7 rad ki silvar vind chaim lagane ko kaha gaya. - putra ke kamre men dakshin-pashchim men tute hue shishe lage the jise turant hatane ki salah di tatha dakshin men rakhe draising tebal ke shishe ko purva men lagane ko kaha gaya. - ghar ke purva/dakshin-purva men lakdi ki vind chim lagana bhi vyapar men ruchi pradan karega. chunki yah makan charon taraf se khula hai, is makan ko bhi sanshodhit karke dakshin-pashchim ka darvaja band karke dakshin-purva se/purva se pravesh dvar banaya ja sakta hai athva khali plat par vastu sammat ghar banana ati uttam rahega.
Kya aapko lekh pasand aaya?
Subscribe