prashna- ishan kshetra men shayan kaksh kya prabhav deta hai ? uttara- ishan kshetra ki disha param pita parmeshvar ki disha hai jis par dev guru brihaspati ka adhipatya hota hai. atah is disha men shayn-kaksh nahin banana chahie kyonki bhog vilas aur shayan sukh par shukra ka adhipatya hai. yah disha arthat guru ke kshetra men shayan kaksh hone par guru, shukra ke prabhav men kami laega jiske falasvarup uchit shaynsukh nahin mil paega. apsi prem men kami evan takrar ki sthiti bani rahegi. sath hi lanbi ganbhir bimariyon ka samna bhi karna parta hai, parantu satrah-atharah sal tak ke bachche ke lie ishan kshetra men shayanakaksh banaya ja sakta hai. is disha men shayanakaksh rahne par bachche anushasit aur maryadit bane rahenge kyonki gyan ke svami guru evan buddhi ke svami budh grah ka sanyukt prabhav is kshetra par bana rahta hai. iske atirikt is kshetra men jal tatva ki adhikta rahti hai jo bachchon ke vikas ke lie avashyak hai. ghar men vriddhajan jo sansarik karyon se virakt ho gae hain unhen ishan kshetra men shayn-kaksh diya ja sakta hai. prashna: satrah atharah sal ke bad ke bachchon ke lie kis sthan par shayan kaksh hona chahie. uttar - satrah atharah sal ke bad ke bachchon ke lie dakshin-purva men shayanakaksh banaya ja sakta hai. parantu jo bachche akramak evan jhagralu pravritti ke hon unhen dakshin-purva ke kamre men nahin sulana chahie kyonki yah kshetra agnishasit hota hai. aise men unhen is disha ke kisi kaksh men sulane se unke krodhi aur jhagralu ho jane ka bhay bana rahta hai. atah akramak evan jhagralu pravritti ke bachchon ke lie uttar disha men shayan kaksh banana adhik labhaprad hota hai. prashna- dakshin-purva ki disha garbhavati mahila ke lie kaisa hota hai? uttara-garbhavati mahila ke lie dakshin-purva ki disha achcha nahin hota hai. yah dampatya jivan men tanav evan nind men kami lata hai. sath hi garbhapat ka bhay bana rahta hai. arthat jis mahila ko bar-bar garbhapat hota ho use is kshetra men kisi bhi kimat par shayan kaksh nahin rakhna chahie. parantu vaise nav dampatti ko jinmen santan utpann karne ki ichcha ho unhen is kshetra men shayanakaksh dena chahie kyonki dakshin-purva par shukra ka adhipatya evan agni ka vas hota hai. prem sanbandhon men veg aur ushma ke lie yah kshetra upyukt hota hai. is disha men shayan kaksh hone par urja aur sfurti ka samuchit sanchar hota hai jiske falasvarup santan utpann karne ki ichcha balvti hoti hai. kintu garbhadharan ke uprant unhen is disha se apna shayan kaksh parivartit kar lena chahie. prashna-dampatya sanbandhon men pragarhta ke lie nav dampattiyon ko kis sthan par shayan kaksh rakhna chahie? uttara: dampatya sanbandhane men pragarhta, apsi prem tatha khushiyon ke lie bhavan men nav vivahit dampattiyon ke lie uttara-pashchim ke kshetra men arthat vayavya ki or shayanakaksh banana chahie. ise nav dampatti vanshvriddhi ki ichcha rakhne par bhi istemal kar sakte hain. santan ki ichcha rakhne par sir dakshin ya purva ki or kar soyane to kafi madad milegi. garbhavati ho jane par dampatti ko dakshin ki taraf shayan kaksh men sulaya ja sakta hai. achche dampatya sukh ke lie pati ke bayen patni ko sona chahie. prashna- vivah yogya bachchon ke lie shayanakaksh kis sthan par upyukt hota hai ? uttar -avivahit bachchon ke lie uttara-pashchim ka bhag shayanakaksh ke lie upyukt hota hai. shighra vivah hone ki sanbhavna rahti hai kyonki chandra is disha ka svami hai jo shighra vivah evan sthan parivartan karvata hai. atah jo larkiyan ya larke vivah yogya hon unhane uttara-pashchim ke kamre men shayanakaksh dene se unka vivah shighra hone ki sanbhavna rahti hai. prashna- mehmanon ke lie shayanakaksh kis sthan par upyukt hota hai? uttar - uttara-pashchim ka kshetra mehmanon ke lie bhi upyukt hota hai. ve ate to avashya hain parantu shighra hi chale bhi jate hain, kyonki yah kshetra chandra ke sath-sath vayu dvara shasit hota hai jo gatishilta ka dyotak hai. prashna- adhyayan karne vale bachchon ko utr-pashchim men rakhna chahie? uttar -adhyayan karne vale bachchon ke kamre uttara-pashchim men nahin hone chahie anyatha unmen chanchlta barh jaegi aur parhai ke prati ekagrata men kami aegi. prashna- shayanakaksh men darpan rakhna chahie? uttara-pati patni vish esh atya navvivahit dampatti ke kamre men darpan ka prayog atyadhik hanikarak hota hai. atah iska istemal bhulakar bhi n karen. yadi dresing tebal ki avashyakta ho to use uttari ya purvi divar par is tarah rakhen ki sote samay apna pratibinb ya sharir ka koi hissa usmen dikhai n pare anyatha vah hissa pirit rahega. tivm vivm aur kampyutar bhi kamre men hone se dampatya jivan men dhire-dhire tanav evan algav shuru ho jata hai. atah in vastuon ko shayan kaksh men n rakhen. prashna- shayanakaksh men palang evan bistar ki sthiti kis tarah honi chahie? uttara-shayan kaksh men palang ki sthiti kabhi bhi is tarah nahin rakhni chahie jisse sone vale ka sir athva pair sidhe dvar ki taraf ho. aisi sthiti men rahne par sone vale ko hamesha mrityu saman bhay bana rahta hai. sath hi dampatya jivan sukhamay nahin rahta hai. atah shayan kaksh men palang dvar ke viprit kone men rakhen. palang se dvar dikhta rahe is bat ka dhyan rakhen. palang ko kisi divar ke sath laga kar rakhen yah sthiti dampatya jivan men sthirta lati hai. palang ko kabhi bhi ubhre hue bim ke niche n rakhen. bim donon ke madhya ata ho to usse apsi sanbandh kharab rahta hai aur sharir ko katte hue rahne par svasthya ke lie ghatak hota hai. shayan kaksh ka bistar agar dabal bed ka ho aur usmen gadde alg-alag hon tatha pati-patni alg-alag gadde par sote hon to unke bich tanav rahta hai aur age chalakar ve alag ho jate hain. atah is karan shayan kaksh men aisa bistar rakhen jismen pura ek hi gadda ho. prashna- sote vakt sir ko kis disha ki or rakhna labhaprad hota hai ? uttara- sir dakshin disha men rakhakar sona atyadhik labhaprad hota hai. iske atirikt pashchim evan purva ki or sir rakhakar sona bhi shubh falaprad hota hai. sote samay pashchim ki or sir hone se nam,yash evan bhagya ki vriddhi evan purva ki or sir hone se mansik shanti evan dharmik pravritti men vriddhi hoti hai. dakshin ki or sir kar sone se dhan evan bhagya ki vriddhi hoti hai tatha svasthya achcha rahta hai. prashna- uttar ki or sir kar sone se kya fal milta hai ? uttara- manushya ke sir ko uttarayan aur pair ko dakshinayan mana gaya hai. yadi sir ko uttar ki or rakhenge to prithvi kshetra ka uttari dhurav manav ke uttari dhurav se ghrina kar chubankiya prabhav ko asvikar karega jisse sharir men rakt sanchar hetu uchit aur anukul chubankiya kshetra ka labh nahin mil sakega jis karan mastishk men tanav hoga aur sharir ko shantimay nidra ki anukul avastha prapt nahin hogi. sath hi bure svapn atyadhik dikhai parange tatha chati men dard evan jakaran mahsus hogi.
Kya aapko lekh pasand aaya?
Subscribe