jyotish shastra aur vastu shastra donon ek dusre ke purak hain. pratyek disha ka vastu purush ke vibhinn anragon par prabhav parta hai. jis prakar janmapatri ke adhar par ham kisi bhi bimari ka pata laga lete hain usi prakar vastu ke anusar bhi kisi bhi disha men utpann doshon ke adhar par ham jan sakte hain ki ghar men vas karne vale ka kaun sa ang kis rog se prabhavit hoga. aj is alekh men ham apko disha anusar vastu dosh ke falasvarup hone vale rogon ki jankari aur sanbandhit upay ki jankari de rahe hain -
purva disha men vastu dosh hone par
purva disha ka svami surya grah hai, iske devta indra hain, is disha ka shubh rang tamra hai. yah sthan kalpurush ka sir, dant, munh evan jibh hai.
- yadi bhavan men purva disha ka sthan uncha ho, to vyakti ka sara jivan arthik abhavon, pareshaniyon men vyatit hota hai. vah pet aur yakrit ke rogon se pirit rahega aur uski santan asvasth, kamjor smaranashakti vali, parhai-likhai men kam ruchi legi.
- yadi purva disha men rikt sthan n ho aur baramde ki dhalan pashchim disha ki or ho, to parivar ke mukhiya ko ankhon ki bimari, snayu athva hriday rog ki smasya ka samna karna parta hai.
- ghar ke purvi bhag men kura-karkat, gandagi evan patthar, mitti ityadi ke dher hon, to grihasvamini ko garbhahani ka samna karna parta hai.
- yadi purva ki divar pashchim disha ki divar se adhik unchi ho, to santan hani ka samna karna parta hai.
- gar purva disha men shauchalay ka nirman kiya jae, to ghar ki bahu-betiyan asvasth rahti hain.
- bhavan ke pashchim men nicha ya rikt sthan ho, to grihasvami yakrit, gale, gael blaidar ityadi rogon se pirit ho sakta hai.
- bachav ke upay
- purva disha men pani, pani ki tanki, nal, haindapamp ityadi lagvana shubh rahega.
- purvi divar par ‘surya yantra’ sthapit karen aur chat par is disha men lal rang ka dhvaj(jhanda) lagayen.
- purvi bhag ko nicha aur saf-suthra, khali rakhne se ghar ke log svasth rahenge. dhan aur vansh ki vriddhi hogi tatha samaj men man-pratishtha badhegi.
pashchim disha men vastu dosh hone par
pashchim disha ka pratinidhi grah shani hai. is disha ka shubh rang nila/kala hai. yah sthan kalpurush ka pet, guptang evan prajanan ang hai.
- yadi pashchim bhag ke chabutre niche hon, to parivar men fefde, mukh, chati aur chamri ityadi ke rogon ka samna karna padta hai.
- yadi bhavan ka pashchimi bhag nicha hoga, to purush santan ke rog-bimari par vyarth dhan ka vyay hota rahega.
- yadi ghar ke pashchim bhag ka jal ya varsha ka jal pashchim se bahakar, bahar jae to parivar ke purush sadasya dirghakalik rogon se pirit ho sakte hain.
- yadi bhavan ka mukhya dvar pashchim disha ki or ho, to akaran vyarth men dhan ka apavyay hota rahega.
- yadi pashchim disha men rasoighar athva anya kisi prakar se agni ka sthan ho, to parivarik sadasyon ko garmi, pitt aur fode-funsi, masse ityadi ki shikayat rahti hai.
- bachav ke upay-
- aisi sthiti men pashchimi divar par ‘varun yantra’ sthapit karen.
- parivar ka mukhiya 11 shanivar lagatar upvas rakhe aur garibon men kale chane vitrit kare.
- pashchim ki divar ko thora uncha rakhen aur is disha men dhal n rakhen.
- pashchim disha men ashok ka vriksh lagayen.
uttar disha men vastu dosh hone par-
uttar disha ka pratinidhi grah budh hai. is disha ka shubh rang hara hai. bhartiya vastushastra men is disha ko kalpurush ka hriday sthal, dil, chati aur fefre mana gaya hai. janmakundli ka chaturth sukh bhav iska karak sthan hai.
- yadi uttar disha unchi ho aur usmen chabutre bane hon, to ghar men gurde ka rog, kan ka rog, rakt sanbandhi bimariyan, thakavat, alas, ghutne ityadi ki bimariyan bani rahengi.
- yadi uttar disha adhik unnat ho, to parivar ki striyon ko rugnata ka shikar hona par sakta hai.
bachav ke upay-
- yadi uttar disha ki or baramde ki dhal rakhi jaye, to parivarik sadasyon visheshtah striyon ka svasthya uttam rahega. rog par anavashyak vyay se bache rahenge.
- is disha men dosh hone par ghar ke pujasthal men ‘budh yantra’ sthapit karen.
- bhavan ke praveshadvar par sangitamay ghantiyan lagayen.
dakshin disha men vastu dosh hone par
dakshin disha ka pratinidhi grah mangal hai, jo ki kalpurush ka bayan sina, fefde aur gurde ka pratinidhitva karta hai. janmakundli ka dasham bhav is disha ka karak sthan hota hai. is disha ka shubh rang lal hai.
- yadi ghar ki dakshin disha men kuan, darar, kachra, kudadan, koi purana saman ityadi ho, to grihasvami ko hriday rog, jodon ka dard, khun ki kami, piliya, ankhon ki bimari, kolestrael barh jana athva hajme ki kharabi ka samna karna parta hai.
- dakshin disha men uttari disha se kam uncha chabutra banaya gaya ho, to parivar ki striyon ko ghabrahat, bechaini, bladapreshar, muchrchajanya rogon se pira ka kasht bhogna parta hai.
- yadi dakshini bhag nicha ho, aur uttar se adhik rikt sthan ho, to parivar ke vriddhajan sadaiv asvasth rahenge. unhen uchcharaktachap, pachan kriya ki garbri, khun ki kami athva durghatana ka shikar hona padega. dakshin pishach ka nivas hai, islie is taraf thori jagah khali chorakar hi bhavan ka nirman karvana chahie.
- yadi kisi ka ghar dakshinmukhi ho aur pravesh dvar nairrityabhimukh banva liya jae, to aisa bhavan dirgh vyadhiyan evan kisi parivarik sadasya ko akal mrityu dene vala hota hai.
- bachav ke upay
- yadi dakshini bhag uncha ho, to ghar-parivar ke sabhi sadasya purn svasthya evan sanpannata prapt karenge. is disha men kisi prakar ka vastujanya dosh hone ki sthiti men chat par lal raktim rang ka ek dhvaj avashya lagayen.
- ghar ke pujanasthal men ‘shri hanumatayantra’ sthapit karen.
- dakshinmukhi dvar par ek tamra dhatu ka ‘mangalayantra’ lagayen.
- praveshadvar ke andara-bahar donon taraf dakshinavarti sunr vale ganpti ji ki laghu pratima lagayen.
agney men vastu dosh hone par
is disha ke svami ‘ganesh’ hai aur pratinidhi grah ‘shukra’ hain. is disha ka shubh rang safed hai. is disha se bayan netra aur bayin bhuja ka vichar kiya jata hai.
- is disha ke doshpurn rahne se vyakti ko krodhit svabhav vala v chirchira bana dega.
- yadi bhavan ka yah kon barha hua hai to yah santan ke lie kashtaprad hota hai.
- dakshin-purva ka vistar ya sone se ya dvar hone se mansik tanav, ashant chitt, uchch raktachap adi rog hote hain. is disha men bhumigat jalasrot hone se nirjalikaran, haija, santan pira, kisi kidni men taklif, mansik ashanti ityadi rog hote hain.
nairritya men vastu dosh hone par
is disha ka svami grah ‘rakshasa’ hai aur pratinidhi grah ‘rahu’ hai. shubh rang nila hai. is disha se kidni, ghutne, bayan pair aur bahya jannendriyon ka vichar kiya jata hai.
yadi bhavan ka yah kon dushit hoga to us bhavan ke sadasyon ka charitra prayah kalushit hoga aur shatru bhay bana rahega.
- is kon ke dushit hone se akasmik durghatana ke yog bante hain.
- yadi ghar men is kon men khali jagah hai, gaddha hai, bhut hai ya kantedar vriksh hanai to grih svami bimar, shatruon se pirit evan sampannata se dur rahega.
- dakshin-pashchim kon men kuan, jal, boring ya bhumigat pani ka sthan madhumeh barhata hai.
vayavya men vastu dosh hone par
vayavya disha ka svami chandrama grah hai, iske devta vayu dev hain, is disha ka shubh rang safed hai. yah sthan kal purush ke pet ka upri bhag, anten, ghutne, pittashay, prasuti, dayan pair, bari ant aur garbhashay hai.
- yah disha grih svami ko shanti, svasthya evan dirghayu pradan karti hai.
- bhavan men yadi is kon men dosh ho to shatruon se pareshani rahti hai.
- yadi vayavya ghar men sabse bara ya jyada golakar hai to grihasvami ko gupt rog sataenge.
- vayavya kon arthat uttara-pashchim men nirantar sone ya baithne se vyakulta evan man uchchatan pravritti ka hona, vayu vikar adi rog hote hain. is kon men bhumigat jal mansik pira, anidra, bachche kam umra men praurh dikhte hain tatha is disha men dvar hone se durghatanaen hoti hain.
ishan men vastu dosh hone par
ishan disha ka svami guru grah hai, iske devta bhagvan shiv hain, is disha ka shubh rang pila hai. yah sthan kal purush ka dayan netra, dayin bhuja aur gardan hai.
- yadi yah disha dushit hogi to bhavan men prayah kalah v vibhinn kashton ko pradan karne ke sath vyakti ki buddhi bhrasht hoti hai aur prayah kanya santan prapt hoti hai.
- ekagrata lane ke lie vidyarthiyon ke kamre ki purva divar pile athva gulabi rang ki honi chahiye.
bachav ke upay
- lagatar sharirik kasht bane rahne ki sthiti ko dur karne ke lie ghar ke samne ashok ke per lagayen.
- ghar ke samne lainp post kuch is tarah se lagayen ki uska prakash ghar ke upar aye.
- siradard athva maigren jaise rog ko dur karne ke liye bed ke uttara-pashchim kone men safed mala jiska kinara bhure rang ka ho, daba kar rakhne se samasya ka hal ho jata hai.
- iske alava bed kavar safed athva halke rang ka prayog men layen.
- iske atirikt safed munga ke dharan karne se bhi ise niyantrit kiya ja sakta hai.
brahm sthan men vastu dosh hone par
ghar ke madhya bhag men nirman, bhumigat jal srot evan agni ki sthapna se vinashkari rog, digbhram, pet men pira, anidra, mansik rog hote hain.