hal hi men pandit gopal sharma ji kalakatta ke ek prasiddh prakashak ke bangle ka vastu nirikshan karne gae. nirikshan karte samay unhonne pandit ji ko bataya ki vyapar men paise ki kami nahin hai parantu unke parivar ke sabhi sadasya pichle kafi samay se svasthya sanbandhi pareshaniyon, se jujh rahe hain aur unki baipas sarjari, fefdon se sanbandhit pareshani arthat ti. bi. bhi ho gai thi. unke parivar men tin bete hain jo ki muk evan badhir hain.
manjhle putra ka talak ho chuka hai aur sabse chote putra ka bhi vaivahik jivan thik nahin chal raha hai aur shadi ke 7 sal bad bhi uski koi santan nahin hai. makan ke tritiya tal par rihaish thi v baki hissa vyapar ke prashasnik karyalay v godam ke liye prayukt kiya ja raha tha.
nirikshan karte samay pae gae vastu dosh :
1. ghar ki sidhiyan purva men thi jiske karan chati se sanbandhit rog hote hain.
2. manjhle putra ke pas agney ka kamra tha jiske karan pati patni men matbhed rahne ke karan talak tak hone ki sanbhavna rahti hai.
3. ishan men chote putra ka kamra tha jo ki navvivahit dampati ke liye vanshvriddhi men badhak hota hai. inke kamre ka darvaja bhi dakshin pashchim men tha jisse apas men duriyan hone ki sanbhavna rahti hai.
4. chote putra ke kamre ke sath shauchalay bhi ishan men tha jo ki ek ganbhir vastu dosh hota hai jisse svasthya hani evan mansik tanav bana rahta hai.
5. rasoi ghar men ag aur pani ek lain men hone ke karan ghar ke sadasyon men vaicharik matbhed rahta hai.
6. ghar ke mukhiya ke shayan kaksh men shauchalay dakshin-pashchim men tha. yah anavashyak anchahe kharchon dvara dhan ke vyay ka karan hota hai.
sujhav :
1. purva men bani sirhiyon ko pashchim ki taraf sthanantrit karne ko kaha gaya. chat par pashchim men, purva men bani lift ki mamti se uncha, asthayi kamra banane ko kaha gaya jisse purva uncha hone ka dosh kam hokar vanshvriddhi ho sake.
2. chote putra ka kamra uttar men sthanantrit karne ko kaha gaya.
3. ishan ke shauchalay ko istemal n karne ki tatha shauchalay ki sit ko hatane ki salah di gai.
4. dakshin-pashchim ke pravesh dvar par chaikhat lagane tatha dehli par pila pennt karne ko kaha gaya.
5. rasoighar men ag aur pani ek lain men hone ke dosh ko kam karne ke liye donon ke bich men lakri ya marbal adi ka ek partishan lagane ke liye kaha gaya.
6. vyapari ko nairitya ke shauchalay vala kamra prayog n karne tatha dakshin-pashchim ke shauchalay men samudri namak rakhne evan use saptah men ek bar badlne ko kaha gaya. shauchalay ke darvaje par dehli bhi banvai gai tatha us par samy-samay par pila rang karte rahne ko kaha gaya, kyonki urja ka prabhav jamin se lagakar lagabhag 60 pratishat rahta hai.
vigat anek varshon ke shastron ke adhyayan, manan v vyavharik anubhav ke adhar par pandit ji ne vyapari, unki dharm patni v unke parivarik jyotishiya salahkar (jinke madhyam se pandit ji ko bulaya gaya tha) ko ashvasan diya ki uttar disha men mukhya pravesh dvar, khula sthan v chairi sarak jaise shubh ayam jivan men avasar, visheshtya karobari safltaen dete rahenge tatha uprokt sujhavon ko karyanvit karke vastu doshon ko kam karne se unke jivan men avashya abhutpurva sudhar hoga.
jivan men jarurat hai jyotishiya margadarshan ki? abhi bat karen fyuchar point jyotishiyon se!