parivar men talmel v vastu parivar ke sadasyon ke rishton men madhurta, sneh, prem adi vastu shastriya niyamon ka sadharan sa prayog kar lai ja sakti hai. vastu shastra vastu-vastu se sanbandhit vah vigyan hai jis par bhavan, imarat niyamanusar banakar vighn, prakritik utpaton evan upadravon se bachate hue sab prakar se sukh, dhan, sanpda, buddhi, sukh-shanti ke sath-sath parivar ke sadasyon v sas-bahu men madhur sanbandh sthapit kie ja sakte hain.
vastu shastra anusar parivar men kis stri-purush, sas-bahu ko kis bhag men sona baithna chahie jisse unmen madhur sanbandh hon? parivar ka mukhiya dakshin disha men shayan karta hai to uski patni grih svamini bhi dakshin disha men shayan karegi. dakshin disha men sir evan uttar disha men pair karke sona shubh mana gaya hai, kyonki manav ka sharir bhi ek chote chumbak ki tarah karya karta hai, sharir ka uttari dhurav sir hai tatha dakshini dhurav pair hai, sharir ke uttari dhurav ka bhaugolik dakshin aur sharir ke dakshin dhurav ka bhaugolik uttar ki or hona manushya ki chintan pranali ko niyantrit karta hai.
mastishk evan sharir ki bahut sari rashmiyan vidyut chumbakiya prabhav se niyantrit hoti hain, atah dakshin men sir karke sona prithvi ke vidyut chumbakiya prabhav se samanvay baithata hai. isse svabhav men ganbhirta ati hai evan vyakti ke mastishk men buddhi v vikas sanbandhi vikas ki yojnaen janm leti hain sath hi dakshin disha atm vishvas men vriddhi karti hai, dakshin disha men sthit vyakti netritva kshamata se yukt ho jata hai, yadi dakshin men sir karke sone ki suvidha nahin ho to purva men sir karke tatha pashchim men pair karke shayan kiya ja sakta hai.
grih svami/grih svamini ya koi anya stri yadi dakshin disha men shayn/nivas karti hai to vah prabhavshali ho jati hai. atah spasht hai ki parivar ki mukhiya stri ko dakshin disha men shayn/nivas karna chahie. kanishth striyan daurani ya bahu ko is disha men shayan nahin karna chahie. jo striyan agni kon men shayn/nivas karti hai unka dakshin disha men shayan karne vali striyon se matbhed rahta hai.
agni kon men yuvak v yuvti alp samay ke lie shayan kar sakte hain, yah kon adhyayan v shodh ke lie shubh hai. bhavan ke vayavya kon men jo striyan shayn/nivas karti hai unke man men uchchatan ka bhav ane lagta hai evan vo apna alag se ghar basane ke sapne dekhne lagti hain, atah is sthan par avivahit kanyaon ko shayan karana shubh hota hai kyonki unko sasural ka ghar sanvarna hai.
is kon ko nai dulhan ya bahu ko shayan hetu kadapi upyog men nahin lena chahie. yadi purush vayavya kon men adhik samay shayan karta hai to uska man parivar se uchat ho jata ho jata hai v alag hone ki sochta hai. yadi parivar men do ya do se adhik bahuen hon to vastu shastra ke niyamon ke anusar shayn/nivas ka chayan kar sneh prem v talmel banae rakha ja sakta hai.
bhavn/nivas ka sabse shaktishali bhag dakshin disha hota hai, atah is bhag men sas ko sona chahie. agar sas nahin ho to parivar ki bari bahu ko sona chahie. dusre nanbar ki bahu yadi sas nahin ho) varna pratham nanbar ki bahu ko dakshin-pashchim men shayan karna chahie, usse choti ko pashchim disha men kramvar usse choti bahu ko purva disha men shayan karna chahie yadi aur choti bahu ho to ishan kon men shayan karna chahie.
dakshin men shayan karne vali stri ko pati ke bayin or shayan karna chahie, agnikon men shayan karne vali stri ko dayin or shayan karna chahie. grihastha-sansarik mamlon men patni ko pati ke bayin or shayan karna chahie. parivar ki mukhiya sas ya bari bahu ko purva ya ishan kon men shayan nahin karna chahie.
agnikon men agni karya se striyon ki urja ka sahi paripak ho jata hai, agni hotra karm bhi shubh hain, agni kon men yadi striyan tin ghanta vyatit kar pak karm karen to unka jivan unnat hota hai, evan vyanjan svadisht hote hain. shayanakaksh ka bistar agar dabal bed ho evan usmen gadde alg-alag hon tatha pati-patni alg-alag gadde par sote hon to unke bich tanav ki sthiti paida ho jati hai evan age chalakar alag ho jate hain, atah shayanakaksh men aisa bistar hona chahie jismen gadda ek ho.
grih/nivas uttaramukhi makanon men uttar disha men ishan kon paryant, purvabhimukh makanon men purva disha madhya se agnikon paryant, dakshinabhimukh makanon men dakshin disha madhya se naietya kon paryant tatha pashchimabhimukh makanon men pashchim disha madhya se vayavya kon paryant yadi bahya dvar n rakha jae to striyon men adhik samanvay v prem hota hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!