sanvanvanvat 2063 ka varsharfarfafal umadhar bahuguna/lakshmi shankar shukla ‘lakshmesh’ hamara vikram sanvat 30 march 2006 ko praranbh hone ja raha hai. pradhanmantri aur uske mantriprishad ki tarah akashiya mantriprishad bhi hoti hai is bar vikari nam sanvatsar ka raja guru aur mantri shukra jagat pita brahmaji ne srishti ki rachna chaitra shukla pratipda ko ki thi atah isi punit din ko sanvatsar ka aranbh mana jata hai.
is bar is sanvatsar 2063 ka pravesh chaitra shukla pratipda tadnusar 29 march 2006 budhvar ko aprahn 3 bajakar 47 minat par ho raha hai, kintu iska aranbh 30 march 2006 guruvar ko pratah kal se mana jaega. is bar yah sanvat shri vishnuji ke 13ven vikari sanvat nam par hai. ujjain ke maharaja vikramaditya ne shakon ko haraya aur usi vijay ke upalakshya men samagra rajya ko rin mukt karte hue yah vikram sanvat praranbh kiya tha.
is shubh divas ka svagat paranpranusar sundar vastrabhushan dharan karke kisi brahman ko bulakar vidhipurvak navagrahon ki sthapna karke ‘‘un sanvatsar rupen brahmane namah’’ mantra ka jap aur brahma ji ka avahan evan pujan karna chahie. brahman ke mukh se shuddh sthiti men saprivar shant baithakar sanvatsar fal katha sune, isse varsh sukh tatha shantipurvak bitta hai aur dhan dhanya ki prachurta rahti hai. pratipda se ramnvmi tak nau din durga ji ka pujan path aur vratadi karna bhi shubh hota hai.
nirog rahne ke lie nim ki mulayam pattiyon, pushpon, hing, kali mirch, sendha namak, ajvayan, jira aur khand adi ka pure varsh parivar ke sabhi sadasyon ke sath sevan karane. sanvatsar ka abhivadan apne apne bhavnon ko pushpane se susajjit karke svastik yukt dhvaja fahrani chahie. tabhi sahi arthon men maharaja vikramaditya dvara pravartit nutan sanvat ka abhinandan hoga. ‘‘vikari’’ nam ke sanvatsar chandra ke prabhav kshetra men mana gaya hai. tadnusar brahmanon ki sukh samriddhi men vriddhi ke yog banenge. upbhokta vastuon men teji ka vatavaran rahega.
chaitra, vaishakh aur jyeshth mahon men dhanyadi ke bhavon men teji rahegi. asharh tatha shravan men bhayankar varsha hogi. bhadrapad mah chitput varsha hogi. ashvin mas men vishva men bhay utpann karne vali ghatna ghategi. kartik aur margashirsh men upbhokta vastuen sasti hongi mahamari paush mah men ki ghatnaen hongi. falgun mas men dhanyadi men teji rahegi.
nav vikari sanvatsar ki dashadhikari parishad raja guru - nav sanvatsar chaitra shukla pratipda kal ke suryoday ki bela guruvar ko hone se varsh ke raja ka pad guru sushobhit karega. guru varsh ka raja ho to sarvatra varsha hoti hai. dugdh ka utpadan bahut hota hai. samuchi prithvi par dhanyadi ka utpadan santoshaprad hota hai. sarvatra anand ka vatavaran rahta hai.
mantri shukra: bhagvan bhuvan bhaskar ka mesh sankraman 14 aprail 2006 shukravar ko pratah 6 bajakar 29 minat par ho raha hai atah varsh ke mantri ka pad shukra sushobhit karega. sanvatsar ke pradhanmantri ka pad shukra ke pas hone se dugdh aur dhanyadi ka utpadan adhik hota hai. khadyann saste hote hain aur falon ka utpadan adhik hota hai kintu rog adi ki adhikta rahti hai.
sasyesh surya: surya ke sasyadhipti hone se kahin-kahin paki hui kheti ka nash hoga. janta men rog tatha kasht ki adhikta hogi.
dhanyesh shani: varsh ke dhanyesh hone ke falasvarup dhan ki khari fasal ko ola vrishti ya kisi anya apda se hani hoti hai. rajnetaon men evan sarkar men bhay ka vatavaran rahta hai.
meghesh guru: guru ke varsh ke meghesh hone ke falasvarup varsha shreshth hoti hai tatha dhanyadi khadya vastuon ka utpadan prachur matra men hota hai. rasesh bhaum: prithvi putra mangal ke varsh ke rasadhipti hone ke falasvarup chandan, fal-ful tatha rasili vastuon ka utpadan kam hota hai.
nirsesh ravi: varsh ke nirsadhipti surya hone se tanba, chandan, khadyann manikya ityadi ki vriddhi hoti hai.
falesh budh: budh ke falesh hone se varsh men fal fulon ki adhik vriddhi hoti hai. adhik varsha ke yog bante hain. ghas, kamal ityadi ki upaj achchi hoti hai. janta men sukh santosh ki vriddhi hoti hai.
dhanesh shani: varsh ka dhanpti shani ho to vyapari varg kararopan se dukhi rahte hanai. brahman varg ninda se dukhi rahte hain. apavyay adhik hota hai rashtriya rajasva ki prapti men kami ati hai. shasan chintit rahta hai.
durgesh budh: sanvatsar ka durgapati budh hai. atah rashtriya suraksha ki sthiti chintniya rahegi. atankvadi, algavvadi aur ugravadi bar-bar sankat utpann karenge. chori, dakaiti tatha apaharan ki ghatnaon men vriddhi hogi.
is prakar sanvatsar ki parishad ke panch sthan saumya grahon ko tatha panch ugra grahon ko prapt hue hain. atah janta ko mishrit fal bhugtna parega. sanvatsar ke raja aur pradhan mantri men naisargik shatruta hone se satta men apsi sangharsh hoga jisse rashtra akrant evan bhaybhit rahega aur kasht tatha mansik tanav jhelna parega.
nav sanvatsar varsh pravesh 29/3/06 ko vikari sanvat 2063 ke varsh pravesh lagn ka vishleshan karne se spasht hota hai ki varsh lagn sinh hai tatha lagnesh surya ashtam bhav men 14 ansh par sthit hai. lagnesh surya shatru kshetra men brihaspati ke svamitva ki min rashi men hai. sath men chandra aur rahu ki yuti hai. agni tatva ke lagn par mangal ki purn drishti hone se ashubhkari yogon ki vriddhi hogi. dakshin ke rajyon men vishaile bhojya se janta men bhay rahega.
praranbh ke 6 mason ke dauran dhanyadi saste rahenge. pashchimi rajyon men falon tatha upbhokta vastuon ki adhikta rahegi aur ve sasti rahengi. uttari rajyon men varsha janya maha vinash hoga. uttari rajyon ki raj vyavastha se shasan tatha janta sukhi rahenge. pashchimi rajyon ki arthik vyavastha sridrirh hogi. madhyapradesh tatha as-pas ke kshetron men netaon men apsi shatruta aur apsi sangharsh charam sima par hoga.
grah yog ke anusar raja aur praja men asantosh varsh bhar rahega. arthik nitiyan tatha samajik samasyaen vikral rup dharan karengi. lagn par mangal ki drishti hone se jhagre-fasad, hatyaon, lut aur choriyon ki ghatnaon men apratyashit vriddhi hogi. janta apna mat shasan ke viruddh vyakt karegi. rajneta bhi jalsaji tatha dhokhadhri se janta ka dhan-dhanya haran karenge.
rahu se ashubh yog hone se shasak varg ko bhari kathinaiyon ka samna karna parega. fauj aur pulis ke atyacharon men vriddhi hogi. guru ke vakri tatha shatru rashi men hone se rajnetaon ki goli se hatya ho sakti hai. kisi rajneta ko bari saja ya fansi bhi ho sakti hai. lagn par budh ki purn drishti hone se rashtra ka vyapar-vyavsay bahut safal rahega. anya deshon se kutnitik sanbandh majbut honge. chandrama ke jal tatva rashi men hone se varsha atyadhik hogi, kahin-kahin barh tatha badal fatne jaisi ghatnaen hone se janadhan ki bhari hani hogi.
shri vikram sanvatsar 2063 vaishakh pratipda ko pratah 5.54 par surya varsh rashi chakra ko purn kar ashvini nakshatra tatha mesh rashi men pravesh karega. varsharanbh lagn par varsh ke raja brihaspati ki purn drishti hai tatha lagnesh mangal parakram bhav men sthit hai. lagn bhav ka karak grah surya lagn men hi sthit hai. dhanesh tatha saptamesh shukra mitra grah ki rashi men labh bhav men sthit hai. yah sab yog shreshth rahenge.
rashtra ka mudrakosh barhega aur rashtra ki antarrashtriya khyati men vriddhi hogi. isvi san 2006 men surya apni sankranti yogon men ek atyant durlabh tatha vilakshan yog nirmit kar raha hai. 14 janvri, 2006 shanivar ko mankar sankranti, 12 farvri, 2006, ravivar ko kunbh sankranti tatha 14 march, 2006 manglvar ko min sankranti ane se aur ukt tarikhon ke din kramshah shani, ravi, mangal hone se khappar yog nirmit hoga jo prani matra mahakashtakari ke mana gaya hai. mahabhay tatha khadyann men anayas teji ki sanbhavna rahegi. krishi ko hani hogi.
varsh men makar sankranti shanivar aur kark sankranti ravivar ko hone se bhi nana prakar ke ashubh yog nirmit hote hain. adrra pravesh: bharat krishi pradhan rashtra hai. bharat ki arthavyavastha ka 80 pratishat krishi par nirbhar hai aur krishi utpadan ki nirbharata varsha par hoti hai. varsh 2006 men 22 jun guruvar ko pratah 9 bajakar 22 minat par surya adrra men pravesh karega. 2063 asharh krishn dvadshi guruvar ko surya parjanyakarak adrra nakshatra men pravesh kar raha hai. dvadshi tithi ko pravesh shubhkari mana gaya hai.
falasvarup ann ka utpadan adhik hota hai. adrra pravesh din men hone ke karan khari faslon ki hani ke yog banenge. pravesh ka var guruvar hone ke falasvarup rashtra ki arthavyavastha men atmanirbhata barhegi. adrra pravesh lagn ka vishleshan karen to spasht hota hai ki lagn men jaliya tatva rashi hai tatha lagnesh chandra kendra men sthit hai. guru se chandra bhi kendra men shubhkari hai. in yogon ko dekhne se spasht hai ki varsha ki sthiti shreshth rahegi. lagnesh tatha dashmesh ka sanbandh bhi shubhkari rahega.
prithvi dhanyadi utpadnon se paripurn rahegi. labhesh shukra bhi svarashi men labh bhav men hone se krishi adharit arthavyavastha ki samriddhi ki or sanket karta hai. uttari kshetron men bhari varsha se jan dhan ki bhari hani ki purn sanbhavna rahegi. 29 march ko hone vale surya grahan aur nav sanvatsar, 15 agast 1947 ke anusar bane nae varsh fal tatha rashtriya janm kundli ke grah evan vinshottari dasha aur yogini dasha, nae varsh 31 disanbar, 2005 ratri 12 baje ke grah evan dasha ke anusar upbhoktavad, faishan, mahangai, ashlilta, mudrasfiti adi charam sima par honge.
har jagah gharelu kalah, striyon par atyachar, shoshan adi dekhne ko milenge. dhanyesh shani ke karan faslon ki kami se kalabajariyon ko ati labh hoga. chandra ki rashi mane shani ki sthiti ke karan aur julai-agast men surya, budh tatha shukra ki yuti ke karan vishva men ashanti barhegi. paryavaran dushit hoga. kai rajya sarkaron ke svarupon men parivartan honge aur 2006-2007 men madhyavdhi chunav kendra men ho sakte hain.
if you are facing any type of problems in your life you can consult with astrologer in delhi