vastu-manav v vigyan  

vastu-manav v vigyan gita mannayam vastu ka artha: vastu arthat kisi ghar ya sthan men kisi bhi vastu ka uske sahi sthan par chayan karna. fengshui bhi vastu men inhi chijon par adhik dhyan kendrit karta hai. vastu ka vaigyanik karan yah hai ki uÿar se dakshin ki taraf chunbkiya rekha ja rahi hai tatha purva se pashchim ki taraf surya ki kirnen ja rahi hai jab ye do urjaen apas men takrati hain to is takrav ke parinamasvarup jo urja niklti hai vah vikarn ki disha men jati hai. iske karan yah urja ishan kon se naitya kon ki taraf jati hai islie vastu men ghar ke mukhya dvar ya sinh dvar ko ishan kon men banane par mahatva diya jata hai aur ghar ke mastar bedrum ko naitya kon men banate hain ya ghar ko dakshin ki taraf uncha ya bhari banana chahie jisse yah ati hui sakaratmak urja ko rok sake aur vah ghar men charon taraf ghumti rahe. iski chaitanya shakti jitni adhik ghar men prapt hoti hai utna hi us ghar ke malik v anya sadasyon ke sharirik v mansik svasthya ke lie labhkari hoti hai. vastu ka arth yah bhi hai ki kisi ghar ya sthan men panchon tatva (bhumi, jal, agni, vayu v gagn) ki urja ka sahi santulan men hona. yadi kisi ghar men ye panchbhut ya panchatva sahi santulan men nahin hote hain to us ghar ke sadasyon ko svasthya ya anya prakar ki samasyaon ka samna karna parta hai. rishiyon ke dvara bhi kaha gaya hai- and, pind aur brahmand, arthat jo manushya ke ek kan men hai vahi brahmand men bhi hai. manav sharir bhi unhin panch tatvon se milakar bana hai jin panch tatvon se milakar brahmand ka nirman hota hai. yadi brahmand men kisi bhi tatva men asantulan ata hai to vah vibhinn prakar se apne apko santulit kar leta hai. ham dekhte hain ki brahmand kis prakar apne panch tatvon men asantulan hone par apne apko santulit karta hai. bhumi: (bhutatva) yadi hamari prithvi ke andar bhutatva men keai asantulan utpann hota hai to vah bhukanp adi lakar apni bhutatva ki urja ko santulit kar leti hai. isi prakar manushya ke sharir ka (muladhar) chakra bhi bhutatva se sanbandhit hai. yadi is tatva ki urja men koi asantulan utpann hota hai to manushya men alasya, hath, pairon tatha ghutnon men dard rahna, pith tatha ridh ki haddi men dard adi ki samasyaen samne ati hain. ajakal in samasyaon ke barhne ka karan yah bhi hai ki purane samay men ham mitti ke gharon men rahte the jinki chaten piramid akar ki hoti thin tatha farsh kachcha v gobar se lipa hua hota tha jiske karan ghar men sakaratmak urja ka pravesh adhik hota tha jo hamari manspeshiyon aur haddiyon ko bhumi se chunbkiya urja ke rup men milti thi isilie us samay manushya bina kisi dard ke 100 sal tak jivit rahta tha. lekin ajakal siment aur kankrit se bane ghar men rahne ke karan yah urja hamen purnarup se nahin mil pa rahi hai kyonki kankrit adi men lohe ki matra adhik hoti hai jisse loha is urja ki arthing kar leta hai. is urja ki kami se hamara muladhar chakra prabhavit hota hai aur hamen in samasyaon ka samna karna parta hai. jal tatva: prithvi par jal tatva men koi bhi asantulan utpann hone par sunami, barh ya sukha lakar prithvi apne apko santulit kar leti hai. manushya ka svadhishthana chakra jal tatva se sanbandhit hai is chakra men asantulan hone par mutrashay v jenital sistam ko prabhavit karta hai. isse kisi stri ka garbhadharan n karna, bar-bar garbhapat hona, kisi bachche ka sharirik v mansik apangta ke sath janm hona, kidni fel ho jana ya manushya men kisi prakar ke bhay ka hona adi samasyaon ka samna karna parta hai. nakaratmak bhavnaon ka uday hona bhi paya jata hai. agni tatva: prithvi par agni tatva men asantulan hone par jvalamukhi fatna v pani ke garm-garam bhanvar adi nikalakar yah apne agni tatva ko santulit kar leti hai. manushya ka manipura chakra agni tatva se sanbandhit hota hai. is tatva men koi kami ya adhikta se manushya ko daybitij, dipreshan, livar men pareshani, tilli v pachan tantra men pareshani ho jati hai. manushya men bhavnatmak asantulan ko bhi is urja ki kami ya adhikta prabhavit karti hai. isilie ramdev maharaj ji ka kahna hai ki kapalbhati karne se manipura chakra nakaratmak urja ko nikal sakte hain jisse manipura chakra se sanbandhit bimariyan thik ho jati hain. vayu tatva: yadi brahmand ya prithvi men vayu tatva men asantulan hota hai to vah tufan v taurnedo adi lakar apne is tatva ko santulit kar leti hai. sharir men vayu tatva asantulan hone par hamara anahat chakra prabhavit hota hai jisse raktachap men asthirta, hriday rog v hartaataik hona tatha fenfron ki samasya se jaise asthama ka samna karna par sakta hai. gagan tatva: yadi brahmand men gagan tatva men koi asantulan utpann hota hai to vah akashiya pind girakar, ulkapat dvara v bijli girakar apne apko santulit kar leta hai. sharir men yah tatva hamare vishuddhi chakra ko prabhavit karta hai. isse gale v thairaid adi ki samasya se manushya pirit ho jata hai tatha manushya ki kriyashilta bhi is tatva aur is chakra se sanbandhit hoti hai jaise ghar men rahne vali striyon ki bolne ki kshamata khatm ho jati hai. pahle ke vastu men gagan ko itna mahatva nahin diya ja tha kyonki pahle ke gharon men bich ka sthan jisko brahmasthan bhi kaha jata hai, khula rahta tha. charon taraf kamre v baramde tatha bich men khula angan aur us angan men tulsi ka paudha lagate the. jisse hamen gagan se milne vali kaesmik kirnen paryapt matra mane milti thi lekin ajakal ke gharon men brahmasthan ko khula rakhna sanbhav hi nahin hai jiske karan sari samasyaon ka samna karna parta hai. isi prakar ghar v sthan ke vastu men rekhagnit ko bahut mahatva diya gaya hai jaise- bhumi ka pratik hai, agni ka pratik hai, jal ka pratik hai, vayu ka pratik hai tatha gagan ko koi akar nahin diya gaya hai isilie vidvanon ne hamen aytakar gharon men rahne ke lie kaha hai kyonki ismen bhumi tatva ki urja adhik hoti hai tatha urja ka bahav bhi aise gharon men thik prakar se hota hai, golakar gharon men urja ke bina rok-tok ke ghumti rahti hai isilie vahan manushyon ka rahna thik hai tatha trikoniya gharon men agni ki urja adhik pravahit hoti hai jisse usmen rahne vale sadasyon ka sharirik v mansik svasthya thik nahin rahta hai. hamare brahmand men pratyek vastu ka nirman ankgnit ke anusar ek anupat men hua hai jise goldan proporshan ya fai resho kaha jata hai udaharan ke lie yadi kisi bhi manushya ki sar se lekar pair ke anguthe tak ki lanbai tatha nabhi se lekar pair ke anguthe tak ki lanbai map kar vibhajit kiya jay to 1.618 uÿar ata hai jise goldan proporshan ya fai resho kahte hain. yadi ap prakriti dvara nirmit kisi bhi vastu (sajiv v nirjiv) ka map le to apko yahi anupat prapt hoga. hamare un chihn v isai dharm ke kraes chihn bhi isi anupat men bane hote hain jiske karan usmen 100 pratishat sakaratmak urja rahti hai. yadi ham apne kisi bhavan ya mandir ka nirman goldan proporshan arthat uski lanbai aur chairai ka anupat fai resho men rakhen to vahan ki urja bahut prabhavshali hogi. hamare vastu men rangon ka bhi bahut mahatva hai. suryoday se suryast tak indra dhanush ke sat rang aur rahu aur ketu ki kanpn-shakti ghar ke alg-alag hisson par nishchit samay par prabhav dalti hai, agar ghar ka koi hissa men nahin hai to kate hui hisse men jo kanpanashakti prabhav dalti hai us kanpan shakti ki us ghar ke sadasyane men kami payi jati hai tatha is kanpan shakti ki kami ke karan jo samasyaen utpann hoti hain us ghar ke sare sadasyon men usse sanbandhit bimari ati hai. ek manushya ke charon taraf bhi yahi nau kanpan shaktiyan kam karti hain. use svasth v asvasth rakhne ke lie janm se kisi bhi manushya men ek kanpan shakti ki kami hoti hai uske grahon ke anusar aur jo kanpan shakti usko nahin mil rahi hai aur usi kanpan shakti ka hissa ghar se kata hua hai to samasya do guni ho jati hai. islie hamare sharir ka dusra sharir uska ghar hai. yadi ghar men koi samasya utpann hoti hai to vah hamare sharir par avashya prabhav dalti hai. ghar ki paristhiti ka hamare sharirik v mansik paristhiti se sidha sanbandh hai. udaharan ke lie yadi ghar men bahut gandgi ikatthi ho gayi hai to vahan ke sadasyon ko mansik sthirta nahin hoti hai. kramash...