ghar ki sukh samriddhi ke lie saral upay acharya ramesh shastri navaratn mala : yah mala nau ratnon se nirmit ki jati hai. ise koi bhi vyakti, stri, purush sabhi dharan kar sakte hain. is mala ko dharan karne se ayu-arogyata, dhan, pad pratishtha adi men vriddhi hoti hai. vishesh rup se jin vyaktiyon ki kundli men adhikansh grah kamjor sthiti men sthit hon unhen is mala ko dharan karne se labh prapt hota hai. mala ko gangajal athva panchamrit se shuddh karke dhup-dip adi se puja karke ravivar ke din subah men dharan karna chahie.
shaligram : shaligram bhagvan vishnu ka pratik svarup hai. yah gandki nadi men prapt hote hain. shaligram ke vishay men shastron men varnan hai ki inki pran pratishtha nahin hoti hai. ye svayan siddh hain. inki shubh muhurt men puja-sthapna karni chahie. pratyek din shaligram ko shuddh jal se snan karakar chandan, dhup, dip tatha tulsi patra se pujan karna chahie. isse bhagvan vishnu atyant prasann hote hain. bhagvan ki kripa se kutunb parivar men sukh, aishvarya ki abhivriddhi hoti hai. ghar men do shaligramon ki puja n karen, arthat ghar men ek hi shaligram ki puja karna shubh hota hai.
sfatik shivling : sfatik shivling ki puja-archana ka vishesh mahatva hai. shraddhalu shiv bhakt is shivling ki apne ghar men puja, pratishtha karke nitya gangajal athva panchamrit se abhishek karke chandan, pushp, vilvapatra adi se pujan karne se bhagvan shiv ki vishesh anukanpa prapt hoti hai. inki anukanpa se ayu, arogyata, dhan, sanpatti, yash, man, pratishtha ki prapti