kisi bhi jyotishi ka gyan bina upay ke usi prakar adhura mana jata hai jis prakar koi daektar rogi ke rog ke bare men to jan jaye parantu uske liye koi davai n bata paye. vaise bhi jyotish manushya ko jine ka sahi marg batane ka hi to vigyan hai, parantu rah men yadi koi rukavat ya pareshani a jae to usko dur karne ke liye jyotish ke upayon ka hi sahara lena parta hai. yun to jyotish men kisi bhi grah se sanbandhit upay karne ke lie dher sare vikalp hain, parantu kaun sa upay kundli ke adhar par kiya jana chahie, yah ek vidvan aur anubhvi jyotish hi bata sakta hai.
kisi bhi jatak ko uski samasya aur kundli ke adhar par sahi v satik upay batana asan nahin hota hai. kai bar jaldabaji ya ganbhirtapurvak kundli ka adhyayan n kar pane ke karan upay batane men chuk ho jane par bajay labh hone ke jatak ko hani bhi ho sakti hai. atah upay ka nirnay vidvanon ko bari sujh-bujh ke uprant hi lena hota hai.
jyotish men yadi ham upay ki bat karen to kai prakar ke upay sujhaye ja sakte hain, jaise kisi amuk grah ka ratn dharan karna, grah se sanbandhit vastuon ka dan karna, sanbandhit vastu ya padarth ka jal pravah karna, grah se sanbandhit devi-devta ya ishtadev ka pujan karna, mantra jap karna, upvas rakhna, aushdhi snan karna, aushdhi (jari-buti) dharan karna, rudraksh dharan karna, puja evan anushthan karna adi. sabhi vidvan jyotishigan apne jatkon ko apne gyan aur anubhav ke adhar par upay batate aye hain.
kai bar vidvanon ke matantar v vichardhara ke badal jane par upay bhi bhinna-bhinn ho jaya karte hain. jaise ki ratn dharan karne ke bare men kuch logon ka mat hai ki hamen ratn usi grah se sanbandhit dharan karna chahie jo grah kundli men lagnesh ho, yogkarak ho ya kendra trikon ka svami ho, parantu iske viprit kuch logon ka mat hota hai ki jo grah hamare paksh men hain unko dharan karne ka koi labh nahin hai, hamen to un ratnon ko dharan karna chahie jinse sanbandhit grah kundli men pratikul hon.
unka manna ye hota hai ki ratn ko dharan karke grahon ko pratikul se anukul banaya ja sakta hai. mat koi bhi ho, jyotishi ke lie yah mahatvapurn karya ho jata hai ki kaun sa grah anukul hai aur kaun sa grah pratikul? sath hi yah bhi avashyak ho jata hai ki kaun sa grah bali hai aur kaun sa nirbal, kaun sa grah shubh faldayak ho sakta hai aur kaun sa grah ashubh faldayi aur kis grah ke bal ko barhana chahie aur kis ke bal ko kam karna chahie? upay vichar ka nirnay inhin sab baton par nirbhar karta hai.
kul milakar yah kafi sanshypurn aur bhramatmak sthiti ho jane ke karan kabhi-kabhi upayon ka nirnay karne men asmanjas ki sthiti paida ho jati hai. inhin sab baton ka dhyan rakhte hue ‘liyo pam’ men upay-vichar ko vistrit rup se diya gaya hai. ‘liyo pam’ men upay vichar dekhne ke liye sarvapratham apko skrin ke nichle hisse men bayin or bane ‘menyu’ men se jyotish ka chunav karna hoga. iske pashchat skrin ke upri bhag men bane kaembo baks se ‘upay’ ka chunav karna hoga.
‘upay’ ko klik karne par apko uske niche, dahini aur bayin or do aur kaembon baeks dikhayi denge. ek men ‘shubh ratna’ aur dusre men ‘ratn chayn’ likha hua dikhayi deta hai. ‘shubh ratna’ ko klik karne par apko dasha ke adhar par ratn ka sujhav diya jata hai. ismen jo bhi apki vinshottari dasha chal rahi hogi us antral ke adhar par ap ‘upay-dasha’ ka chunav kar sakte hain. ‘upay dasha’ ko klik karne par apko dasha ki avdhi, ratnon ke nam, v pratyek sujhaye gaye ratnon ka kitna pratishat labh milega, iski jankari di gayi hoti hai.
sath hi ratn dharan karne ke lie kis mantra ka jap karna chahie, kis din dharan karna chahie, ratn dharan karne ke bad kin vastuon ka dan karna chahie tatha sanbandhit ratn dharan karne se kya labh prapt hoga, adi ki puri jankari di gayi hai. isi samay ap niche pradarshit skrin par apne jivan ratn, bhagya ratn, karak ratn adi ki jankari tatha sanbandhit ratn se prapt labhon ki jankari prapt kar sakte hain: isi kambo baks se ap nimnalikhit anya jankariyon ka bhi chayan kar sakte hanai.
ratn chayan, ratn dharan, sarhesati, yogkarak, manglik vichar, kalasarp yog, shubhashubh gyanam. ‘ratn dharn’ ka chayan karne par apko nimn vikalpon ke chunav karne ki suvidha upalabdh hogi. dhatu/anguli/var, graha/nakshatra, grah mantra, nishedh ratn, dan padarth parichay. ismen apko pata chalega ki kaun sa ratn kitne ratti ka kis dhatu men, kis ungli men, kis var ko, kis samay dharan karna chahie. ‘graha/ratna’ men apko pata chalega ki kaun sa ratn kis grah aur nakshatra ke lie pahnna chahie. sabhi grahon ke sanbandhit mantron ki jankari apko ‘grah/mantra’ ke antargat prapt hoti hai.
‘nishedh ratna’ se apko jankari hogi ki kis ratn ke sath kis ratn ko nahin pahnna chahie. ‘dan padartha’ men apko grah se sanbandhit dan padarthon ki jankari prapt hogi. ‘sadhesati’ ka chayan karne se apko sarhesati praranbh v samapti ki tithiyon ki jankari prapt hoti hai. sath hi apko yah bhi pata chalta hai ki pratham chakra ki sarhesati v dhaiya ki avdhi tatha anya chakron ki sarhesati v dhaiya ki avdhi ko bhi darshaya gaya hai.
dhyan den, yahan par shani ki vakri aur margi gati ke karan sarhesati ki avdhi praranbh v samapti ka bhi vichar kiya gaya hai. isi shirshak ke antargat apko ‘dhaiya fal’ v ‘sadhesati ke upayon’ ki jankari bhi di gayi hai. isi prakar ap, jatak ki kundli men yogkarak grahon ke bare men, tatha unke liye upay v manglik vichar v kiye jane vale upay, kalasarp yog ki upasthiti hai ya nahin, tatha kaun sa kalasarp yog hai, kya upay karna chahie adi ki vistrit jankari di gayi hai.
ant men ‘shubhashubh gyan’ ke antargat apko jatak ke mulank, bhagyank, mitra ank, shatru ank, shubh varsh, shubh din, shubh grah, mitra rashi, mitra lagn, anukul devta, bhagya ratn, shubh ratn, shubh up ratn, shubh dhatu, shubh rang, shubh disha, shubh samay, dan padarth, dan ann, dan dravya adi ki vistrit jankari prapt ho sakti hai.
liyo pam ke anya akarshanon ki jankari apko fyuchar samachar ke agle ankon men lagatar prapt hoti rahegi. vistrit jankari v anya jankari ke ap hamare fyuchar paeint karyalay se sanpark karke prapt kar sakte hain.