ukhimth: shitkalin kedarnath chitra pafuloriya ukhimath, bhagvan kedarnath ka shitkalin nivas sthan. kailash shikhar bhayankar himpat se jab dhak jata hai tab kedarnath jyotirling ki puja chah mahine ukhimath men sanpann hoti hai. prachin itihas ka sakshi ukhimath mandir naisargik saundarya evan adhyatmik rahasyon se otaprot hai. yahan sthit prachin shivling jivant pratit hote hain. yahan ukhimath ka ankhon dekha hal prastut kiya ja raha hai ....
bhgavan shiv shankar ne nadi parvat jaise prakriti ke durasth sthanon ko hamesha apna nivas chuna. aisa hi ek jyotirling kedarnath hai. kedarnath ki chal murti sardiyon men ukhimath a jati hai islie yahan ki vishesh prasiddhi hai. rishikesh se lagabhag 185 kimi ki duri par prakriti ke unmukt prangan men basa ukhimath ka mandir bahut hi prachin evan aitihasik hai.
shitkal men jab kedarnath ke kapat band ho jate hain, us samay bhagvan shankar ki chal murti ki sthapna yahin ki jati hai. is prakar shitkal men bhagvan kedarnath bhole shankar ki puja archana yahin sanpann hoti hai. yahan bhagvan kedarnath ki panch siron vali svarn murti sthapit hai.
shitkal ke atirikt bhi yahan nirantar puja archana chalti rahti hai yahan varsh bhar tirthayatriyon ki bhir lagi rahti hai. ukhimath men bhagvan shiv ki puja onkareshvar ke rup men hoti hai. yahan sthit onkareshvar mandir bahut hi bhavya evan prachin hai. yahan panch kedar ke rup men bhi shiv vidyaman hanai.
in shivlingon ko dekhte hi aisi anubhuti hoti hai ki ye prakritik rup se saikron varshon se yahan vidyaman hain. pura mandir prachin aitihasik rang rup men sarabor dikhai deta hai. ukhimath multah ushimath ka apabhransh rup hai. yahan banasur ki putri usha aur krishn ke pautra aniruddh ka vivah hua tha. islie ise ushimath kaha jata tha. yahan aj bhi usha aniruddh ka vivah mandap vidyaman hai.
ati prachin rup men avasthit vivah vedi ko dekhakar sahsa usha aniruddh ke vivah ka paridrishya ankhon ke sammukh upasthit ho jata hai. usha ki priya sakhi chitralekha ke hi prayason se usha aniruddh ka vivah sanpann ho paya tha. pauranik katha ke anusar purva uski ek sundar kanya usha thi. vah sapne men shri krishn ke pautra aniruddh ke prem men par gai. sapne ko yatharth rup dene ke lie usne apni sakhi chitralekha ki madad li.
yahan tanugnath, onkareshvar, kedarnath, usha, aniruddh, chitralekha, shiv, parvati evan rishi mandhata tatha satyug, dvapar evan treta ki murtiyan vidyaman hain. kunti, draupdi sahit panchon pandvon ki murtiyan bhi yahan hain. mandir men puja archana karne vale raval ji usha-aniruddh ke vivah ka prasang bare hi chav se tirthayatriyon ko sunate hain. kedarnath ke raval ji chah mahine yahin rahte hain.
ukhimath mandir ki divaron evan darvajon par ki gai nakkashidar kalakritiyan bhi shilpakala ki bejor misal hain. ukhimath ka prakritik saundarya bara hi manmohak hai. kalakal bahti mandakini nadi, barf se dhaki nanda devi ki choti, vibhinn sthanon se girte jal prapat pratipal nae nae rahasyon ko kholte pratit hote hain.
prakriti ki in chachan l athkhei layane ke bich yahan ka jan jivan shahri kolahal se dur, shant hai. yahan pas hi sthit gupt kashi bahut hi ramnik sthan hai. gupt kashi se yahan paidal raste se bhi jaya ja sakta hai. bas se ek-derh ghante ka rasta hai. gupt kashi men vishvanath ardhanarishvar ka sundar mandir hai.
is mandir men bhagvan shiv ka svayanbhu shivling hai. yahan manikarnika namak jalkund hai jismen ganesh mukh se ganga v yamuna namak do dharaen girti hain. kaha jata hai, bhagvan shiv ko prapt karne ke lie is sthan par rishi muniyon ne bhayankar tap kiya tha. inhin ke prabhav se ganga aur yamuna yahan prakat huin.
jab pandav bhagvan shankar ke darshanon ke lie kashi gae to shivji ne unhen darshan nahin die aur yahan akar guptavas karne lage, islie yahan ka nam gupt kashi ho gaya.
kaise jaen / kahan thahren - ukhimath jane ke lie nikatatam relve steshan rishikesh hai. sarak marg se ukhimath sabhi sthanon se jura hua hai. yahan achchi suvidhaon vale sarkari evan niji gest haus paryapt sankhya men saste dar par asani se upalabdh ho jate hain.
if you are facing any type of problems in your life you can consult with astrologer in delhi