jyotish shastra men grahon ke upayon ki jab bhi bat hoti hai to ‘lal kitab’ ka nam sabse pahle ata hai. lekin ek prashn am taur par kiya jata hai ki kis upay se koi fayda ho sakta hai? rat ke andhere se bachne ke lie har koi ek upay karta hai. iske lie kisi prakar ke prakash ke srot jaise vidyut lainp, momabatti athva lalten ka prayog avashya kiya jata hai. sard ritu se bachne ke lie ham garm kapre pahnte hain. garm kapre sardi se bachne ka ek upay hai, chahe vah svetar ho, kot ho, shael ho athva koi bhi garm kapra. apni jindgi ko behatar banane ke lie har manushya bhinna-bhinn upay karta hai.
‘lal kitab’ ke upayon ko mukhya rup se char kismon men banta ja sakta hai. pahli kism ke upay am upay hain jo sabhi karte hain jaise gay ko apne bhojan ka pahla gras dena, pareshani se bachne ke lie nariyal nadi men bahana, bimari se bachne ke lie halva, kaddu dharm sthan men dena. dusri kism ke upay kundli men mande grah ki sthiti ke anusar hote hain. iske lie kundli ka adhyayan karke kaun sa grah kis khane men bura asar dal raha hai jaise rahu khana nan. 8 men ho to sikka pani men bahana chahiye, mangal khana nan. 8 ke liye, kisi vidhva se dua lena, budh khana nan. 8 ke lie nak chedan se, shani khana nan. 6 men ho to tel ki kujji pani ki talhti ke niche dabane se, shani khana nan. 1 ke lie surma jamin men dabane se kuch labh hota hai.
tisri kism ke upay men fauran upay - jab kisi mande grah ka upay kam n kare to kuch ghanton ke andar uska fauran upay kiya jata hai. jaise surya ke lie gur, mangal ke lie revriyan, budh ke lie tanbe ka paisa, rahu ke lie koyla dariya men bahana labhdayak hota hai. chaithi kism ke upay men purva janm ke rin ke upay ate hain- in upayon ki avashyakta kam hi parti hai. pitri rin ka arth hai ki jatak par apne bujurgon ke papon ka gupt asar parta hai. jaise ghar men koi durghatana ho jae to uska asar jatak par sabse adhik parta hai.
par uske dukh se uske sage sanbandhi bhi prabhavit hue bina nahin rah sakte arthat papon ka asar sage sanbandhiyon par bhi avashya parta hai. isi prakar kai papon ka asar kai bar bhavi pirhiyon ko bhi bhugtna parta hai. jaise dvitiya, panchven, nauven aur barhven khane men shukra, budh ya rahu hai to pitri rin hota hai. is kasht se pirit vyakti ko vriddhavastha men kasht milte hain. isi prakar dhan hani, adr-samman n milna isi prakar ke anya kasht hain.
inse mukti pane ke lie parivar ke sadasyon se barabar matra men dhan le kar kisi shubh karya ke lie dan dena chahie. kuch anya upay puja dvara grahon ke upay: ‘lal kitab’ ke anusar vibhinn grahon ke dushprabhav se bachne ke lie nimnalikhit upay kiye jate hain:
surya - harivansh puran ka path v surya dev ki upasna.
chandra: shiv chalisa v sundar kand ka path budh: durga chalisa, durga saptashati ka path
guru: shri brahma ji ki upasna v bhagavat puran ka path shukra: lakshmiji ki upasna
shani: shri bhairav ji ki upasna v sharab se parhej rahu: sarasvati ji ki upasna
ketu: shri ganesh ji ki upasna dan dvara grahon ke upay: ‘lal kitab’ ke anusar kharab grahon ke dushprabhav se mukti ke lie nimnalikhit vastuon ka dan karna chahiye.
surya: tanba, gur v gehun chandra: chaval, dudh, chandi ya moti mangl: munga, masur ki dal, khand saunf budh: hari ghas, sabut mung, palak guru: kesar, haldi, sona, chane ki dal shukra: dahi, khir, jvar se sugandhit vastu shani: sabut urad, loha, tel ya til rahu: sikka, jau ya sarson. ketu: kela, til ka kala kanbal grahon ko alg-alag khanon men pahunchane ka tarika ‘lal kitab’ ke anusar kisi bhi sanbandhit grah ki mahadsha men jo antardasha chal rahi ho us grah ko achche ghar men sthapit kar dene se manchaha fal prapt kiya ja sakta hai. yadi vah apne pakke khane ka nahin ho to avashya hi fal dega.
grahon ko alg-alag bhavon men pahunchane ki vidhi is prakar hai-
-jis grah ko pahle khane men pahunchana ho to us grah se sanbandhit vastu ko gale men dharan karna chahie.
- jis grah ko dusre khane men pahunchana ho us grah se sanbandhit chijon ko mandir, gurudvare men dan dena chahiye.
- jis grah ko tisre khane men pahunchana ho uski chijen nag ke rup men ya dhatu ke rup men hath men dharan ki jani chahiye.
- jis grah ko chaithe khane men pahunchana ho us grah se sanbandhit chijen bahte pani men bahana chahie.
- jis grah ko panchven khane men pahunchana ho uski chijen skul men dan karni chahiye. - jis grah ko chathe khane men pahunchana ho us grah se sanbandhit vastuen kuen men dalni chahiye.
- jis grah ko satven khane men pahunchana ho us grah se sanbandhit chijen jamin ke niche dabani chahiye.
-jis grah ko athven khane men pahunchana uski chijen shmashan men dabani chahiye.
- jis grah ko naunve ghar men pahunchana hai uski chijen dharan karni chahiye.
- jis grah ko dasven khane men pahunchana ho uski chijon ko pita ko khilana ya pahnana chahiye athva sarkari karyalay ki chaya jahan par rahi ho uske samip ki jamin men garna chahiye.
- jis grah ko gyarhven khane men pahunchana ho uska kisi prakar se upay nahin karna chahiye kyonki is bhav men koi grah uchch ya nich ka nahin hota.
- jis grah ko barhven khane men pahunchana ho use ghar ki chat par rakh dena chahie.
kuch dhyan dene yogya baten ‘lal kitab’ men batae gae kisi bhi upay ko kam se kam 40 din aur adhik se adhik 43 din karen. upay ke bich koi badha ya naga nahin ana chahie. yadi 39 ven din bhi yadi badha ya naga a jae to punah dobara se upay karne chahiye. ‘lal kitab’ men hora ka mahatva nahin hai par upay suryoday se suryast kal ke madhya men hi karen. ratri men upay n karen. jatak svayan upay kare to achcha hai, par vishesh paristhitiyon men jatak ka rakt ka sanbandh rakhne vale bhi kar sakte hanai.
upayon se purva upay vibhinn grahon ke vibhinn upay karne se purva nimnalikhit upay avashya karen. ‘lal kitab’ ke upay karne se purva nahana avashyak hai. yadi naye vastra dharan n kar saken to dhule hue svachch vastra dharan karen. - shakahari bhojan karen.
- atithiyon ki seva karen.
- mata-pita ka adar karen.
- kisi ko apashabd n kahen.
- sasural ke sadasyon ka purn samman karen.
- sharab tatha mans ka sevan n karen.
- ghar men tute bartan n rakhen.
- din men sanbhog n karen.
- parastri gaman n karen.
- pratidin baron ka ashirvad len.
vishesh savdhaniyan lal kitab ke anusar kuch vishesh savdhaniyan rakhni chahie jaise-
- yadi surya satven v athven khane men ho to subah v sham ko dan n karen.
- chandrama yadi chathe khane men ho to dudh ya pani ka dan n karen. aise jatak ko kuan talab n to khudvane chahiye aur n hi marammat karvani chahie.
- chandrama yadi barhven khane men ho to sadhu v mahatma ko bhojan n den aur bachchon ko niahshulk shiksha n dilvaen.
- guru yadi satven khane men ho to mandir ke pujari ko vastra dan n karen athva kisi anya ko vastron ka dan nahin karna chahiye.
- yadi guru dasven khane men ho to jatak ko mandir nahin banvane chahiye.
-shukra yadi athven khane men ho to saray ya dharmashala n banvaen.
-shukra yadi naunve khane men ho to bhikhari ko paisa dan n karen.
- shukra yadi naunve khane men ho to anath bachche ko god nahin lena chahie.
- yadi shani pahle khane men tatha brihaspati panchven khane men ho to jatak ko tanbe ka dan nahin karna chahiye.
- shani yadi athven khane men ho to jatak ko saray ya dharmashala nahin banvani chahiye.
-jin jatkon ki kundli men dusra khana khali ho aur athven khane men shani jaisa krur grah baitha ho to use mandir ke andar n jakar bahar se hi apne isht dev ko namaskar kar lena chahiye.
- yadi khana nan. 2 khali ho aur chathe athven ya barhven khane men shatru grah hon to jatak ko mandir nahin jana chahiye.
grahon se sanbandhit rang evan vastuen grah rang vastuen surya gehunan gehun, surya, tanba, gur, lal vastra, manikya chandra dudhiya dudh, chaval, safed vastra, chandi, moti mangal lal saunf, masur ki dal, chini, batase, lal vastra, munga budh hara sabut mung, hare vastra, panna guru pila kesar, haldi, chane ki dal, besan, pile vastra, sone ka pukhraj shukra dahi jvar, dahi, safed vastuen, itrra, rui, mitti, hira shani kala loha, sabut, urad, sarson ka tel, sharab, sabun rahu nila jau, sikka, sarson, gomed ketu kala kale safed til, kala safed kanbal safed