tri pindi shraddh karne ka adhikar vivahit pati-patni ke jore ko hota hai. jiski patni jivit nahin hai, use bhi yah adhikar hai. avivahit vyakti bhi yah karya kar sakta hai hindu dharm men stri ko vivah ke pashchat dusre gharane men jana parta hai. islie mata-pita ki mrityu ke bad pinddan tarpan shraddh karne ka adhikar use nahin hai. kintu stri bhi pinddan, tripindi shraddh men sahyog kar sakti hai. safed vastra pahanakar yah karya vidhi-vidhan ke anusar karen. shraddh evan savidhi tripindi tripindi ek hi uddeshya ke lie kiya jane vala pret shraddh hai. islie yah karm jankar suyogya vidvanon se hi ek tantren karva lena chahie. shraddha-vishvas ke sath shastranusar savidhi yah tripindi shraddh avashya karvana chahie. is vishay men ek pauranik katha hamen bahut kuch batati hai. bhishm pitamah apne pita shantnu ji ka shraddh karva rahe the. pinddan ke lie jamin par kusha ka asan bichaya hua tha. achanak us kusha ke asan ke niche jamin se unke pita ka sone ka kara pahna hua hath upar aya.
us hath ko pahchan kar bhishm is sanshay men par gae ki ab pinddan us hath par karen ya jamin par biche kusha ke asan par. kintu shastra vyavastha ke anusar evan anurup hath par pind n rakhte huye unhonne pinddan jamin par bichi kusha par kiya. shlok: shraddhan, shraddhanvitan kuryadhyastroktarnekarmana. bhumi pind dadau vidvan bhishmah parvon shantunoah.. fir shantanu ji ka hath adrishya ho gaya aur ve bole, ‘‘bhishmacharya, main tumhari shastra vidhi ke prati shraddha ki pariksha le raha tha. tumne shastra paddhati ke anusar shraddha vishvas se mere hath par pinddan n karte hue jamin par kiya aur dharm ki maryada ka palan kiya, isse main purn rup se santusht hun.’’ iska tatparya yahi hai ki dekha-dekhi v apni taraf se kuch bhi n karen aur yah karm vidhipurvak suyogya vidvan dvara hi karvayen, tabhi karya ki saflta hoti hai aur uska fal prapt hota hai. sitanbar mas ke pramukh vrat tyohar kushotpatini amavasya (8 sitanbr) yah bhadrapad krishn amavasya ke din hoti hai.
shastra men das prakar ke kush batlae gae hain. kushaah kasha yava durva ushirashch sakundakaah, godhuma brahmayo maujja dash darbhaah sabalvajaah.. deshkal ke anusar inmen jo prapya ho usi ko grahan kar sakte hain. jis kush ka agra bhag kata n ho aur vah harit varn ka ho use dev tatha pitri karyon men upyog yogya mana gaya hai. amavasya ke din pavitra avastha men purva athva uttar disha ki or mukh karke un hun fat is mantra ka uchcharan karke daen hath se kush ukharen. aur ghi men pavitra sthan par rakhen. is kush ka ek varsh paryant tak dev tatha pitri karyon men upyog kar sakte hain.
anant chaturdashi vrat (22 sitanbr): yah vrat bhadrapad shukla chaturdashi ko kiya jata hai. is din anant svarup bhagvan vishnu ka pujan karna chahie. godan, shayyadan, annadan evan yugm brahmanon ko bhojan karvakar fir bhojan karen. is vrat ko karne se anant punyafal ki prapti hoti hai. pitri paksh praranbh (24 sitanbr) dharm shastron ke anusar manushya ke lie tin prakar ke rinon ka ullekh kiya gaya hai- dev-rin, rishi-rin aur pitri-rin. jin mata-pita ne hamari ayu, arogya, sukh, saubhagya ke lie anek yatn tatha prayas kie, kasht sahan kiya, unke is rin ko utarne ke lie varsh bhar men unki maran tithi ko pitri paksh men unke nimitt shraddh karna chahie. shraddh ke din gogras evan brahman bhojan karane se vishnu punya fal ki prapti hoti hai. jin striyon ki koi santan n ho ve svayan apne pati ka shraddh unki mrityu tithi par kar sakti hain.