kuch log ek hi samay par har devi-devta ki puja karte hain. ve har tarah ke tatva ko shaktivan kar lete hain parantu jivan bhar duahkhi rahte hain. karan yah hai ki unhonne trik bhavon men sthit viprit grahon ko bhi jagrit kar liya hai. bhartiya jyotish men trik bhav arthat- chathe, athven aur barhven bhavon ko bure fal ki shreni men rakha gaya hai. chatha ghar jhagde, mukdmen, rin, bimari ka ghar to ashtam bhav maut ka ghar, patal ke andhere ka, to dvadash bhav vyay ka, moksh ka aur khule akash ka bhi hota hai. in trik bhavon men sthit grahon ki bhed bhari gatha hai. chatha bhav chathe bhav ko ‘upchy’ bhav bhi kaha jata hai. upachay ka arth hai gatishil. chathe ghar men sthit grah ka shubh ya ashubh prabhav bahut tej raftar ke sath hota hai. yah bhav manushya ke mansik santap, dushmani, bimari, nanihal parivar, naukri, rakhail, bhutbadha, karj aur faujdari mukdme ka karak hai. chathe ghar men sthit vibhinn grahon ka fal lal kitab ke anusar is prakar hota hai. surya chathe bhav men surya ho to sharir ki pratirodhak kshamata ko kam karta hai. svasthya ke lie shubh fal bhi deta hai parantu kisi ganbhir ya lambi bimari ka karan nahin banta. surya unchi raj satta ka karak hai parantu chathe ghar men surya aise sannyasi svabhav ka ho jata hai jiske lie dhan daulat ka koi mahatva nahin hota. vah apni kismat se santusht rahta hai aur kismat bhi uski jarurten puri karti hai. arthik paksh se aisa surya shahi amiri nahin deta parantu garibi bhi nahin deta. aise surya ke jo upay die gae hain unka tark yah hai ki surya apni hi vastu ko svikar kare aur apne ashubh fal ko samapt kar de. upay bandron ko gud khilana, lal chitiyon ko satnaja dalna, mandir men dusron dvara dan ki gai vastu apne pas rakhna (apne pas se bhi kuch paise mandir men chadhakr). chandrama chathe bhav men ashubh chandrama mangal ki drishti se aur ashubh ho jata hai. jab vah vrishchik rashi ka ho ya shani, rahu, ketu se uska sambandh ho arthat in tinon grahon men se koi uske sath baitha ho ya chandra par uski drishti pad rahi ho, chandra ke sath yadi ketu baitha ho to gurde ke rog deta hai. chathe ghar ka chandrama man ki sehat v sukh ke lie achcha nahin hota. rahu se sambandh mansik rog paida karta hai. shani se sambandh sharirik evan mansik kasht deta hai. aurton ki kudli men chathe ghar ka chandrama bachche ke janm ke samay kathinai paida karta hai. upchar ghar men khargosh palna, rat ko dudh n pina, mandir men dudh arpit karna. mangal chathe ghar men shubh rashi ka mangal badhaen dur karne vala mangal ban jata hai. yah dushmanon ko mat deta hai parantu mangal shubh hona chahie. fauj ki naukri men jana bhi shubh mangal ki nishani hai. hotal, dhaba aur restaran adi bhi is mangal ke prabhav ke adhin ho sakte hain. parantu yah mangal apni satvin evan athvin drishti se barhven sthan ko bhi prabhavit karega aur lagn ko bhi. lagn men vah khas taur par chot karta hai. yah chot sir ya chehre par lag sakti hai. chathe ghar ka ashubh mangal vyakti ki ruchi hinsak kar deta hai arthat apni shakti ka galat upyog karta hai. upay har mahine kanyaon ko jimaen, santan ke janmadin par mithai ki jagah namkin vastu banten. -kramshah
Kya aapko lekh pasand aaya?
Subscribe