rog nivaran ke lie upasna ka varnan prachin shastron men bhi diya gaya hai. ayurved shastra ke acharyon ne prithvi, jal, akash, vayu aur agni in panch tatvon men kisi bhi ek ke kupit ho jane par anek prakar ke rogon ki utpatti ka vivaran diya hai. in tatvon ke kop se utpann hone vale vikaron ka ullekh “chark” tatha “sushrut” ne bahut hi vistar se kiya hai. sath hi acharyon ne aushdhi rup laukik upayon ke atirikt rogon ke nivaran aarth devtaon ki upasna ka bhi mukhya rup se nirdesh diya hai ki kis rog ki nivritti ke lie kis devta ki upasna ki jae? puranon men aise hajaron udaharan bhi prapt hote hain ki kis rog ki nivritti ke lie kis mantra upasna ka sahara liya jae? akashasyadhiyo vishnu ramneshchaiv maheshvari vayoah suryah kshiterisho jivanasya ganadhipah arthat akash tatva ke svami vishnu hain, agni tatva ki svamini bhagvti durga hain, vayu tatva ke svami surya hain, prithvi tatva ke adhipti shiv hain tatha jal tatva ke svami ganpti hain. isi adhar par panchon tatvon ke kop se utpann rogon ki shanti ke lie mantra prayog ka adesh hai. vedon se arambh kar adhunik sahitya tak ke vishal sagar men vibhinn rogon se mukti pane ke lie kai vidyaen mantra, yantra, tantra, aushdhi evan tap adi ke vidhan diye hanai.
in sab men mantra ka mahatva hi sarvopri hai. mantra jap se mansik aur sharirik donon prakar ke rogon ki chikitsa ho jati hai. mansik rogon men kam, krodh, moh, mad, ishrya, dvesh, rag, anurag, kapat, sankirnata, pramad aur alasya adi ate hain. ayurved ke pramukh granth vagmat sanhita men likha hai ki - rajastamashch manso dvau ch dosha vudahtau dhi dhairyatmadivigyanan manodoshaushdhan param arthat rajogun aur tamogun ye do man ke dosh hain. buddhi, dhairya tatha atmagyan ye tin man ke rogon ki sarvottam dava hain. jis prakar sharirik rogon ki nivritti ke lie mantra upasna avashyak hai usi prakar mansik rogon ko mitane ke lie bhi mantra upasna param upyogi samajhakar mantra jap karna chahie. shabar mantra tatha anya mantra in sab rogon se chutkara dilane men purn upyogi evan siddh mantra hain. in mantron ki upasna se n keval mrityu par vijay prapt hoti hai apitu sansarik praniyon ko sabhi prakar ke sankton se mukti bhi prapt hoti hai. dirghayu labh ke lie shan nobhav a pit indropitev sunav sushevah sakhen sakhya urushans dhirah pran ayurjiv se som tariah prayog vidhi- is mantra ka jap bhojan karte hue athva hath se hriday ka sparsh karte hue karne par manushya vyadhigrast n hokar dirghayulabh prapt karta hai.
chinrjivi mantra ashvatthama vartivyaso, hanumanshch vibhishnah kripa parshuramashch saptaite chirjivnah prayog vidhi- is mantra ka jap pratah 11 bar karen. rog mukti shabar mantra .. jai jai gunvanti vir hanuman rog miten aur rible riblab karaj puran kare pavan sut jo n kare to man anjni ki duhai. shabd sancha pind kacha furo mantra furo mantra ishvarovacha .. prayog vidhi - is mantra ki siddhi ke liye keval 3 manglvar ko hanuman ji ke mandir men jakar 1 ya 3 mala is mantra ka jap karne se hi siddh ho jayega. fir kisi manglvar ke din ek tanbe ke gilas men saf aur shuddh pani bhar len. fir usmen 3 dane gunja ko lekar use tambe ke gilas men dal den aur fir is mantra ka 108 bar jap karen aur fir un tinon gunja ke danon ko nikal kar rogi ke upar se 7, 11 ya 21 bar utar kar dakshin disha men fenk dane aur shesh pani rogi ko aram se pila den. vyadhinash ke lie utdeva avhitan devaunnayatha punah utagashchakuvan. deva deva jivytha punah.. prayog vidhi- vratpurvak iska jap karne se rognash hote hain evan vyadhiyon se mukti milti hai. sabhi vyadhiyon se mukti hetu un bhurbhavah sva tatsuviturvarenyan bhargo devasya dhimhi. dhiyo yo nah prachodyat..
prayog vidhi- gayatri mantra akele hi sabhi vyadhiyon se mukti dilane vala mantra hai. upvas karke, ek din men hi gayatri mantra ka das sahastra jap karne par samast papon ka nash hota hai. gayatri ka ek lakh jap karne par aur havan karne par prani matra moksh ka adhikari ban jata hai. sarvarog har mantra un achyutay namah prayog vidhi- is mantra ko bhi shubhyog men 108 bar parhakar bhagvan vishnu ka panchopchar se pujan karen. fir pratidin pratah kulla karke lota ya gilas men rakhi hui jal 11 bar abhimantrit kar piyen, sabhi rog dur honge. sabhi rogon ke lie shabar mantra kali kali maha kali jo baithi pipal ki dali donon hath bajae tali hath men lekar mad ki pyali ap pien viron ko pilaen tera vachan n jae khali lago mantra paribhasha mere guru ka mantra sancha duhai guru gorkhnath ki prayog vidhi- is mantra ko 21000 ki sankhya men japakar siddh kar lena chahie. yah prayog ravivar ke din karna prabhavi hoti hai. rog nivaran shabar mantra un namo kotki jvalamukhi kali do var rog pira dur kar sat samundar parakar, adesh kamru desh kamakhya mai hadi dasi chandi ki duhai prayog vidhi- kai bar atyadhik thakavat athva bimari ki vajah se sara sharir dardamay ho jata hai.
aise men uprokt mantra pahle se siddh karke dard ke samay 11 bar jharne se bahut fayda hota hai. samast rog nashak mantra - van men baithi vanri, anjani jayo hanumant, bal damru byahi bilai ankh ki pira, mastak pira, chairasi, vai bali bali bhasm ho jay, pake n fute’, pira kare, to gorakh jati raksha kare meri bhakti guru ki shakti, fure mantra ishvaro vacha prayog vidhi- sarvapratham kisi shubh yog men is mantra ko siddh kar len. fir is mantra ko 108 bar japte hue rogi ka jhara karen to uske samast rog nasht ho jate hain. sharirik asadhyata nivaran shabar mantra sugo hi vo aryaman mitra pantha anraksharo varun sadhurasti. tenaditya adhivochta no yachchata no dushparihantu sharm.. is mantra ka nitya 108 bar jap karne se hraday rog, durbalata, dharakan, hridyshul, hriday ka ghav, hriday chidra tatha anek rog dur ho jate hain. kainsar rog -surya gayatri mantra - un bhaskaray vidmahe divakray. dhimhi tanno suryah prachodyat.. prayog vidhi- kainsar ke rogi ko upar diye gae surya gayatri mantra ka pratidin kam se kam panch mala aur adhik se adhik ath mala jap, niyam purvak evan puri shraddha aur vishvas ke sath karna chahiye. iske atirikt dudh men tulsi ki patti ka ras milakar pina chahie.
surya-gayatri ka jap ek abhedya kavach ka kam karta hai. udar rog - is sadhna ko karne se pet ki tamam bimariyon se nijat pai ja sakti hai. badhjmi, pet gais, dard aur anv ka purn ilaj ho jata hai. ise grahan kal, dipavli aur holi adi shubh muhurton men kabhi bhi siddh kiya ja sakta hai. ap din ya rat men kabhi bhi is mantra ka jap kar sakte hain. is mantra ko 108 bar jap kar siddh kar len. prayog ke vakt 7 bar pani par mantra parh funk maren aur rogi ko pila den, jald hi fayda hoga. shabar mantra - un namo ades guru ko shiyam barat shiyam guru parvat men bar bar men kua kua men tin sua kon kon. sua vai sua char sua pir sua bhaj bhaj re jharave yati hanumat mar karega bhasmant furo mantra ishvaro vacha.. netra rog - ankhen manushya ke lie anmol ratn hain. kai bar vyakti akaran netra rog se pirit ho jate hain jisse bahut pareshani ka samna karna parta hai. yah bahut hi tikshn mantra hai, isse tamam netra rog se nijat pai ja sakti hai. ise bhi grahan kal, holi, dipavli adi shubh muhurton men 108 bar jap kar siddh kar len aur prayog ke vakt isko 7 bar parhakar kusha se jhara kar den, tamam netra dosh dur ho jate hain. shabar mantra -un angali bangali atal patal gard mard adar dadar fat fat utkat un hun hun tha tha ..
adha sir dard - adha sir dard aur maigren ek bahut bari samasya hai. uske lie ek mahatvapurn mantra hai. ise bhi grahan kal, dipavli adi par upar vale tarike se siddh kar len. prayog ke vakt ek choti namak ki dali le kar us par 7 bar mantra parhen aur pani men ghol kar mathe par laga den, adhe sir ka dard fauran band ho jaega. mantra - ko karta kudu karta bat ka ghat ka hank deta pavan bandna yogiraj achal sachal .. sir pira nivarak mantra hajar ghar ghalai, ek ghar khae, age chale to piche jae, furo mantra ishvarovacha prayog vidhi- rogi ko samne bithakar uska matha pakarakar yah mantra parhakar funk maren. yah kriya subh-sham ki jae to rogi ka sir dard samapt ho jata hai. bavasir nashak mantra un chuh chlakan chalai hun hun klan klan klin hun. prayog vidhi - ek lot men taja shuddh jal lekar us par ukt mantra ko tin bar parhakar rogi ko den. rogi use shauch kriya men prayog karen. adhikatam chalis dinon ke niyamit istemal se bavasir rog jar se samapt ho jaega. bukhar dur karne hetu mantra un bhairav bhutnaye vikralkaye agnivarnadhaye. sarva jvar bandh moghay trayambaketi hun..
prayog vidhi- ravivar ya manglvar ko pratah snanadi karne ke bad sahdevi paudhe ki jar le aen. raste men kisi se bat n karen. ghar akar us jar ko mantra parhakar us par funk maren. fir vah jar kisi kapre men bandhakar rogi ki dahini bhuja par mantra parhte hue hi bandh den. is prayog se sabhi prakar ke jvar thik ho jate hain. madhumeh rog mantra - un hranai jun sah prayog vidhi - madhumeh yani ki shugar ki bimari se chutkara pane ke liye nau din tak rudraksh ki mala se uparyukt mantra ka 5 mala jap karen. vaidik, pauranik evan tantrik mantron ke saman ‘shabr-mantra ‘ bhi anadi aur achuk hain. sabhi mantron ke pravartak mul rup se bhagvan shankar hi hain, parantu shabar mantron ke pravartak bhagvan shankar pratyakshataya nahin hain. in mantron ke pravartak shiv bhakt guru gorkhnath tatha guru matsyendra nath ko mana jata hai.