rahu 14 janvri 2013 ko sayankal 7:18 baje tula rashi men pravesh kar chuke hain. drishtavya hai ki shani pahle se hi tula rashi men gochar kar rahe han. is prakar rahu v shani ki yuti ‘vishyog’ ka nirman kar rahi hai jiske vibhinn rashiyon par shubhashubh prabhav padenge. rahu janmakalin chandra se tritiya, shashtam, dasham evan ekadash bhav men shubh fal karta hai.
tula rashi ke rahu ka vibhinn rashiyon men fal nimnavat rahega. mesh is rashi ke jatkon ke lie rahu saptam bhav se gochar karenge tatha ve ekadash bhav, lagn evan tritiya bhav par drishtipat karenge jiske karan jivan sathi ko kasht, parivarik kalah, ay ki apeksha vyay adhik, svayan ko sharirik kasht, siradard ki samasya tatha hath, pair men dard ki samasya ka samna karna pad sakta hai.
in samasyaon se bachne ke lie nimn upay karna hitakar rahega:
1- pratyek manglvar ko hanuman ji ke darshan jarur karen tatha nitya hanuman chalisa ka path karen.
2- rat men sote samay sirhane men bajra rakhen tatha agle din subah unhen pakshiyon ko khila den. vrish vrish rashi ke jatkon ke lie rahu shashtham bhav men gochar karega jiske karan rog, rin v shatruon se mukti milegi. shashthasth rahu ki drishti dasham bhav, dvadash bhav evan dvitiya bhav par rahegi. atah pita ko kasht, parantu karm kshetra men saflta ke yog banenge. ay v vyay ka santulan rahega. ankhen prabhavit ho sakti hain parantu koi rog dirghakalik nahin hoga. yadi rajniti men ruchi hai to rajnaitik kariyar banane valon ke lie rahu ka yah gochar shubh fal pradan karne vala hoga. vrish rashi vale jatkon ke lie rahu se sanbandhit nimn upay labhaprad ho sakte hain.
1- pratyek guruvar ko bhagvti durga ji ke mandir jakar darshan labh prapt karen evan durga chalisa ka path karen.
2- safed rang ka rumal sadaiv apne pas rakhen. mithun mithun rashi ke jatkan ke lie rahu panchamasth hokar navam, ekadash v lagn par drishti dalega. rahu ka is prakar gochar anishtaprad hai.
santan ko kasht ya santan se kasht, karyon ka purn n hona, kisi bhi karya men man n lagna, aepreshan adi ki sanbhavna, prameh, apendiks, tvacha rog hone ki sanbhavna, achanak bhari nuksan ka hona jaisi samasyaon ka samna karna pad sakta hai. astu mithun rashi vale jatkon ko vishesh savdhani apekshit hai.
is disha men nimn upay kalyankari sabit honge:
1- budhvar se praranbh kar 21 din tak ganesh ji par durba chadhaen.
2- apni janmakundli ke anusar lagnesh ka ratn dharan karen.
3- bhagvan shiv ki aradhna karen tatha nitya rahu ke mantra ka jap karen.
4- vahan dhire chalaen. shitkal men kanbal ka prayog n karen. kark kark rashi vale jatkon ke lie chaturth bhavasth rahu ashtam, dasham v ekadash bhav par drishtipat karenge. sath hi is rashi ke jatak shani ki dhaiya se bhi prabhavit rahenge.
is drishti se rahu jatak ke samast prakar ke sukhon men kami karne vala hoga. mansik kasht, karavas bhay, mukdme men asflta, bhumi, bhavan, vahan ki hani, mata ko kasht, bade bhai ko kasht ya bade bhai se kasht, vyavsay men sangharsh, gupt shatruon men vriddhi jaisi samasyaon se samna karna pad sakta hai.
astu kark rashi vale jatkon ko nimn upay karna chahie:
1- janmakalin lagn ke svami ka ratn anivarya rup se dharan karen.
2- shanivar ko shani mandir jakar shanidev ke samaksh tel ka dipak arpit karen.
3- nile kapde men nariyal bandhakar rahu mantra ka 11 bar jap karte hue jal men pravahit karen.
4- bhumi, bhavan evan vahan ko kray karne se pahle apni janmakundli anubhvi jyotishacharya ko dikha len anyatha hani ka samna karna pad sakta hai.
5- gahre jal men snan kadapi n karen. sinh sinh rashi vale jatkan ke lie rahu, tritiya bhavasth hokar shubh fal pradan karega. rahu ke prabhav se evan shani ki apni uchchasth rashi ke prabhav se rahu evan shani ka tritiya bhavasth hona atyant kalyankari hoga. parakram men vriddhi, arthik labh, dhan prapti ke sroton men vriddhi, videsh yatra ka yog, sukh samriddhi men vriddhi ke yog banenge. parantu tritiya bhav men vish yog ke banne se chote bhai ko kasht, patni ko kasht, bade bhai ko kasht, agni bhay ho sakta hai.
vastutah sinh rashi vale jatkon ko nimn upay karna chahie:
1- niyamit rup se surya bhagvan ko tanbe ke patra men jal se aghrya den.
2- janm kundlinusar panchmesh ka ratn dharan karen.
3- manglvar evan shanivar ko ghar men agnikarak vastuen jaise kerosin, gais silendar adi katai n laen. kanya kanya rashi vale jatkan ke lie dvitiya bhavasth rahu anekon vighnon se samna karayega.
sath hi is sthiti vale vyakti shani ki sadhesati se prabhavit rahenge. atah is disha men shanivat rahu aur adhik kashtakari sabit ho sakta hai. kutunb se vair, dhan ka sanchay n ho pana, arthik hani, adhik chinta, ay ki apeksha kharch adhik, nanihal men kisi sadasya ko rogon se kasht, sasural se anaban, vyapar men utar-chadhav jaisi samasyaon se samna karna pad sakta hai.
astu upay apekshit hain:
1- shanivar ko pipal ke vriksh ki jad men dip arpit karen.
2- bhagvan shankar ki upasna karen tatha hanuman ji ke kisi mantra ka niyamit jap karen.
3- bhojan men kalimirch v kale namak ka prayog karen tatha jal men kale til dalakar snan karen. tula tula rashi vale jatkon ke lie lagnasth rahu v shani ki rashigat sadhesati sharirik shakti ka kshay v mansik pida karata hai.
arthik hani, bhari karj v apratyashit kharchon men vriddhi ho sakti hai, vish evan agni bhay ho sakta hai. sansarik man-samman men kami a sakti hai. sala, sali, jija adi se matbhed ho sakte hain, astu tula rashi ke lie rahu ka ashubh gochar hi sabit hoga.
vastutah nimn upay apekshit hain:
1- pratyek manglvar ko dakshinmukhi hanuman ji ke darshan karen tatha kasht mukti ka nivedan karen.
2- apni janmakundli ke lagnanusar ratn dharan karen.
3- shanivar v manglvar ko pipal ke vriksh ki sat parikrama kar dip arpit karen.
4- nitya hanuman chalisa ka path evan manglvar ya shanivar ko sundar kand ka path karen. vrishchik vrishchik rashi vale jatkon ke lie dvadash bhavagat rahu achche parinam nahin deta hai. durghatana, agnibhay, pratyek kshetra men hani, shaiyya sukh men kami, anidra, achanak kisi bhari nuksan ka samna karna, mansik ashanti, vahan chori ka bhay jaisi samasyaon se samna karna pad sakta hai. sath hi is rashi vale jatak shani ki chadhti sadhesati se bhi prabhavit rahenge.
astu ye upay nitant avashyak hai:
1- 7mukhi rudraksh dharan karen tatha un namah shivay mantra ka ek mala nitya jap karen.
2- safaikarmi ko dan-dakshina den badle men usse koi kam n len.
3- ghar men rahu yantra ki sthapna karen. dhanu dhanu rashi vale jatkon ke lie ekadash bhavasth rahu apne gochar men shubh fal pradan karne vala hai.
is samay akasmik dhan prapti ke yog ban sakte hain. koi aisi sakaratmak ghatna ghatit ho sakti hai jo soch ke bahar ho. ay ke srot banenge. videsh yatra ka bhi yog ban sakta hai. rajnaitik saflta mil sakti hai. sahas, parakram men vriddhi, buddhi ka achcha prayog kar sakte hain parantu kanon men dard ki samasya ho sakti hai.
dhanu rashi vale jatkon ke lie rahu se achcha labh lene ke lie nimn upay karna chahie:
1- bhairav ji ki sadhna karen tatha nitya bhairav mantra ka ek mala jap karen.
2- ghar men rahu yantra sthapit karen tatha jab bhi ghar se bahar jaen is yantra ke darshan avashya karen.
3- janmakundli ko kisi anubhvi jyotishacharya ko dikhakar anukul ratn dharan karen.
4- surya ko niyamit rup se jal ka aghrya den tatha kale ku ko roti khilaen tatha apahijon ki sahayta karen. makar makar rashi vale jatkon ke lie dasham sthan men rahu ka gochar nishchit taur par man-samman men vriddhi karta hai.
samast karyon men saflta prapt hogi. tirth yatra ke yog banenge. padonnati ya vyapar men saflta prapt hogi. janmakundli men yadi guru ki sthiti sahi ho to ichchanusar naukri karne vale jatkon ke lie sthanantaran ke yog banenge. puja-path men ruchi rahegi tatha dan punya jaise karyakramon men bhag lene ke avasar prapt honge.
is rashi vale jatkon ke lie rahu se shubh labh lene ke lie nimn upay karne chahie:
1- bhagvan shiv ki aradhna karen tatha nitya shiv gayatri mantra ki ek mala jap karen.
2- kisi garib vyakti ko kala ya nila kanbal dan karen.
3- bhojan rasoighar men hi karen.
4- safai karmi se bilkul bahas n karen. yathasanbhav unki madad karte rahen. kunbh kunbh rashi vale jatkon ke lie navam bhav men rahu ka gochar dharm se vimukh karta hai.
anaitik karm kara sakta hai. mansik pida hoti hai tatha kisi bhi karya men man nahin lagta. yadi janmakundli men rahu ki sthiti sahi hai to uparyukt parinamon ke nyun fal prapt hote hain kyonki navam bhav men rahu dharmik hokar ashubh falon men kami karta hai.
astu kunbh rashi vale jatkon ko nimn upay karna chahie:
1- 8 mukhi rudraksh dharan karen tatha bhagvan shiv ki aradhna karen.
2- nadi men tanbe ka paisa pravahit karen.
3- kale ku ko jalebi khilaya karen. min: min rashi vale jatkon ke lie ashtamasth rahu bahut ashubh fal pradan karne vala hota hai kyonki kaha gaya hai ki ashtamasth rahu jitna bhi kasht de vah kam hota hai.
ismen naukri chutna athva rishvat lete pakde jana, mukdme men parajay ka hona, mrityutulya kasht, mansik uljhnen, parivarik matbhed, atmahatya ki pravri viksit hona, vish bhay, vyavsay men achanak hani hona jaisi samasyaon se samna karna padta hai. atah tula rashi men rahu ka gochar atyant kashtakari hai.
is hetu min rashi vale jatkon ko nimn upay karna chahie:
1- apni janmakundli ke anusar lagnesh ka ratn dharan karen sath hi 8 mukhi rudraksh bhi dharan karen.
2- chikitsak ki anumti ke bina koi dava n len.
3- ghar men rudra path ka ayojan karaen.
4- kanbal ka prayog katai n karan. astu sinh, vrish, makar v dhanu rashi vale jatkon ke lie tula rashi men rahu ka gochar shubh fal pradan karne vala tatha anya rashiyon men ashubh fal pradan karne vala hoga.
atah in rashi vale jatkon ko pratidin ‘‘un rahu rahve namah’’ mantra ki ek mala jap v rahu se sanbandhit vastuon ka dan avashya karna chahie.
isi prakar yadi apki janmakundli men rahu kunbh rashi men hai to tula rashi men rahu ka gochar mrityu tulya kasht pradan karne vala hota hai
kyonki janmakalin rahu se navam bhav se rahu ka gochar atyant kashtakari hota hai. atah janmakalin rahu ka pojishan avashya dekh len.