guru 31 mai 2013, 6:49, dhanishtha nakshatra, saptami tithi, shukravar, jyeshth krishn paksh, bav karan men vrishabh rashi se nikalakar mithun rashi men pravesh karenge. mithun rashi men guru 19 jun 2014, 8:47 tak rahenge. guru mithun rashi men pravesh karte hi 6 jun 2013 ko 23:52 par ast ho jayenge aur 2 julai 2013 ko 22:53 tak ast rahenge. ye 7 navambar 2013 ko 10:33 par vakri honge evan 6 march 2014 ko 16: 12 par punah margi honge. guru ka shukra ki rashi se bahar akar, mithun rashi men jana kuch logon ke lie vivah, santan, uchch shiksha, majbut arthik sthiti aur manglik shubhta ka uphar lekar ayega.
guru ki shubhta se santan ki pratiksha kar rahe logon ka ghar khushi ki kilkariyon se ganuj uthega, to kuch ke jivan men vivah ki shahnaiyon se ek nae jivan ki shuruat hogi. aiye janen ki dev guru brihaspati ke gochar men apke lie kaun sa fal chupa hua hai - mesh rashi: guru gochar men is samay apki janmarashi se tisre bhav par sanchar karenge. guru prabhav se is avdhi ke karya parakram bhav se purn honge. sath hi sahsik karyon men bhi saflta prapt hogi.
vyavsayik kshetra men labh milanege. vartaman men rahu apke jivnsathi aur bhagidaron ke sath svabhav ko anukul banae rakhne par majbur karenge. naukri se labh rahega. korta-kachahari ke karya men saflta milegi. svajan ya mitron se pareshani rahegi. avivahit hone par vivah sutra men bandh sakte hain. vrish rashi: guru apki rashi se dusre bhav se gujar raha hai, jismen arthik sthiti achchi rahegi. naukri men achcha mauka milega. vyavsayik kshetra men saflta milegi. uchch shiksha ke lie mauke milenge. parivar men prashn n khade hon uska dhyan rakhen. rahu-shani apki rashi se shashth bhav par gocharasth hain.
aise men parivar ke mamlon ko korta-kachahari men le jana sahi nahin hoga. shatruon se pareshani ho sakti hai. mithun rashi: guru gochar men apki rashi par sanchar kar raha hai. yah arthik sthiti ko prabal kar apke vyavsayik kshetra ka vistar kar sakta hai. kuch naya karne ki prerna milegi. guru ki panchven sthan men drishti hone se santan prapti hogi. prem prasang honge aur unki navan sthan par drishti yatra ka yog bana rahi hai. vivah ke ichchuk logon ki ichcha puri hogi.
shani tula rashi se gujar raha hai, jo apki rashi ke pancham bhav men rahega. isse mantra-tantra men ruchi rahegi. padhai men achche ank milege. sheyr-satta men samjhdari se dirghakalik nivesh karen. kark rashi: guru apki rashi ke barhven sthan se gujar raha hai. isse naya ghar, dukan ya vahan lene ke yog hain. dalali-kamishan ka vyavsay labhdayak hoga. yatra labhdayak rahegi. saflta milegi. dharmik karyon men kharch hoga, karj chukane men sarlta rahegi. naukri men labh milega. sath hi videsh jane ka mauka ya achchi kanpni men jaeb ki koshish kar sakte hain.
lekin dampatya jivan men pareshaniyan aengi. adhyatmikta ki or jhukav rahega. sinh rashi: guru apki rashi se gyarhven bhav men hai. isse padhai, vyavsayik kshetra men saflta milegi, dhanlabh hoga. uchch padadhikariyon ke sath sanbandh rahenge. man-samman aur pratishtha milegi. mitron se labh rahega. santan prapti ya santan ke karya kshetra men pragti hogi. dampatya sukh achcha milega. stak-market se fayda rahega. dharm, adhyatm ki or jhukav rahega. shani v rahu apki rashi ke tisre sthan tula rashi se gujar rahe hain, aur ketu bhagya sthan men hai.
isse sahas aur purusharth se vyavsayik kshetra men saflta milegi. kanya rashi: is samay guru apki rashi ke dasvan bhav se gujrega, jisse vyavsay ya vyapar ke kshetra men achchi pragti hogi. sanpatti, makan-jamin adi karyon me saflta milegi. naukri men pramoshan milega. pratishtha men vriddhi hogi. videshi mitron se labh hokar, unke dvara nai pragti ki rah milegi, fanse hue paise turant milenge. apki satta badhegi. rahu tula rashi men apke dhanasthan men hai. isse akasmik kharche aenge. ay se adhik vyay ka praman rahega. santanon ke sath vaicharik matbhed hoga.
jamin-dhan aur bhautik sukh milenge. tula rashi: guru gochar men apke bhagya sthan se gujrega, jisse bhagyavriddhi ke yog banenge. vyavsay ke kshetra men pragti hogi. sukh-suvidha ke sadhnon men vriddhi hogi. santan prapti ke bare men chinta dur hogi. dharmik aur manglik prasang ho sakte hain. adhyatmik kshetra men pragti hogi. parivar ki jimmedariyon men vriddhi hogi. bhagyavriddhi hogi. paropkari karyon men ruchi rahegi. naukri vyavsay ke kam se bahar jana ho sakta hai. janmarashi par shani rahu ki yuti shapit yog banakar apko svasthya ke paksh men savdhan rahne ka sanket kar rahi hai.
vrishchik rashi: apki rashi ke ashtam bhav men guru ke bhraman se sharirik aur arthik nuksan ho sakta hai. parivarik kharch badhega. mansik chintaen aur klesh rahega. vyavsayik kshetra men dhyan rakhen. korta-kachahari ke karyon men dhan kharch hoga. vidyaprapti men pareshaniyan hangi. dharmik karyon men dhanakharch hoga. shani apki rashi ke barhven sthan men hai aur rahu ke sath yuti sambandh men hai jo apke sharirik kasht aur adhik parishram se saflta milne ka sanket kar raha hai. svajnon ke sath vaicharik matbhed hoga. santan ke bare men chinta rahegi.
dhanu rashi: guru apki rashi men saptam bhav se gujrega jisse mahatvakankshaon men vriddhi hogi. dampatya sukh achcha milega. parivar men shubh aur manglik prasang banenge. bhautik sukh ke sadhnon men vriddhi hogi. naukri men labh hoga. samajik karyon men yash, man aur pratishtha milegi. shani apki rashi ke labh sthan par hai. isse bujurg aur mitron se labh milega. dhan, makan, vahan sukh achcha hai. naukri men uchchapad milega. shani ke sath rahu ki yuti labh bhav men aur ketu apki rashi ke pancham sthan men bhraman kar raha hai. sheyar satte ke kshetra men bahut mehanat se ant men labh milega.
makar rashi: guru gochar men apki rashi se chathe bhav men rahega jisse svasthya achcha nahin rahega. fir bhi vyavsayik kshetra men labh rahega. parivarik jimmedariyan aengi. naukri men labh milega aur vetan men badhottari hogi. lanbi yatra bhi ho sakti hai. shani-rahu ki yuti apke karm sthan men hai aur ketu sukh sthan men paribhraman kar raha hai, jiske karan naukri men badlav hoga. dampatya jivan men matbhed ho sakta hai. antrik aur mansik ashanti aur udveg rahega. mata ke sath vaicharik matbhed hoga. mitron se anaban hogi.
kumbh rashi: guru apki rashi se pancham bhav se gujar raha hai isse akasmik dhanlabh hoga. sahsik karyon men saflta milegi. vyavsayik kshetra men yatra labhdayi rahegi. manglik prasang honge. pardesh se jude kamkaj honge. yah padhai men saflta dilaega. naukri men labh milega. niahsantan danpti ke santan prapti ka yog hai. gochar men shani-rahu sath hain aur ketu tisre sthan par sanchar kar raha hai. isse pita ke sath aur naukri men uchch adhikariyon ke sath vaicharik matbhed hoga. dampatya jivan men bhi matbhed a sakte hain.
min rashi: guru gochar ki is avdhi men apki janmarashi se chaturth bhav par virajman honge. karyakshetra men shubhta bani rahegi tatha shubh karyon par vyay hone ke yog ban rahe hain. is avdhi vishesh men dharmik yatraon par vyay honge. rahu shani ke sath apke ashtam bhav men aur ketu kutanb bhav par gochar kar rahe hain. parivar ke sath talmel milakar chalne ki avashyakta pad sakti hai.
guru ke gochar ki purn shubhta prapt karne ke lie brihaspati var ka vrat ya guru mantra- “un gran grin graun sah guruve namah“ ka pratidin 108 sankhya men jap athva guruvar ke din ghi, haldi, chane ki dal, besan, papita, pit rang ke vastra ka dan karna labhkari rahta hai. iske alava faldar ped sarvajnik sthal par lagakar ya vidyarthiyon ko bhojan kara , dakshina dekar bhi ap brihaspati dev ko prasann kar shubhta prapt kar sakte hain.