‘tan’ ka arth sharir aur ‘tra’ arthat tran jise ki raksha karna kahte hain. atah nishkarshatah tantra vah vidya hai jiske madhyam se sharir ki raksha ki ja sake. vibhinn samasyaon ke nidan ke lie anek totkon ka prayog kiya jata hai, udaharanasvarup kuch nimnalikhit hain:-
bichchu dansh nashak prayog: bichchu ke kate hue sthan par shvet aprajita ki jar ko upar se niche ki taraf ragrne se aur usi taraf vale hath men is jar ko bandhne se bichchu ka vish shighra samapt ho jata hai aur dukhi vyakti punah sukh ka anubhav karta hai. bhut badha nivarn: nili aprajita ki jar ko nile kapre men lapetakar shanivar ke din bhut-badha se pirit vyakti ko gale men pahna den.
sath hi iske patte aur nim ke patte ka ras nikalakar uske nak mane tapka den. is prayog se bhut-badha ki pira shant ho jati hai. chor aur bagh se raksha: safed aprajita ko shvet bakri ke mutra men ghisakar ek goli bana len. yah goli apne pas rakhne se chor aur bagh se raksha hoti hai.
akalmrityu rodhk: jab chandragrahan ho us samay nagaudan ki jar ko lekar chandi ki tabij men bhar len. fir us tabij ko nile dhage men bandhakar gale men pahnne se akalmrityu ka bhay samapt ho jata hai. anek rog shanti: tagar ko chaikor katakar, tabij ki bhanti gale men pahnne se mastak rog, mirgi, unmad, bhut-pret, shakini adi ki pira se vyakti mukt ho jata hai.